ئێمە لە تۆرە کۆمەڵایەتیەکان

کوردستان

خۆسەری ڕۆژئاوا پەیامێكی دژی پێشێلكاریەكانی توركیا بڵاوكردەوە

خەڵك- بەشی هەواڵ
بەڕێوەبەرێتی خۆسەری ڕۆژئاوای كوردستان سەبارەت بە پێشێلكارییەكانی توركیا و شەهید كردنی گەنجێكی كورد و بریندار كردنی چەند كەسێك لەكاتی ناڕەزایی دەربڕینیان بەرامبەر دەوریە هاوبەشەكەی توركیا- ڕوسیا پەیامێكی بڵاوكردەوە و ڕایگەیاند، كە ئەنقەرە سەرجەم پێوەرە نێودەوڵەتییەكان و ڕێككەوتنەكانی پێشێل كردووە، كە سەبارەت بە سنوور ئەنجام دراون و دەشڵێت: “بەردەوامە لەسەر كۆمەڵكوژی”.

بەڕێوەبەرێتی خۆسەری ڕۆژئاواوای كوردستان لە پەیامەكەیدا ئاماژەی بەوەكردووە، ئەوەی دوێنێ‌ 8ی تشرینی دووەم ڕوویدا لەكاتی گەڕانی هێزەكانی توركیا-ڕوسیا لە ناوچە سنووریەكان بەڵگەیە لەسەر هەوڵەكانی توركیا بۆ پشتگوێ‌ خستنی هەڵوێستی هاووڵاتیان، كە دژی سیاسەتەكانی لە ناوچەكە وەستاونەتەوە.

ڕاشیگەیاندووە، ئەوەی ڕوویدا لەلایەن هاووڵاتیانەوە، ئەوە هەڵوێستێكی خەڵكەكە بوو دژی ئەو خراپەكارییەی توركیا و چەكدارەكانی لە ناوچەكە، كە داگیریان كردووە ئەنجامی دەدەن و سەقامگیری ناوچەكەیان خستۆتە مەترسییەوە و دەیانەوێت خەڵكەكەی بەزۆر ڕابگوێزن تاوەكو بەئاسانی پڕۆسەی گۆڕینی دیمۆگرافیا ئەنجام بدەن.

خۆسەری ڕۆژئاوا ئاماژەی بەوەكردووە، بەتوندی ئیدانەی ئەو هەڵسوكەوتانەی توركیا دەكەین، كە هەڵسوكەوتێكی نا ئەخلاقییە بەرامبەر خۆپیشاندانی خۆكردنی هاووڵاتیان، كە دەیانەوێت بۆ ڕای گشتی جیهان دەنگ بەرزبكەنەوە و توركیا لەو ڕووداوەدا كەسێكی كوشتووە بە ناوی (سەرخەبون عەلی) كە ئەو گەنجە دژی سیاسەتەكانی توركیا خۆپیشاندانی كردووە.

جەختیشی كردۆتەوە، كوشتنی ئەو گەنجە لەلایەن داگیركەرانی توركەوە بە ئەنقەست بووە .

خۆسەری ڕۆژئاوا بانگەواز بۆ ڕای گشتی جیهانی و ڕێكخراوە نێونەتەوەیی و مافەكانی مرۆڤ دەكات، كە بە زوویی بحووڵێن بۆ دانانی سنوورێك بۆ هەڵسوكەوتەكانی توركیا بەرامبەر مافەكانی گەلێكی بێوەی لە ناوچەكە و دەشڵێت: “بێدەنگی بەرامبەر ئەو كارانە خزمەت بە توركیا و سیاسەتەكانی دەكات و دەبێتە پاشخانێكی مەترسیدار بۆ ناوچەكە”.

کوردستان

بۆ دووەم جار، کەس و کاری بەشێک لەزیندانیان گردبوونەوە

خەڵک-ئارام سەردار
ئەمڕۆ کەسوکاری بەشێک لە زیندانیانی چاکسازی گەورانی هەولێر لەبەردەم ئەنجوومەنی دادوەری لەهەولێر گردبونەوە.

کەس و کاری گیراوان کە پێشتر لەبەردەم پەڕلەمانی کوردستان گردبوونەوە، نیگەرانن بە ڕاگرتنی جێبەجێ کردنی بڕیاری ئازادکردنی مەرجدار، چونکە بەهۆی ڕاگرتنی ئەو بڕیارە، دەبێ زیندانیکراوەکانيان چەند ساڵێکی تر لەزیندان بن.

