ئێمە لە تۆرە کۆمەڵایەتیەکان

جیهان

ئەمریكا هۆشداری سەرهەڵدانەوەی داعش لە عیراق و سوریا دەدات

خەڵك-بەشی هەواڵ

چەند هەفتەیەك دوای ئەوەی دۆناڵد تڕەمپ بڕیاری دا سوپاكەی لە سوریا بكشێنێتەوە، سەرۆكی ئەركانی هاوبەشی سوپای ئەمریكا ئاشكرایكرد، نزیكەی 500 سەربازی ئەمریكایی لە باكوری سوریا دەهێڵنەوە.

مارك مەیلی سەرۆكی ئەركانی هاوبەشی سوپای ئەمریكا بە كەناڵی (ABC)ی ئەمریكایی ڕاگەیاند، بەدڵنیاییەوە كەمتر لە هەزار سەرباز لە باكوری سوریا دەهێڵینەوە.
مەیلی دەڵێت”ئەگەر هەیە لەنێوان 500 بۆ 600 سەرباز لە سوریا بهێڵینەوە”.

شارەزایانی سیاسی ئەم بڕیارەی ئەمریكا بۆ ئەوە دەگەڕێنەوە كە داعش لە ناوچەكە سەرهەڵدەداتەوە، هەروەها دەیانەوێت كوردەكان لە هێرشەكانی توركیا بپارێزن.
مارك مەیلی كە پێشتر فەرماندەی سەربازی ئەمریكایی بووە لە عیراق و ئەفغانستان ئاشكرایكرد، گرنگ ئەوەیە ژمارەیەك لە سەربازانی ئەمریكا لە سوریا دەمێننەوە تا ئەوكاتەی داعش لە سوریا چالاكییەكانی ئەنجام دەدات.
ئەو بەرپرسە ئەمریكاییە، دەڵێت “تا ئێستا چەكدارەكانی داعش لە سوریا و عیراق بوونیان هەیە و ئەگەر فشارەكانمان زیاتر نەكەین بۆ ڕووبەڕووبونەوەیان، ئەگەر هەیە بۆ جارێكی دیكە بگەڕێنەوە”.

جیهان

ئێران ڕوونکردنەوە لەبارەى تەقینەوەکەی باکووری ڕۆژهەڵاتی ئێران دەدات

خەڵک – بەشی هەواڵ

 بە پێی ڕاپۆرتی ئاژانسی هەواڵی مێهر، ئاگر لە مەخزەنی مەیعاناتی گازی کارگەی پێترۆ نەوتی شارۆچکەی پیشەسازی کاویان فەریمان لە باکووری ڕۆژهەڵاتی ئێران کە ناوچەیەکی زۆر گەرمە لەم وەرزەدا بەربوو.

ئەگەرچی هەندێ میدیا مانشێتی ئەم هەواڵەیان وا نووسیبوو کە تەقینەوە لە ناوچەیەکی پیشەسازی ئێران ڕوویدا، بەڵام ئەو دەنگۆیە ڕاست نەبوو و ئاگرکەوتنەوە بووە، کە دواتر ئاگرەکە گەیشتووەتە تەنکەرەکان .

بەرپرسی ئاگرکوژێنەوەی ئەو شارۆچکە پیشەسازیە وتی: ئاگرکەوتنەوە لە مەخزەنەکان (تەنکەر)ی مەیعاناتی گازی ئەو کارگایە بووە هۆی ئەوەی، لەو شەش تەنکەرە کە ئاگری تێچووبوو، یەکیان بتەقێت.

جەواد جەهان دۆست ڕایگەیاند: ئەو ئاگرکەوتنەوەیە هیچ خەسارێکی گیانی نەبووە و کەمێک خەسار بەر کارگەکە کەوتووە.

