ئێمە لە تۆرە کۆمەڵایەتیەکان

عێراق

بەرهەم ساڵح و عەبدولمەهدی كۆبوونەوە


خەڵك- بەشی هەواڵ
سەرۆك كۆمار و سەرۆك وەزیرانی عیراق كۆبوونەوە و جەختیان لە چاكسازی لە سەرجەم بوارەكان كردەوە.

نووسینگەی ڕاگەیاندنی سەرۆك وەزیرانی عیراق بڵاویكردەوە، ئەمڕۆ عادل عەبدولمەهدی، سەرۆك وەزیران لەگەڵ د. بەرهەم ساڵح، سەرۆك كۆماری عیراق باسیان لە هەماهەنگی نێوان دەسەڵاتەكان و ڕێوشوێنەكانی حكومەت كرد لە بواری چاكسازیدا.

ڕاشیگەیاندووە، لە كۆبوونەوەی ئەمڕۆدا گفتوگۆ لەسەر داواكاریەكانی خۆپیشاندەران لە چوارچێوەی پاراستنی ئاسایش وڵاتدا كراوە.

ئەمە لەكاتێكدایە، كە ئەمڕۆ شەممە، عادل عەبدولمەهەدی، سەرۆك وەزیرانی عیراق وەڵامی پیامەكەی دوێنێی عەلی سیستانی، گەورە مەرجەعی باڵای شیعەكانی عیراقی دایەوە و ڕایگەیاند، پشتیوانی لە داواكاری خۆپیشاندەران دەكات و لە ڕێگەی ڕێكارە دیموكراسییەكانەوە هەوڵەكانی بۆ جێبەجێكردنی داواكارییەكانیان دەستپێكردووە.

ئاشكراشی كردووە، مووچەی پلەباڵاكانی بۆ 50% كەم دەكرێتەوە و یاسای خانەنشینی و كار و چاودێری تەندروستی پەسەند دەكرێت.

عێراق

مەسعود بارزانی بەفەرمی پشتگیری لە مستەفا كازمی دەكات


خەڵك – بەشی هەواڵ
سەرۆكی پارتی دیموكراتی كوردستان لە پەیوەندییەكی تەلەفۆنیدا پشتگیریی خۆی بۆ مستەفا كازمی ، سەرۆكوەزیرانی ڕاسپێردراوی حكوومەتی عیراق ڕاگەیاند، كە ئەمڕۆ لە لایەن سەرۆككۆمارەوە بۆ ئەو پۆستە ڕاسپێردرا .

ماڵپەڕی مەسعود بارزانی، سەرۆكی پارتی دیموكراتی كوردستان لە ڕاگەیەنراوێكدا بڵاویكردووە ، ئەمڕۆ پێنجشەممە 9ی نیسانی 2020 بارزانی لەڕێی تەلەفۆنەوە پەیوەندی بە مستەفا كازمی، سەرۆكوەزیرانی ڕاسپێردراوی حكوومەتی عیراق كرد.

ڕاشیگەیاندووە، لەو پەیوەندییە تەلەفۆنییەدا مەسعود بارزانی، پشتگیریی خۆی بۆ ڕاسپاردنی مستەفا كازمی، بۆ سەرۆكایەتیی حكوومەتی عیراق ڕاگەیاند و هیوای سەركەوتنی بۆ خواست.

لە ڕاگەیەنراوەكەداهاتووە، مەسعود بارزانی هیوای خواست، كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عیراق و دەروازەیەكیش بێت بۆ چارەسەربوونی كێشە و قەیرانەكانی عیراق.

بەردەوام بە لە خوێندنەوە

عێراق

كەركوك، دوو داعش دەستگیركران


خەڵك- بەشی هەواڵ
بەڕێوەبەرایەتی هەواڵگری سەربازی عیراق، دەستگیركردنی دوو چەكداری ڕێكخراوی داعش لە پارێزگەی كەركوك ڕادەگەیەنێت.

ئەمڕۆ پێنج شەممە، بەڕێوەبەرایەتی هەواڵگری سەربازی عیراق لە بەیاننامەیەكدا ڕایگەیاند”پاڵەوانانی لیوای تایبەتی 61ی فەوجی تایبەت، توانیان لە بۆسەیەكدا دوو تۆمەتبار بە ماددەی 4ی تیرۆر لە كەركوك دەستگیربكەن”.

هەر لە بەیاننامەكەدا هاتووە”دەستگیركراوەكان چەكداری ڕێكخراوی داعش بوون و لەوانەن كە لەلایەن دادوەرییەوە بەپێی ماددەی 4ی تیرۆر داواكراون”.

لەم ماوەیەی دواییدا شانە نوستووەكان ڕێكخراوی داعش سەرقاڵی خۆڕێكخستنەوەن، دەستپێكردنەوەی چالاكی و جموجۆڵەكانیانیشیان لە چەند ناوچەیەكی وەك باشووری كەركوك و سنورەكانی نێوان سەڵاحەدین و دیالە و ناوچەكانی خۆرئاوای پارێزگەی ئەنبار و چەند ناوچەیەكی تر، بەڕوونی دەردەكەوێت.

 

بەردەوام بە لە خوێندنەوە

عێراق

8 حاڵەتی توشبوونی نوێ‌ بە كۆرۆنا لە پارێزگەیەكی عیراقیدا تۆماركرا


خەڵك- بەشی هەواڵ
بەڕێوەبەرایەتی تەندروستی پارێزگەی بەسرە، تۆماركردنی 8 حاڵەتی توشبوونی نوێ‌ بە ڤایرۆسی كۆرۆنا لە پارێزگەكەدا ڕادەگەیەنێت.

ئەمڕۆ پێنج شەممە، بەڕێوەبەرایەتی تەندروستی پارێزگەی بەسرە لە بەیاننامەیەكدا ڕایگەیاند”8 حاڵەتی توشبوونی نوێ‌ بە ڤایرۆسی كۆرۆنا و 6 حاڵەتی چاكبوونەوە تۆماركراون”.

هەر لە بەیاننامەكەدا هاتووە”كۆی گشتی حاڵەتەكانی توشبوون بە ڤایرۆسی كۆرۆنا لە بەسرە گەیشتۆتە 160 حاڵەت، لەو نێوەندەشدا 15 كەس گیانیانلەدەستداوە و 63 كەسیش چاكبوونەتەوە و 82 كەسی تر تائێستا لەنەخۆشخانە و لەژێر چاودێری تەندروستیدان”.

پارێزگەی بەسرە لەڕووی ژمارەی تووشبوان بە ڤایرۆسی كۆرۆنا لە پلەی دووەمدایە لەپاش نەجەف كە زۆرترین ژمارەی توبوونی بە ڤایرۆسەكە لەسەر ئاستی عیراق تۆماركردووە.

بەردەوام بە لە خوێندنەوە

کوردستان