دەشڵێن، ماوەی چەند ساڵێکە چاوەڕوانین زیندانیکراوەکانمان ئازاد بکرێن، بەڵام ناکرێت چەند ساڵێکی تر چاوەڕوان بین، ئێمەش خاوەنی منداڵین، داوا دەکەین حکومەت و ئەنجوومەنی دادوەری و پەڕلەمان گیراوەکانمان ئازاد بکەن.

بەهۆی ڕاگرتنی جێبەجێ کردنی بڕیاری ئازادکردنی مەرجدار، ژمارەیەک زیندانی لەچاکسازی هەولێر مانگرتنیان ڕاگەیاند و تائێستاش هیچ بڕیارێکی نوێ نیە بۆ دەست پێکردنەوەی جێبەجێ کردنی ئەو بڕیارە کە بۆ هەر زیندانیەک نزیکەی لە۲٥٪ کۆی ساڵەکانی زیندانی لێخۆشبوونیان بۆ دەردەچێت.

بەردەوام بە لە خوێندنەوە

کوردستان

لە پیرانشا و سەردەشت مەتر و نیوێك بەفر باریوە

خەڵك- بەشی هەواڵ

سەرۆكی ئیدارەی ڕێگەوبان و گواستنەوەی وشكانی پیرانشار وتی: بەرزایی بەفر لە مەودای پیرانشار – سەردەشت گەیشتە مەتر و نیوێك.

جەلال محەمەدی بۆ مێدیاكانی ئێران وتی : ئاستی بارینی بەفر كە شەوی یەكشەممە دەستی پێ كردووە، لە مەودای پیرانشار – سەردەشت و تەمەرچین – پیرانشار یەك مەتر و نیو بووە.

وتیشی : لە ئێستادا ڕێگەی تەمەرچین بۆ پیرانشار داخراوە و هێزەكانی ڕێگەوبان خەریكی كردنەوەی ئەو ڕێگەیەن.

محەمەدی پێداگری لەپێویستی خۆپاراستنی شۆفێرانی ناو جادە لە هاتوچۆ لە ڕێگەكانی پیرانشار تا كەمكردنەوەی كڕێوە و بارینی بەفر كردو، پێشبینیكرد بەفری زیاتر ببارێت.

بەردەوام بە لە خوێندنەوە

ئابوری

سەبارەت بە مووچە، دڵنیایی دەدرێتە مووچەخۆرانی هەرێم

خەڵك-بەشی هەواڵ

جێگری دووەمی سەرۆكی پەڕلەمانی عیراق ڕایدەگەیەنێت، موچەی هاوڵاتیانی هەرێمی كوردستان بە گویرەی بودجەی ساڵی ٢٠١٩ بەردەوام دەبێت.

بەشیر حەداد جێگری دووەمی سەرۆكی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دڵنیاییەك لەبارەی مووچەی هاوڵاتیانەوە دەمێكە بڵاودەبێتەوە كە گوایە حكومەتی عیراق مووچەی فەرمانبەرانی هەرێم ڕادەگرێت، یەكەم شت خەڵكی خۆشەویستی هەرێمی كوردستان دڵنیا دەكەینەوە كە هیچ مەترسییەك لەسەر موچەكانیان نیە و ناشبێت.

وتیشی”مووچەی هاوڵاتیانی هەرێمی كوردستان بە گوێرەی بودجەی ساڵی ٢٠١٩ بەردەوام دەبێت، كەی بودجەی سالی ٢٠٢٠ هاتە پەڕلەمانی عیراق ئەوە بگرە هەوڵی زیادكردنیشی دەدەین نەك كەمكردنەوەی”ز

ئاشكراشیكرد، ئەو هەواڵانەی باس لە ڕاگرتنی مووچەش دەكەن جگە لە پڕوپاگەندە و ترس نانەوە هیچی دیكە نیە، ڕاستە بارودۆخی سیاسی و ئاسایشی عیراق تا ئاستێك خراپ بووە، بەڵام لە ڕووی ئابووریەوە عیراق لە هەناردەكردنی نەوت ڕانەوەستاوە، ئەمە لەكاتێكدایە عیراق خاوەنی یەدەگێكی باشی پارەیە كە مەزەندەی ٨٠ بۆ ١٠٠ ملیار دۆلاری ئەمەریكیە و هەر بەم بڕە پارەیەی دەتوانێ مووچەی خۆی بدات تاكو دۆخەكە ئاسایی دەبێتەوە.

دەشڵێت” دڵنیایی تەواو بە هاوڵاتیانی خۆشەویستی خۆمان دەدەین كە حكومەتی عیراق لە ناردنی مووچەی فەرمانبەران بۆ هەرێمی كوردستان بەردەوام دەبێت”.

بەردەوام بە لە خوێندنەوە

کوردستان