ئێمە لە تۆرە کۆمەڵایەتیەکان

جیهان

ئیلهام ئەحمەد: هێزەكانی ئەمریكا تا كاتێكی نادیار لە ڕۆژئاوای كوردستان دەمێننەوە

خەڵك – بەشی هەواڵ

سەرۆكی دەستەی جێبەجێكاری ئەنجومەنی سوریای دیموكرات (مەسەدە) ڕایدەگەیەنێت، هێزەكانی ئەمریكا تا كاتێكی نادیار لە ڕۆژئاوای كوردستان دەمێننەوە.

ئیلهام ئەحمەد سەرۆكی دەستەی جێبەجێكاری ئەنجومەنی سوریای دیموكرات (مەسەدە) لە لێدوانێكیدا بۆ ڕۆژنامەی شەرقلئەوسەت ڕایگەیاند، هێزەكانی سوریای دیموكرات (هەسەدە) بەفەڕمی لەلایەن واشنتۆنەوە پێیان ڕاگەیەنراوە كە هێزەكانی ئەمریكا لەباكوری ڕۆژهەڵاتی سوریا و لەنزیك سنوورەكانی عیراق دەمێننەوە بۆ پاراستنی بۆرییە نەوتییەكان و خشتەیەكیش بۆ مانەوەی ئەو هێزانە دانەنراوە.

ئیلهام ئەحمەد ئاماژەی بۆ ئەوەشكرد، ئەمریكا داواكارییەكانیانی گەیاندووەتە وڵاتانی ئەوروپا سەبارەت بە كۆتاییهێنان بە هەڕەشەكانی توركیا و سزادانی ئەنقەرە و وەستاندنی پێدانی چەك بە توركیا و سەپاندنی سزای ئابووری بەسەر ئەو وڵاتەدا، لەئێستاشدا بەپێویستی دەزانن ژمارەیەكی زیاتر هێزی نێودەوڵەتی بگەیەنرێنە سنوورەكانی سوریا بۆ ڕێگریكردن لەگەیشتنی داعش بەوڵاتانی ئەوروپا لەڕێی سنوورەكانی توركیاوە.

جیهان

هێرشی حەفتەر بۆ سەر تەرابلوس دەستیپێكردەوە

خەڵك- بەشی هەواڵ

دوای ڕاگەیاندنی ئۆپەراسیۆنی كۆنتڕۆڵكردنی شاری تەرابلوس لەلایەن خەلیفە حەفتەرەوە، سوپای نیشتیمانی لیبیا بەرەو دەروازەی شاری تەرابلوسی پایتەختی لیبیا جوڵا، بەڵام تائێستا نەیتوانیووە دەستی بەسەردابگرێت.

ماڵپەڕی”Washington Times” لە ڕاپۆرتێكدا ئاماژەیكرد بە ڕووبەڕووبونەوەی چەكداری نێوان خەلیفە حەفتەر و چەكدارانی سەر بە فائیز سەراج كە بە”ویفاقی نیشتیمانی” ناسراون و لەلایەن نەتەوەیەكگرتووەكان و كۆمەڵگەی نێودەوڵەتییەوە دانپێدانراوە.

دوای كوژرانی قەزافی لە ساڵی 2011 دا، لیبیا دابەشبوو بۆ دوو بەش، یەكەمیان حكومەتێكی بێهێز لە تەرابلوس كە لەلایەن كۆمەڵگەی نێودەوڵەتییەوە پشتیوانی دەكرێت و دەسەڵاتێكی دیكە لە ناوچەكانی ڕۆژهەڵاتی ئەو وڵاتەدا.

چەكدارێكی سەر بە هێزەكانی خەلیفە حەفتەر

میدیای سەر سوپای نیشتیمانی لیبیا ڕایگەیاند، فڕۆكەیەكی بێفڕۆكەوانی توركیایان لە ئاسمانی شارۆچكەی “عین زەهرا”دا خستووەتەخوارەوە و توانیویانە بنكەیەكی سەربازی گەورە لە نزیك شاری تەرابلوس كۆنترۆڵبكەن.

