ئێمە لە تۆرە کۆمەڵایەتیەکان

عێراق

بە ڤیدیۆ؛ لە بەغدا بە تەقەی هێزە ئەمنیەكان ژمارەیەك خۆپیشاندەر كوژران

خەڵك- بەشی هەواڵ
خۆپیشاندانەكان لە بەغدا ئاڵۆزی لێ‌ كەوتەوە و بە دەستڕێژی گولـلەی هێزە ئەمنییەكان 5 كەس كوژران و ژمارەیەكی دیكەش بریندار بوون.

بەپێی هەواڵێكی میدیا عیراقییەكان، لە گۆڕەپانی تەحریر لە بەغدا بە تەقەی هێزە ئەمنییەكان 5 خۆپیشاندەر كوژراون و 33 كەسیش بریندار بوون.

ئاماژە بەوەشكراوە، كە لەو كاتەی هێزە ئەمنییەكان ویستوویانە بە هێز خۆپیشاندانەكان كۆتایی پێ‌ بهێنن ڕووبەڕووبوونەوە لەنێوان خۆپیشاندەران و هێزە ئەمنییەكان لە پردی سنك و گۆڕەپانی خلانی و تەحریر دروست بووە و تەقە لە خۆپیشاندەران كراوە.

ئاژانسی (فرانس پرێس) لە زاری سەرچاوە پزیشكییەكانەوە بڵاویكردۆتەوە، كە تەرمی ژمارەیەك كوژراو و چەند خۆپیشاندەرێكی بریندار گەیەنراونەتە نەخۆشخانە.

هاوكات كەناڵی (الحرە) لە تۆمارێكی ڤیدیۆییدا بڵاویكردەوە، كە هێزە ئەمنییەكان بۆ بڵاوەپێكردنی خۆپیشاندەران تەقە دەكەن و بەهۆیەوە چەند كەسێك كوژراون و بریندار بوون.

عێراق

“پارەی پێویست بۆ دابەشكردنی مووچەی خانەنشینان و فەرمانبەران هەیە”

خەڵك – بەشی هەواڵ
بانكی ڕافیدەین لە عیراق ڕایدەگەیەنێت، پارەی پێویست بۆ دابەشكردنی مووچەی خانەنشینان و فەرمانبەران لەبەردەستدایە و لە لقەكانی بەغدا و پارێزگاكانی دیكە بەردەوامن لە دابەشكردنی مووچە.

دوای ئەوەی بڵاوكرایەوە بەهۆی خۆپیشاندان و ناڕەزایەتیەكانی بەغدا و هەندێك لە پارێزگاكانی عیراق كێشە بۆ بانكەكان دروست بووە لە پێدانی مووچەی مانگانەی خانەنشینان و فەرمانبەران، بانكی ڕافیدەین لە ڕاگەیەنراوێكدا ئەو دەنگۆیانە ڕەتدەكاتەوە.

نووسینگەی ڕۆژنامەوانی بانكی ڕافیدەین ئاماژەی بەوەكردووە، لقەكانی ڕافیدەین لەتەواوی شارەكانی عیراق بەردەوامە لە دابەشكردنی مووچەی خانەنشینان و فەرمانبەران و خاوەن پێداویستییە تایبەتییەكان لەكاتی دیاریكراوی خۆیدا و ڕەتیكردەوە هیچ كێشەیەكیان هەبێت لە پارە و دابەشكردن.

ڕاشیگەیاندووە، بانك پارەی پێویستی بۆ دابەشكردنی مووچەی فەرمانبەران و خانەنشینان و خاوەن پێداویستییە تایبەتییەكان و توێژەكانی دیكە لەبەردەستدایە و بڕە پارەیەكی زۆریش بۆ لقی بانكەكان تەرخانكراوە.

بانكی ڕافیدەین داوای لە فەرمانبەران و خانەنشینان كردووە، سەردانی لقەكانیان بكەن و هەركاتێك بیانەوێ دەتوانن مووچەكانیان وەربگرن.

