ئێمە لە تۆرە کۆمەڵایەتیەکان

ژینگە

لە گەرمیان ئامێرێكی بیرلێدان دەستی بەسەردا گیرا

خەڵك- بەشی هەواڵ
بەڕێوەبەرایەتی پۆلیسی گەرمیان ئاشكرای دەكات، كە دەستیان گرتووە بەسەر ئامێرێكی بیرلێدان.

بەڕێوەبەرایەتی پۆلیسی گەرمیان لە ڕاگەیەنراوێكدا ئاماژەی بەوەكردووە، پۆلیسی شارەوانیەكانی گەرمیان لەگوندی صاڵح ئاغا سەر بە شارەدێی قۆرەتوو دەستیان بەسەر كەرەستەیەكی هەڵكەندنی بیری ئاودا گرت، كە بە نایاسایی و زیادەڕەوی بیری ئاویان لێ دەدا.

ڕاشیگەیاندووە، لەكاتێكدا ئاگاداریمان بڵاوكردەوە كەهیچ كەسێك بەبێ مۆڵەت بیری ئاو لێ نەدات، بۆیە هەركەسێك سەرپێچی بكا دەست بەسەر كەرەستەكانیدا دەگیرێت.

ژینگە

كەشناسی هەرێم لە بارەی بەفربارینەوە ڕاگەیەنراوێكی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت ، بەهۆی كاریگەری نزمە پاڵەستۆی دەریای سپی ناوەڕاست، كە ڕووی كردۆتە ناوچەكەمان باران بە شێوەی بچڕ بچڕ لە زۆربەی ناوچەكان باریوە، دەشڵێت،”هەندێك چیاكانی هەرێمیش بەفر بارین دەستی پێكردووە”.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەهۆی كاریگەری نزمە پاڵەستۆی دەریای سپی ناوەڕاست، كە ڕووی كردۆتە ناوچەكەمان باران بە شێوەی بچڕ بچڕ لە زۆربەی ناوچەكان باریوە.

ڕاشیگەیاندووە، بەفر لە سەر لوتكەی هەندێك لە چیاكانی كوردستان باریوە لەوانە چیای سەكران و چیای حسن بەگ و چیای هەڵگورت و حاجی ئۆمەران و بەردەبووك.

ئاماژە بۆ ئەوەشكراوە، لە پاڕیزگای دهۆك بەفر لە ناوچەی بەرواری و چیای مەتین و چیای گارە و كانی ماسی باریوە سەبارەت بە پارێزگای سلێمانی جارێ بەفر هیچ نەباریوە.

بەردەوام بە لە خوێندنەوە

ژینگە

كەشناسی هەرێم؛ ئەمڕۆ لەم ناوچانە بەفر دەبارێت

خەڵك – بەشی هەواڵ
بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت ، ئاسمانی شارەكانی هەرێم هەوراوی دەبێت ئەگەری بەفر بارین لەناوچە شاخاوییە سنورییەكان هەیە.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ هەینی 6-12-2019 كەش و هەوای شارەكانی هەرێم ئاسمانی هەوراوی دەبێت ، لە پارێزگای هەولێر هەوری باراناوی دەبێت لەگەڵ ئەگەری بارینی بەفر لە ناوچە شاخاوییە سنوریەكانی پارێزگاكە.

دەشڵێت،”پارێزگای سلێمانی ئاسمانی هەور دەبێت و دەگۆڕێت بۆ هەوری باراناوی و ئەگەری بەفر بارین لە ناوچە شاخاوییە سنوورییەكانی ڕۆژهەڵاتی پارێزگاكە هەیە، بەهەمان شێوەش لە پارێزگای دهۆك ئەو كەش و هەوایە پێشبینی دەكرێت”.

ڕاشیگەیاندووە، لە پارێزگای كەركوك ئاسمان هەوری باراناوی دەبێت و لە هەندێك ناوچە هەورە تریشقەی لەگەڵدا دەبێت .

وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.

وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.

 

بەردەوام بە لە خوێندنەوە

ژینگە

پلازمای سه‌رسوڕهێنه‌ر له‌نزیك خۆر به‌دیكراوه‌

خەڵک

پاركه‌ر سۆله‌ر پرۆب، كه‌شتی ئاسمانی ناسا-ی پشكنێره‌ری خۆر، به‌ پشكنینه‌ نوێیه‌كه‌ی زانایانی تووشی سه‌رسوڕمان كرد.
ڕۆژی 4ی نۆڤێمبه‌ر زاناكان بڵاویانكرده‌وه‌ كه‌ ئه‌نجامه‌ به‌راییه‌كان ده‌ریانخستووه‌ كه‌ گه‌ردی پلازمای كڵپه‌سه‌ندووی نوێیان له‌نزیك خۆر به‌دیكردووه‌ كه‌ پێشتر نه‌بینراوه‌ ئه‌ویش له‌ئه‌نجامی ته‌قینه‌وه‌ی نوێی گه‌رده‌كانی خۆر كه‌ هێڵه‌كانی له‌شێوه‌ی بواری موگناتیسی ده‌ره‌وه‌ی خۆره‌ و وه‌ك خێرایی ته‌وژمی خۆر ده‌ركه‌وێت.