بەردەوام بە لە خوێندنەوە

جیهان

داخستنی ئەنجەرلیك پەیوەندییەكانی ئەنقەرە و واشنتن زۆرتر ئاڵۆز دەكات

خەڵك- بەشی هەواڵ

توركیا بەنیازە ڕێوشوێنی نوێ لە دژی ئەمریكا بگرێتەبەر ئەوەش وەڵامدانەوە دەبێت بۆ ڕێوشوێنەكانی ئەمریكا دژی ئەنقەرە.

چاودێرانی سیاسی، پێَشبینی ئاڵۆزبوونی زۆرتری پەیوەندییەكانی ئەنقەرە و واشنتن دەكەن لە حاڵی جێبەجێكردنی هەڕەشەی داخستنی بنكەی ئەنجەرلیك.

بەگوتەی ژمارەیەك چاودێری سیاسی، تێكچوونی زیاتری پەیوەندییەكانی ئەنقەرە و واشنتن كاریگەری گەورەی لەسەر ڕۆژهەڵاتی نێوەڕاست دەبێت، بەتایبەت هاوكات لەگەڵ پەرەسەندنی ناكۆكییەكانی واشنتن لەگەڵ تاراندا.

ڕەجەب تەیب ئەردۆغان، سەرۆك كۆماری توركیا ڕایگەیاند، توركیا دەتوانێت بنكەی سەربازی ئەنجەرلیك بە ڕووی هێزی ئاسمانی ئەمریكادا دابخات، بەرامبەر بە هەڕەشەی سزادان و ناساندنی كۆمەڵكوژی ئەرمەنەكان.

ئەردۆغان لە چاوپێكەوتنێكدا ئاماژەی بەوەكرد، بنكەی ئەنجەرلیك دادەخەن، ئەگەر پێویستی كرد و بەدڵنیاییەوە ئەو دەسەڵاتەشیان هەیە.

ئاژانسی هەواڵی “ڕۆیتەرز” بە ئاماژەكردن بە لێدوانەكەی سەرۆكی توركیا باسی لەوەكردووە، كە ئەردۆغان هەڕەشەی ڕاگرتنی كاركردنی بنكەی ڕاداری “كوارسیك”ی كردووە و وتویەتی”ئەگەر سزاكان جێبەجێ‌ بكرێن، ئەو كارە دەكەین”.

سەرۆكی توركیا پێشنیازی ئەوەشی بۆ پەرلەمانی وڵاتەكەی كردووە، ڕووداوی كوشتنی هندییە سورەكان وەك”جینۆساید” بناسێنێت.

بەردەوام بە لە خوێندنەوە

جیهان

ئەردۆغان هەڕەشەی داخستنی بنكەی ئەنجەرلیك دەكات

خەڵك –بەشی هەواڵ

سەرۆكی توركیا هەڕەشەی داخستنی بنكەی لەشكری ئەنجەرلیك دەكات.

ڕەجەب تەیب ئەردۆغان لە لێدوانێكی تەلەفزیۆنیدا ڕایگەیاند بنكەی ئەنجەرلیك كە ئەمریكاییەكان بەكاری دەهێنن، لەكاتی پێویستدا دایدەخەن، لەوبارەیەوە گفتووگۆ دەكەین.

هەڕەشەی ئەردۆغان بۆ داخستنی بنكەی ئەنجەرلیك كە بنكەیەكی گەورەی لەشكرییە لە ڕۆژهەڵاتی نێوەڕاست و لەلایەن ئەمریكاییەوە بەكاردەهێنرێت، لەكاتێكدایە كە پەیوەندییەكانی هەردوو وڵات تادێت ئاڵۆزتر دەبێت.

بەپێی سەرچاوە ڕۆژنامەوانییە ڕۆژئاواییەكان، لەنێو بنكەی ئەنجەرلیك چەكی ناوەكی ئەمریكایش بوونی هەیە، بۆیە تێكچوونی پەیوەندییەكانی واشنتن و ئەنقەرە نیگەرانی دروستكردووە.

هەڕەشەكانی ئەردۆغان بۆ داخستنی بنكەی ئەنجەرلیك لەبەرامبەر چەند ڕێوشوێنێكی كۆنگرێسی ئەمریكایە بۆ سەپاندنی سزا و ناساندنی جینۆسایدی ئەرمەنەكان و هەڵوێستیان لە پشتیوانی كورد لە ڕۆژئاوای كوردستان.

بەردەوام بە لە خوێندنەوە

کوردستان