بەردەوام بە لە خوێندنەوە

عێراق

دوای پەیامەكەی سیستانی داوای هەڵوەشاندنەوەی پەڕلەمان و حكومەت دەكرێت

خەڵك- بەشی هەواڵ
دوابەدوای پەیامەكەی سیستانی، كە لە وتاری هەینی ئەمڕۆ خوێندرایەوە، نووسینگەی سەرۆكی ڕەوتی حیكمەی نیشتمانی داوای هەڵوەشاندنەوەی حكومەت و پەڕلەمان دەكات.

سەڵاح عەرباوی، بەڕێوەبەری نووسینگەی عەممار حەكیم، سەرۆكی ڕەوتی حیكمەی نیشتمانی لە هەژماری خۆی لە تویتەر ڕایگەیاند، “هەر ئێستا نەك سبەینێ‌، پێویستە لەسەر پەڕلەمان خۆی هەستێت بە هەڵوەشاندنەوەی خۆی تاوەكو هەڵبژاردنی نوێ‌ هەنجام دەدرێت”.

ڕاشیگەیاندووە، كە پێویستە لەسەر حكومەت دەستلەكاركێشانەوە پێشكەش بكات و حكومەت ببێتە حكومەتێكی كاربەڕێكەر و پێویستیشە لەسەر هێزە سیاسیەكان بەهەموویانەوە بگەڕێنەوە بۆ دواوە و ڕێگا بدەن بە هێزی كۆمەڵكای نوێ‌ تاوەكو كێبڕكێی دیموكراتی و بێ‌ لایەن ئەنجام بدات.

ئەمڕۆ لە وتاری هەینیدا، ئەحمەد سافی، نوێنەری سیستانی پەیامێكی 5 خاڵی مەرجەعیەتی خوێندەوە و ڕایگەیاند، كە سەرەڕای تێپەڕبووونی ماوەیەكی زۆر بەسەر خۆپیشاندانەكاندا، بەڵام تا ئێستا داواكارییەكان لەسەر ئەرزی واقیع جێبەجێ‌ نەكراون.

بەردەوام بە لە خوێندنەوە

عێراق

سیستانی هۆشداری بە حكومەت و پەڕلەمان دەدات

خەڵك- بەشی هەواڵ
گەورە مەرجەعی شیعەكانی عیراق هۆشداری بە پەڕلەمان و حكومەت دەدات لە دەستی بەدەستی كردن بە خۆپیشاندەران و جەختدەكاتەوە، تا ئێستا داواكاری خۆپیشاندەران جێبەجێ‌ نەكراوە.

ئەحمەد سافی، نوێنەری ئایەتوڵڵا عەلی سیستانی، گەورە مەرجەعی شیعەكان لە عیراق لە وتاری هەینیدا بەیاننامەیەكی 5 خاڵی خوێندەوە و ڕایگەیاند، مەرجەعیەت سەركۆنەی هەر دەستدرێژییەك دەكات بكرێتە سەر خۆپیشاندەران و لەگەڵ ئەوەشدا نابێت خۆپیشاندەران زیان بە دامەزراوەكانی دەوڵەت بگەیەنن و دەبێت بە شێوەیەكی مەدەنییانە خۆپیشاندان بكەن

ڕاشیگەیاند، كە پێویستە یاسایەكی نوێ بۆ هەڵبژاردن دابنرێت و دەبێت گۆرانكاری لە كۆمسیۆنی هەڵبژاردنەكانی عیراقدا بكرێت.

وتیشی، “تا ئێستا هیچ داواكارییەكی خۆپیشاندەران جێبەجێ نەكراوە، لەكاتێكدا ئەوان شەڕ بۆ چاكسازی دەكەن، بۆیە قبوڵی ناكەین حكومەت دەستی بە دەستی بە خۆپیشاندەران بكات”.

سافی جەختیشی كردەوە، كە “خۆپیشاندەران هیچ ڕێگەیەكیان نەدۆزیوەتەوە بۆ ڕزگاربووون لە گەندەڵی جگە لە ئەنجامدانی خۆپیشاندان” و هۆشداریشی دا لە دەستێوەردانی دەرەكی لە خۆپیشاندانەكان.

بەردەوام بە لە خوێندنەوە

کوردستان