سەرۆكی پارتی سۆشیال دیموكراتی كوردستان ڕایدەگەیەنێت،پێویستە جوگرافیای سنوری پارێزگای هەڵەبجە وەك خۆی لێبكرێتەوە، ئەوەی ئێستا هەیە بچوكراوە و دابڕێنراوە، سنورەكەی لە چوارتاوە تا كەلار و خانەقین بووە، ناوەندی پارێزگاكەی سلێمانی بووە.
محەمەد حاجی مەحمود، سەرۆكی پارتی سۆشیال دیموكراتی كوردستان لە پارێزگای هەڵەبجە و لە یادی 35 ساڵەی كیمیابارانكردنی شارەكە، لە كۆنگرەیەكی ڕۆژنامەوانیدا ڕایگەیاند، داوام لە حكومەتی عیراق و هەرێم و سەرۆكایەتی هەرێم و پەرلەمان دەكەم ، جوگرافیای هەڵەبجە وەك خۆی لێبكەنەوە .
ڕاشیگەیاند، پێشتر سنوری پارێزگای هەڵەبجە (ولایەتی شارەزوور) لە چوارتا تا كفری بووە و ناوەندەی پارێزگاكەش سلێمانی تا خانەقین بووە، پێویستە ئەو جوگرافیایەی بۆ بگەڕێتەوە، هەڵەبجە”پێجوێنە وهەڵەبجەی تازەیە و سەیدسادق و دەربەندیخان و كەلار و ئەو ناوچانەیە”.
