ئێمە لە تۆرە کۆمەڵایەتیەکان

کوردستان

ڕێنمایی نوێ‌ بۆ ڕێكخستن و شێوازی كاركردنی تەكسی دەرچوو


خەڵك – بەشی هەواڵ
وەزیری گواستنەوە و گەیاندنی حكومەتی هەرێمی كوردستان ڕایدەگەیەنێت، لەماوەی شەش مانگدار ِێكخستنەوەی كاروباری تاكسیەكان لە هەرێم ئەنجام دەدرێت، دەشڵێت: “گرنگی بڕیارەكە لەوەدایە كەس ناتوانێت تاكسی كەسی دیكە بەكاربهێنێت”.

ئانۆ جەوهەر، وەزیری گواستنەوە و گەیاندنی حكومەتی هەرێمی كوردستان ڕایگەیاندووە، هەر پارێزگایەك لۆگۆی تاكسی تایبەت بە خۆی دەبێت و لە پارێزگایەكی دیكە ناچێت، شۆفێرانی تاكسی دەچنە بەڕێوەبەرایەتییەكانی هاتووچۆ لە هەرێمی كوردستان و فۆڕمێك وەردەگرن، كە بە فۆڕمی زانیاری ناسراوە و تێیدا سەرجەم زانیارییەكانی خۆی پڕدەكاتەوە.

وەزیری گواستنەوە و گەیاندن بۆ (ترافیك ئێف ئێم)ی هاتووچۆی سلێمانی باسی لەوەشكردووە، شۆفێری تاكسی پێویستە بچێتە بنكەی ئاسایشی گەڕەكەكەی و ئاسایش تێبینی خۆی لەلایەنی ئەمنییەوە لەسەر شۆفێرەكە بنووسێت، پاشان ئەو شۆفێرە دەچێتە بەڕێوەبەرایەتی بەڵگەی تاوان، لەوێش دوای ئەوەی سەلمێنرا ئەو شۆفێرە لەڕووی بەڵگەی تاوانەوە هیچ كێشەیەكی نییە، ڕەوانەی بەڕێوەبەرایەتی هاتووچۆی پارێزگاكەی خۆی دەكرێت.

ڕاشیگەیاندووە، بەڕێوەبەرایەتییەكانی هاتووچۆ دوای تەواوبوونی ڕێكارەكان، شۆفێری تاكسییەكە دەنێرنە لای ئەو كۆمپانیایەی لۆگۆی تاكسیەكان دابین دەكات، لەوێش كارتی زانیاری بۆ دروست دەكرێت، كە وێنەی شۆفێرەكە و ژمارەی مۆبایلی شۆفێرەكە و ژمارەی ئۆتۆمبێلەكەش نووسراوە، بەهەمان شێوە لەكوشنی پشتەوەش هەمان زانیاری هەیە و جێگیركراوە، كە گرنگییەكەی لەوەدایە كەس ناتوانێت تاكسی كەسی دیكە بەكاربهێنێت.

ئاماژەی بۆ ئەوەشكردووە، لەماوەی شەش مانگدا دەبێت بڕیارەكە جێبەجێ بكرێت، دوای ئەو وادەیەش هەر شۆفێرێك ئەو كارتی زانیارییەی نەبوو هەروەها لۆگۆی وەرنەگرتبوو، لەلایەن تیمەكانی هاتووچۆوە ڕێكاری یاسایی بەرامبەر دەگیرێتەبەر.

وەزیری گواستنەوە ئاشكراشیكرد، دوای ئەو ماوەیە سەرجەم فۆڕمەكان دەكرێنە داتابەیسێك و پێشكەشی وەزارەتی ناوخۆ دەكرێت، ئەوانیش بەراوردی پێدەكەن لەگەڵ داتابەیسی خۆیان، ئەوكاتە ئەگەر لێكچوون هەبوو، ئەوا ڕاستەوخۆ ناوەكە دەردەهێنرێت.

کوردستان

بەوێنە؛ لەهەولێر قەدەغەی هاتووچۆ شەقامەكانی چۆڵكرد


خەڵك-ئارام سەردار
كاتژمێر ۱۲ی نیوەڕۆی ئەمڕۆ شەممە ٤ی نیسانی ۲۰۲۰ بڕیاری وەزارەتی ناوخۆ بۆ قەدەغەكردنی هاتووچۆی ئۆتۆمبێل و پیادە و داخستنی تەواوی بازاڕ و ئەو شوێنانەی بۆ دابینكردنی پێداویستی هاووڵاتیان كراوەبوون وەك ماڕكێت و نانەواخانە و سەموونخانەكان چووە بواری جێبەجێكردن.

بەردەوام بە لە خوێندنەوە

کوردستان

بەوێنە؛ ئەو پیاوەی بووە هۆی تووشبوونی پزیشكەكەی چوارتا سنوورداش كرایەوە


خەڵك – بەشی هەواڵ
بەڕێوبەری مەڵبەندی تەندروستی چوارتا ڕایدەگەیەنێت، ئەمڕۆ ئەو هاووڵاتیە ئێرانیەی هەڵگری ڤایرۆسى كۆرۆنا بوو لە گوندی ئەحمەدئاوای شارباژێڕ دەستگیركرا، دەشڵێت: “بەفەرمی سنورداشی ئێران كرایەوە”.

ئاوات مەحمود، بەڕێوبەری مەڵبەندی تەندروستی چوارتا لە هەژماری تایبەتی خۆی لە فەیسبووك ڕایگەیاندووە، ئەمڕۆ شەممە 4ی نیسان بەهاوكاری و هەماهەنگی تیمێكی تەندروستی و ئاسایشی سیتەك ئەو هاووڵاتییەی ڕۆژهەڵاتی كوردستان، كە دانیشتوی یەكێك لەباخەكانی گوندی ئەحمەد ئاوا بوو دەستگیر كرا.

