ئێمە لە تۆرە کۆمەڵایەتیەکان

جیهان

حەسەن نەسروڵڵا: ترەمپ وەك بەكرێگیراو هەڵسوكەوت لەگەڵ سوپای ئەمریكا دەكات

خەڵك- بەشی هەواڵ
ئەمینداری گشتی حزبوڵڵای لوبنانی ڕایدەگەیەنێت، دۆناڵد ترەمپ، سەرۆكی ئەمریكا وەك بەكرێگیراو مامەڵە لەگەڵ سوپای وڵاتەكەی دەكات.

ئەمڕۆ دوو شەممە، حەسەن نەسروڵڵا، ئەمینداری گشتی حزبوڵڵای لوبنانی لە وتارێكیدا ڕایگەیاند، “ترەمپ وەك بەكرێگیراو مامەڵە لەگەڵ سوپای ئەمریكا دەكات، بۆیە پێیانوایە هەموو كەس وەك خۆیانن”.

بە وتەی ئەمینداری گشتی حزبوڵڵای لوبنانی، “نەوت سەبارەت بە ترەمپ بەهای هەیە، بەڵام مرۆڤ گەر هاوڕێی شەڕ و تفەنگیش بێت، دەكرێت پشتی تێبكرێت و بەجێبهڵدرێت”.

لەم ماوەیەی دواییدا، بڕیاری پاشەكشەكردنی هێزەكانی ئەمریكا لە باكووری خۆرهەڵاتی سوریا لەلایەن ترەمپەوە، لەناوخۆی وڵاتەكەی و لە دەرەوە، ڕووبەڕووی ڕەخنەیەكی زۆر بووەوە.

جیهان

هەلیكۆپتەرێك لە ئەمریكا كەوتەخوارەوە

خەڵك –بەشی هەواڵ

بەیانی ئەمڕۆ لە ویلایەتی مینیسوتای ئەمریكا هەلیكۆپتەرێك كەوتەخوارەوە.

بەپێی ڕاگەیەندراوی نووسینگەی پاسەوانی نیشتیمانی ویلایەتی مینیسوتا هەلیكۆپتەرەكە سەر بە هێڵی ئاسمانی سوپای پاسەوانی نیشتیمانی بووە و لە گەشتێكی تاقیكردنەوەدا بووە.

بەهۆی ڕووداوەكەوە سێ سەربازی ئەمریكایی گیانیان لەدەستدا.

بەردەوام بە لە خوێندنەوە

جیهان

خۆپیشاندان لە فەرەنسا دەستیپێكرد

خەڵك –بەشی هەواڵ

بە شێوازێكی بەرفراوان خۆپیشاندان لە فەرەنسا دەستیپێكرد لە دژی یاسای خانەنشینی.

لە زۆرتر لە 250 شار و شارۆچكەی فەرەنسا بە بەشداری نزیكەی 500 هەزار كەس خۆپیشاندان دەستیپێكردووە لە دژی یاسای خانەنشینی كە لەلایەن حكومەتەوە ئامادەكراوە.

لە پاریس نزیكەی 250 هەزار كەس بەشداری خۆپیشاندانەكانیان كرد، لەوێ تێكهەڵچوون لە نێوان خۆپیشاندەران و هێزە ئاسایشییەكاندا ڕوویدا و قوربانی كەوتنەوە.

لە هەندێك شوێنیش مانگرتنی گشتی ڕاگەیەندراوە و بەشێك لە گەشتە ئاسمانییەكانیش هەڵوەشێندرانەوە و دەیان كەسیش قۆڵبەست كراون.

بەردەوام بە لە خوێندنەوە

جیهان

لاڤرۆڤ: ڕوسیا وەڵامی هەموو هەڕەشەكانی ناتۆ دەداتەوە

خەڵك – بەشی هەواڵ

وەزیری دەرەوەی ڕوسیا ڕایدەگەیەنێت، “مۆسكۆ وەڵامی هەموو هەڕەشەكانی ناتۆ دەداتەوە كە دەیكاتە سەر بەرژەوەندییەكانی ڕوسیا”.

سێرگی لاڤرۆڤ وەزیری دەرەوەی ڕوسیا لە كۆنفڕانسێكی ڕۆژنامەوانیدا سەبارەت بە كۆبوونەوە و چالاكییەكانی هاوپەیمانی باكووری ئەتڵەسی ناتۆ ڕایگەیاند، “ناتۆ بودجەیەكی زۆری بۆ بەهێزكردنی بەرگری و هێزە سەربازییەكانی هاوپەیمانییەتییەكەیان تەرخانكردووە، كە لەمێژووی هاوپەیمانییەتییەكەیان هاوشێوەی نەبووە”.

لاڤرۆڤ ئاماژەی بەوەشكرد، “ئامانجی ناتۆ لەئەنجامدانی ئەو كارە بەهێزكردنی پێگەی خۆیەتی لەجیهاندا و سەپاندنی دەسەڵاتی خۆیەتی لە ڕۆژهەڵاتی ناوەڕاستدا”.

وەزیری دەرەوەی ڕوسیا جەختیشیكردەوە، “ڕوسیا وەڵامی هەموو هەڕەشەكانی ناتۆ دەداتەوە كە دەیكاتە سەر بەرژەوەندییەكانی ڕوسیا لە هەر كوێیەكی جیهاندا بێت”.

سێرگی لاڤرۆڤ ئەوەشی خستەڕوو، “ناتۆ و ڕوسیا و چین بە دوژمن دەزانێت و بەردەوام دژایەتیان دەكات”، وتیشی، “ئێمە خۆمان ناگلێنین لە پێشبڕێكی بەهێزكردنی سەربازی وڵاتەكەمان لەدژی ناتۆ، ڕوسیا شێوازی تایبەتی هەیە بۆ وەڵامدانەوە بەجۆرێك ئاسایشی وڵاتەكەمانی تێدا مسۆگەربێت”.

بەردەوام بە لە خوێندنەوە

کوردستان