ئێمە لە تۆرە کۆمەڵایەتیەکان

ئابوری

پەڕلەمانی كوردستان بڕیارێك لە بەرژەوەندی فەرمانبەران دەردەكات

خەڵك- بەشی هەواڵ
دوو سبەی پەڕلەمانی كوردستان كۆدەبێتەوە و خوێندنەوە بۆ چەند پڕۆژە یاسایەك دەكات و بڕیارێك-یش لە بەرژەوەندی فەرمانبەرانی گرێبەست دەردەكات.

سەرچاوەیەكی پەڕلەمانی بۆ (خەڵك) ئاشكرای كرد، ڕۆژی چوار شەممە لە كاتژمێر 11ی پێشنیوەڕۆ كۆبوونەوەی ئاسایی پەڕلەمانی كوردستان ئەنجام دەدرێت.

ڕاشیگەیاند، بەپێی كارنامەكە، پەڕلەمانی كوردستان خوێندنەوەی یەكەم بۆ چەند پڕۆژە یاسایەك دەكات و گفتوگۆ لەسەر بیرۆكەی پەڕلەمانتارێك سەبارەت بە مەترسییەكانی دووبارە تەعریب و هەموواركردنەوەی مادەی 140ی دەستوور دەكرێت.

وتیشی، “خوێندنەوەی یەكەم بۆ پڕۆژە یاسای (پاراستنی بەرهەمە خۆماڵییەكان) و پڕۆژە بڕیاری (دامەزراندنی فەرمانبەرانی گرێبەست لە هەرێمی كوردستان) دەكرێت”.

ئەو سەرچاوەیە ئامادەنەبوو هیچ زانیارییەك لەسەر پڕۆژە بڕیاری تایبەت بە دامەزراندنی فەرمانبەرانی گرێبەست بدات و وتی، “پڕۆژەكە هی هەموو فراكسیۆنەكانە”.

ئابوری

قائیمقامی كەلار مۆلیدە ئەهلییەكانی سنورەكە ئاگادار دەكاتەوە

خەڵك- بەشی هەواڵ

قائیمقامی كەلار ئاگاداری خاوەنی مۆلیدە ئەهلییەكان دەكاتەوە پێویستە لەكاتی ڕوودانی لافاودا، ئەگەر كارەبای نیشتیمانی نەبوو كار بە مۆلیدەكانیان بكەن و بەپێچەوانەوە خاوەنی مۆلیدەكە سزا دەدرێت.

لە ئاگادارییەكەدا قائیمقامیەتی كەلار نوسیویەتی”بۆ سەرجەم مۆلیدە ئەهلییەكانی سنووری شاری كەلار، هەر شەوێك لە دوای سەعات یەكی شەو كارەبای نیشتیمانی پچڕاو كەشوهەوا بارانی زۆر و نالەباربوو یاخود لە كاتی (لافاو) پێویستە مۆلیدە ئیش بكات تاوەكو بەیانی. هەر مۆلیدەیەك پابەند نەبێت سزادەدرێت.”

بەردەوام بە لە خوێندنەوە

ئابوری

ئەمڕۆ دەست بە دابەشكردنی مووچەی مانگی 9 دەكرێت

خەڵك- بەشی هەواڵ

ئەمڕۆ یەك شەممە بڕیارە مووچەی مانگی ئەیلولی وەزارەتی پێشمەرگە و لیوا یەكگرتووەكانی حكومەتی هەرێم دابەش بكرێت.

بەپێی زانیارییەكان ئەمڕۆ دوای نزیكەی سێ‌ ڕۆژ دواكەوتنی لەكاتی دیاریكراوی خۆیدا دەست بە دابەشكردنی مووچەی مانگی 9 دەكرێت.

دابەشكردنی مووچەی مانگی ئەیلول لەكاتێكدایە كە چارەنوسی سێ‌ مووچەی ئەمساڵی فەرمانبەران و مووچەخۆرانی هەرێم نادیارە، سەرباری ئەوەی بەغدا ناردویەتی و حكومەتی هەرێم ڕایگەیاند، كە پارەكەی وەرگرتووە.

بەردەوام بە لە خوێندنەوە

ئابوری

مەسرور بارزانی: دەستكەوتی بەرچاو بەدیهاتوون

خەڵك- بەشی هەواڵ
سەرۆك وەزیرانی هەرێمی كوردستان بەبۆنەی تێپەڕبوونی 100 ڕۆژ بەسەر دەستبەكاربوونی حكومەتی هەرێمەوە ڕایدەگەیەنێت، كە دەستكەوتی بەرچاوومان بەدەستهێناوە و دەشڵێت: “50%ی داهاتی ناوخۆ لەڕێگەی ڕێكخستنەوەی باج زیاد دەكەین”.