بەردەوام بە لە خوێندنەوە

جیهان

چاکبوونەوە لەکۆرۆنا نزیکدەبێتەوە لە ٨ ملیۆن کەس

خەڵک – بەشی هەواڵ

 

بەپێی نوێترین ئامار،زیاتر لەحەوت ملیۆن و ٧٠٩ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا نزیکی ١٣ملیۆن و ٢٤٣ هەزار کەس تووشی ڤایرۆسی کۆرۆنای نوێ بوون.

 

هەر بەپێی ئەو ئامارە، لەوماوەیەدا زیاتر لەحەوت ملیۆن و ٧٠٩هەزار کەس چاکبوونەتەوە، کە لەبەرامبەردا زیاتر لە ٥٧٥ هەزار  کەس گیانیان لەدەستداوە، ئەوانی دیکەش لەژێر چارەسەردان.

 

بەردەوام بە لە خوێندنەوە

جیهان

زانایانی بەریتانیا؛ ڤایرۆسی كۆڤید19 بەڕێژەی 97% لە كۆرۆنای شەمشەمەكوێرە دەچێت

خەڵك – تەندروستی

زانایانی پەیمانگای فرانسیس كریك لە بەریتانیا ڕایدەگەیەنن، ڤایرۆسی كۆرۆنا لە یەكگرتنی چەند ڤایرۆسێكەوە بووە و دواتر گۆڕاوە بۆ یەك ڤایرۆس، دەشڵێن،” ڤایرۆسی كۆرۆنا زۆر نزیكە لە ڤایرۆسی كۆرۆنای شەمشەمەكوێرە و ڕێژەی لێكچوونی ئەو دوو ڤایرۆسە لە 97%”.

تیمێكی زانایانی پەیمانگای فرانسیس كریك لەبەریتانیا لێكۆڵینەوەیەكی نوێیان لەبارەی ڤایرۆسی كۆرۆنا ئەنجامدا لە پێناو باشتر تێگەیشتن لەچۆنیەتی پەرەسەندنی ئەو ڤایرۆسە و هۆكاری بڵاوبوونەوەی بەئاسانی بەجیهاندا و ئاماژەیان بەوەكردووە، كە ئەوان لەو بڕوایەدان ڤایرۆسی كۆرۆنا بەهۆی یەكگرتنی چەند ڤایرۆسێكەوە بووبێت و دواتر گۆڕاوە بۆ یەك ڤایرۆس.
ڕاشیانگەیاندووە، ڤایرۆسی كۆرۆنا هاوشێوەی ڤایرۆسەكانی دیكە پرۆتینی هەیە، كە یارمەتی دەدات بچێتە نێو خانەكانی مرۆڤەوە، بۆیە ڤایرۆسی كۆرۆنا زۆر نزیكە لە ڤایرۆسی كۆرۆنای شەمشەمەكوێرە و ڕێژەی لێكچوونی ئەو دوو ڤایرۆسە 97%.
زانایانی بەریتانیا بۆیان دەركەوت پرۆتینی ڤایرۆسی كۆرۆنا زیاتر سەقامگیرە بەراورد بەڤایرۆسی شەمشەكوێرە و ئەوەش وادەكات توانای لكاندنی بەخانەكانی مرۆڤەوە نزیكەی هەزار جار زیاتر بێت لەتوانای لكاندنی ڤایرۆسی شەمشەكوێرە.

ئەمە لەكاتێكدایە، دوای بڵاوبوونەوەی ڤایرۆسی كۆرۆنا لەسەرتاسەری جیهان، زانایان و پسپۆڕان هەموو هەوڵێكیان چڕكردۆتەوە بۆ لێكۆڵینەوە لەو ڤایرۆسە بۆ ئاشكراكردنی نهێنیەكانی و بنبڕكردنی كە تائێستا بەهۆی ئەو ڤایرۆسەوە سەدان هەزار كەس گیانیان لەدەستداوە.

بەردەوام بە لە خوێندنەوە

کوردستان