ڕاشیگەیاندووە، ئەو هاووڵاتیە سەرچاوەی تووشكردن و بڵاوكردنەوەی ڤایرۆسی كۆرۆنا بوو بۆ هاووڵاتیەكی خزمی خۆی و پزیشكەكەی نەخۆشخانەی چوارتا و ئەمڕۆ بە فەرمی سنوورداشی ئێران كرایەوە.

بەردەوام بە لە خوێندنەوە

کوردستان

كۆمپانیای ئاوا مێدیكا چەند جۆرێكی دەرمانی كۆرۆنا دەداتە تەندروستی هەرێم


خەڵك – ئارام سەردار
وەزیری تەندروستی حكومەتی هەرێم ڕایگەیاند، ئێمە لەمەڕاسیمی وەرگرتنی كۆمەڵێك دەرمانین، كە ۱۱ جۆر دەرمانە لەلایەن كۆمپانیای ئاوا مێدیكا، كە بەبڕی ۳۹ هەزار پاكەت هێنراوە و دواتر بەسەر هەموو نەخۆشخانەكان دابەش دەكرێت، دەشڵێت: “بەشێك لەدەرمانەكان بۆ چارەسەری كۆڕۆنا بەكاردێت، لەگەڵ هەندێ دەرمانی پاڵپشتیكار”.

د. سامان بەرزنجی، وەزیری تەندروستی هەرێم لە كۆنفڕانسێكی ڕۆژنامەوانیدا وتی، “ئێمە ئەمڕۆ لەدۆخێك و قەیرانی نەخۆشی كۆڕۆناین، كە لەسەر ئاستی جیهان بۆتە كێشە، بۆیە وەك وەزارەت داوای هاوكاریمان كرد لەوڵاتان و كۆمپانیاكانی بەرهەمهێنانی دەرمان، دەكرێت كۆمەك و بەخشینەكانیشیان بخەنە سەر ئەژماری بانكی حكومەت، هیواداریشین هەموولایەك بەتایبەت كۆگا و كۆمپانیاكانی دەرمان هاوكاری كەرتی تەندروستی بن، چونكە ڕۆژانە زیاتر لە ۱۰۰۰ پشكنینی كۆڕۆنا ئەنجام دەدرێت، بۆیە پێویستە هاوكاری نەخۆشخانەكان و كەرتی تەندروستی بكرێت”.

سامان بەرزنجی ئاماژەی بۆ ئەوەشكرد، ئێمە لە دۆزینەوەی حاڵەتەكانی توشبووانی كۆڕۆناین لەهەرێمی كوردستان، چونكە تەشەنەكردنی ئەو نەخۆشیە مەترسی زۆری هەیە، بۆیە دابینكردنی دەرمان و پێداویستی پزیشكی كارێكی زۆر گرنگە، چونكە ئیستا لەدۆخی قەیرانێكی دارایین، بۆیە هەنگاوێكی باشە كەوا كۆمپانیای ئاوامێدیكا بەم بڕە دەرمانی پێشكەش كردین لەبەیانیەوە دەست بەدابەشكردنی دەكەین.

ئاماژەی بۆ ئەوەشكرد، تێست كردن و پشكنینی تاقیگەیی چەند تەكنیكێكی دەوێت، بۆیە ئێمە پێویستمان بەهاوكاری هەیە و تیمەكانیش چەند سەرچاوەیەكیان هەیە بۆ وەرگرتنی پشكنین ئەوانیش گەشتیارانی گەڕاوە و بەركەوتووان و ئەوانەی ماوەی كەرەنتینیان تەواو دەبێت، لە ۸۰٪ی حاڵەتەكانیشمان بەم شێوەیە دۆزیوەتەوە، هەروەها لەڕێگای ڕووپێوكردنی نانەواخانە و چێشتخانە و گوندەكانی سەر سنوور و كارمەندانی سەرسنور، هەروەها پشكنین بۆ ئەو شوێنانەی كەرەنتین كراون یان حاڵەتیان هەبووە، بۆیە بەردەوام پێویستمان بە هۆكارەكانی پشكنین هەیە”.

ڕوونیشی كردەوە، مەترسی كۆڕۆنا ماوە و زیاتریش بووە، ترسی ئێمەش زیاتر بوونی ژمارەكانە و لەكۆنتڕۆل دەرچوونە، دۆزینەوەی حاڵەتەكانیش نیشانەی خراپە، مەرجیش نیە ئەو پشكنینەی ئەمڕۆ ڕادەگەیەنرێت هی ئەمڕۆ بێت، بەڵكو حاڵەكەتەی دوێنێ ڕاگەیەنرا، كە لەپرسە توشبووبوون لە ۲۱ ی ئادار پرسەكە دانراوە.

وەزیری تەندروستی تكا دەكات و دەڵێت: “بەركەوتەی یەكتر نەبن، بەداخەوە هاووڵاتیانیش قەدەغەی هاتووچۆیان شكاندبوو ئێستا قەدەغەی هاتووچۆ ڕێكدەخرێتەوە و تەنها بۆ ئەو كەسانەی پێویستن بۆ چوونە سەركارەكانیان، بۆیە مەڕاسیمی پرسە و كۆبوونەوەی خانەوادەكان كاریگەری خراپی هەیە و هۆكار بۆ زیادبوونی ژمارەی توشبووان و گواستنەوەی نەخۆشیەكە”.

بەردەوام بە لە خوێندنەوە

کوردستان