مەسرور بارزانی، سەرۆك وەزیرانی هەرێم لە وتارەكەیدا ئاماژەی بەوەكرد، كە ڕێكاری توندمان گرتۆتە بەر بەرامبەر ئەوانەی بۆ ڕاپەڕاندنی كارەكان لە دامودەزگا حكومیەكان بەرتیل وەردەگرن و چەندین كارمەند و خاوەن كارمان لەكار لاداوە.

ڕاشیگەیاند، كە قۆناغی باشمان بڕیوە و دەستكەوتی باش بەدیهاتوون و بە پشتیوانی خوا و هاووڵاتیان بەردەوام دەبین و چاوپۆشی لە گەندەڵكاران ناكەین.

ئاشكراشی كرد، كە دوای پێداچوونەوەیەكی ورد بە پڕۆژەی چاكسازی لە ئێستادا ئامادە بووە و ڕەوانەی پەڕلەمانی دەكەین بۆ پەسەند كردنی.

سەرۆك وەزیرانی هەرێم وتیشی، “تا كۆتایی ساڵ 50%ی داهاتی ناوخۆ زیاد دەكەین ئەوەش لەڕێگەی ڕێكخستنەوەی سیستمی باج و ناهێڵین كۆمپانیاكان لە پێدانی باج خۆیان بدزنەوە”.

جەختیشی، “ئێستا داوامی فەرمانبەران باشتر بووە و دەوامی ڕێكوپێك دەكەن و كاردانەوەی هاووڵاتیانمان بەدەست دەگاتەوە، كە خۆشحاڵن كاروبارەكانیان خێرا ڕایی دەكرێت”.

سەبارەت بە پەیوەندیەكانی هەولێر و بەغدا، مەسرور بارزانی ئاماژەی بەوەكرد، كە پەیوەندییەكان بەرەو باشتر چوون و دوای دەستبەكاربوونمان ڕاستەوخۆ بۆ دەربڕینی نازپاكی چووینە بەغدا و دەمانەوێت ڕێككەوتنی گشتگیر بكەین و خۆشحاڵانە لەسەر چوار تەوەر لەگەڵ بەغدا گفتوگۆ دەكەین، كە بودجە و دەسەڵاتەكانی هەرێم و ناوچە دابڕێنراوەكان و هێزی پێشمەرگەیە.

جەختیشی كردەوە، كە هەوڵەكانمان بەردەوامە بۆ ئەوەی بودجەی هەرێم دابین بكرێت تاوەكو مووچەی فەرمانبەران كێشەی نەبێت و جارێكی دیكە تووشی كێشەی پاشەكەوتی مووچە نەبینەوە.

داواشی لە حزب و لایەنەكان كرد، “ئەم حكومەتە هی هەمووانە و لە كارە چاكەكان هاوكارمان بن و خاڵە خراپ و كەموكوڕەكانمان بۆ دیاری بكەن” و جەختیشی كردەوە، كە لەم دۆخە نالەبارەی ناوچەكە پێویستمان بە یەكگرتوویی و هەماهەنگی زیاترە.

دەقی وتارێکمان بەبۆنەی تێپەڕبوونی 100 رۆژ کارکردنی کابینەی نۆیەمی حکومەتی ھەرێمی کوردستان،

‎‏‎كوردی / Kurdi Latini / عربي / Türkçeدەقی وتارێکمان بەبۆنەی تێپەڕبوونی 100 رۆژ کارکردنی کابینەی نۆیەمی حکومەتی ھەرێمی کوردستان، کە تێیدا رۆشنایمان خستە سەر ئەو پێشکەوتنانەی تا ئێستا بەدیھاتوون و ھەنگاوەکانی داھاتوو بەرەو کوردستانێکی بەھێزتر.___Naveroka gotareke me ya bi minasebeta derbasbûna 100 roj kar kirina kabîneya nû ya hikûmeta herêma Kurdistanê, ku têde me balkêşandiye ser ev pêşkeftinên ku niha hatine bidestxistin û pêngavên dahatî yên ber bi Kurdistaneke bihêztir ve.___نص الخطاب الذي ألقيناه بمناسبة مرور ١٠٠ يوم من عمل التشكيلة الوزارية التاسعة لحكومة إقليم كوردستان والتي سلطنا الضوء خلالها على الإنجازات التي تحققت خلال الفترة الماضية والخطوات المرتقبة نحو كوردستان اكثر قوة.___Kürdistan Bölgesi’nin yeni hükümet kabinesinin 100’üncü günü münasebetiyle yaptığımız sunumda, güçlü bir Kürdistan için bugüne kadarki gelişmeler ve gelecekteki atılımlara vurgu yaptık.

Posted by Masrour Barzani on Saturday, December 7, 2019

بەردەوام بە لە خوێندنەوە

کوردستان