ئه‌مه‌ یه‌كه‌مین جاره‌ زانایان تێبینی له‌و جۆره‌یان چنگ بكه‌وێت له‌دوای ئه‌وه‌ی له‌ساڵی 2018ه‌وه‌ ناسا كه‌شتی ئاسمانی پاركه‌ر سۆله‌ر پرۆب-ی گه‌یاندۆته‌ نزیك خۆر، ئه‌ویش له‌پێناو به‌ده‌ستگه‌یشتنی زانیارییه‌ نه‌زانراوه‌كانی ده‌وروبه‌ری خۆر.

زانایان ئه‌وه‌یان ئاشكرا كردوه‌ له‌ئاكامی ئه‌م زانیارییه‌ نوێیه‌ (ته‌وژمی نوێی پلازمای ده‌وری خۆر) راڤه‌ی زۆر نهێنی تریان ده‌ستگیر ده‌بێت له‌وانه‌: بۆچی ئاتمۆسفیری ده‌وری خۆر زۆر گه‌رمتره‌ له‌ ڕووی خۆر، یاخود یارمه‌تی زانایان ده‌دات كه‌ زانیاریان چنگ بكه‌وێت له‌سه‌ر گه‌رده‌لولی ئاگرینی خۆر كه‌ ئه‌بێته‌ هۆی له‌كاركه‌وتنی مانگه‌ ده‌ستكرده‌كانی بۆشایی ئاسمان.

دێڤێد ماكۆماس، زانای فیزیای گه‌ردوونی له‌ تاقیگه‌ی پرینستۆن بۆ فیزیای پلازما له‌ ویلایه‌تی نیوجیرسی ده‌ڵێت:”خۆر سه‌رچاوه‌ی ژیانه‌ به‌ڵام ترسه‌كانیشی په‌یوه‌سته‌ به‌ئێمه‌وه‌”.

كه‌شتی ئاسمانی پاركه‌ر سۆله‌ر پرۆب كه‌ له‌ لایه‌ن ناساوه‌ گه‌یه‌نرایه‌ نزیك خۆر توانای به‌رگه‌گرتنی 2500 پله‌ی فه‌هره‌نهایتی (1372 پله‌ی سیلیزی) هه‌یه‌، به‌شێوه‌یه‌ك ته‌دریجی له‌سه‌ر خولگه‌یه‌ك نزیك بووەته‌وه‌ له‌ خۆر كه‌ له‌ سه‌عاتێكدا (430 هه‌زار مایل ده‌بڕێت كه‌ ده‌كاته‌ 692 هه‌زار كیلۆمه‌تر) به‌ ده‌وری خۆردا ده‌سوڕێته‌وه‌.

ئه‌مریكا به‌نیازه‌ له‌ 2025، ئه‌م كه‌شتییه‌ له‌ دووی 4 ملیۆن میل نزیك بكاته‌وه‌، تا ئێستا سێ جار نزیكی كردۆته‌وه‌ له‌سه‌ره‌تای هه‌ڵدانییه‌وه‌، به‌شێوه‌یه‌ك له‌سه‌ره‌تای هه‌ڵدانیدا 15 ملیۆن میل دوور بوو له‌ خۆره‌وه‌.

جاستن كاسپه‌ر زانای فیزیایی له‌ زانكۆی میشیگان، ده‌ڵێت:”ئێستا خۆر زۆر به‌ ئاشكرا و باشتر تێبینی ئه‌كه‌ین وه‌ك له‌ پێشتر”.

وتیشی: “ئه‌م ته‌وژمه‌ نوێیه‌ پلازمییه‌ی چه‌ند ڕۆژی پێشوو ئاشكرا بووه‌ خێراییه‌كه‌ی 300 هه‌زار مایله‌ له‌سه‌عاتێكدا”.

وەرگێڕانی/لوقمان غه‌فوور

سەرچاوە/ئێن پی ئار و سی ئێن ئێن

بەردەوام بە لە خوێندنەوە

کوردستان