ئێمە لە تۆرە کۆمەڵایەتیەکان

ئابوری

سەرۆك وەزیران بڕیارێكی دەربارەی هێڵەكانی ئینتەرنێت ڕاگەیاند

خەڵك- بەشی هەواڵ
دوای چەند ڕۆژێك لە بڕینی بەهۆی خۆپیشاندانەكانەوە، بە بڕیاری سەرۆك وەزیرانی عیراق هێڵەكانی ئینتەرنێت خرانەوەكار.

عادل عەبدولمەهدی، سەرۆك وەزیرانی عیراق لە كۆنگرەیەكی ڕۆژنامەوانیدا ڕایگەیاند، كە لایەنە پەیوەندیدارەكان بۆ پارێزگاری لە مافی هاووڵاتیان هەندێك جار كۆت و بەند دەخەنە سەر هێڵەكانی ئینتەرنێت، ئەوەش لەو كاتەی دەبێتە هۆی بانگەشەكردن بۆ توندوتیژی و خراپەكاری و فەرمانكردن بەسەر هاووڵاتیان و لەكارخستنی ژیانی گشتی.

ڕاشیگەیاند، دەركردنی ئەو بڕیارانە كاتین بۆ كۆت وبەند كردنی بوارەكانی ئینتەرنێت ئەوەش لەپێناو بەدیهێنانی هاوسەنگی لەنێوان مافە دژبەیەكەكان و داواكارییە دژبەیەكەكان، هەروەك چۆن لەكاتی تاقیكردنەوەكان بۆ ڕێگری لە فێڵ كردن ڕادەگیرێن و هەروەها لە كاتی بەكارهێنانی بۆ لایەنی توندوتیژی و تیرۆر.

جەختیشی كردۆتەوە، كە ئەو ڕێوشوێنانە كاتی و سنووردارن بەشێوەی نزمترین ئاست هەروەك لە هەندێك وڵاتانی جیهان دەكرێن.

سەرۆك وەزیران ئاشكراشی كرد، كە لایەنە پەیوەندیدارەكان هێڵەكانی ئینتەرنێت-یان خستۆتەوە كار، بەڵام بەڕەهایی نەكراونەتەوە و بەشێكی خۆاوەتەوەكار.

ئابوری

سەبارەت بە مووچە، دڵنیایی دەدرێتە مووچەخۆرانی هەرێم

خەڵك-بەشی هەواڵ

جێگری دووەمی سەرۆكی پەڕلەمانی عیراق ڕایدەگەیەنێت، موچەی هاوڵاتیانی هەرێمی كوردستان بە گویرەی بودجەی ساڵی ٢٠١٩ بەردەوام دەبێت.

بەشیر حەداد جێگری دووەمی سەرۆكی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دڵنیاییەك لەبارەی مووچەی هاوڵاتیانەوە دەمێكە بڵاودەبێتەوە كە گوایە حكومەتی عیراق مووچەی فەرمانبەرانی هەرێم ڕادەگرێت، یەكەم شت خەڵكی خۆشەویستی هەرێمی كوردستان دڵنیا دەكەینەوە كە هیچ مەترسییەك لەسەر موچەكانیان نیە و ناشبێت.

وتیشی”مووچەی هاوڵاتیانی هەرێمی كوردستان بە گوێرەی بودجەی ساڵی ٢٠١٩ بەردەوام دەبێت، كەی بودجەی سالی ٢٠٢٠ هاتە پەڕلەمانی عیراق ئەوە بگرە هەوڵی زیادكردنیشی دەدەین نەك كەمكردنەوەی”ز

ئاشكراشیكرد، ئەو هەواڵانەی باس لە ڕاگرتنی مووچەش دەكەن جگە لە پڕوپاگەندە و ترس نانەوە هیچی دیكە نیە، ڕاستە بارودۆخی سیاسی و ئاسایشی عیراق تا ئاستێك خراپ بووە، بەڵام لە ڕووی ئابووریەوە عیراق لە هەناردەكردنی نەوت ڕانەوەستاوە، ئەمە لەكاتێكدایە عیراق خاوەنی یەدەگێكی باشی پارەیە كە مەزەندەی ٨٠ بۆ ١٠٠ ملیار دۆلاری ئەمەریكیە و هەر بەم بڕە پارەیەی دەتوانێ مووچەی خۆی بدات تاكو دۆخەكە ئاسایی دەبێتەوە.

دەشڵێت” دڵنیایی تەواو بە هاوڵاتیانی خۆشەویستی خۆمان دەدەین كە حكومەتی عیراق لە ناردنی مووچەی فەرمانبەران بۆ هەرێمی كوردستان بەردەوام دەبێت”.

بەردەوام بە لە خوێندنەوە

ئابوری

هێڵی ئینتەرنێتی چەند كۆمپانیایەك خاوبووەتەوە

خەڵك- بەشی هەواڵ

چەند كۆمپانیایەكی بواری ئینتەرنێت هێڵەكانیان خاوكردووەتەوە و ئەوەش نیگەرانی بەشێك لە هاووڵاتیانی لێكەوتوەتەوە، وتەبێژی وەزارەتی گواستنەوە و گەیاندنیش دەڵێت”هەر كەسێك گلەی هەبوو با پەیوەندیمان پێكەوەبكات”.

ئومێد محەمەد ساڵح، وتەبێژی وەزارەتی گواستنەوە و گەیاندن بە (خەڵك)ی ڕایگەیاند، لیژنەی چاودێری هێڵەكانی ئینتەرنێت لە وەزارەتی چاودێری تەواوی كۆمپانیاكان دەكات و لە شوێنێك كۆمپانیاكان هێڵەكانیان خاوبكەنەوە، بەپێی یاسا مامەڵەیان لەگەڵ دەكرێت.

وتیشی”هەر هاووڵاتیەك گلەی هەیە لە ڕێگەی هێڵی گەرمەوە دەتوانێت نوسینگەی وەزیر و وەزارەتی گواستنەوە ئاگادار بكاتەوە بۆ ئەوەی بەدواداچوون بۆ كێشەكان بكرێت”.

بەشێكی هاووڵاتیان گلەی لە چەند كۆمپانیایەك دەكەن كە هێڵی ئینتەرنێتەكەیان خاوكردووەتەوە و وەك پێویست كارناكەن.

بەردەوام بە لە خوێندنەوە

ئابوری

كۆبوونەوەكانی ئەنجومەنی سەركردایەتی یەكێتی دەستپێدەكەنەوە

خەڵك- بەشی هەواڵ

ڕۆژی شەممە كۆبوونەوەكانی ئەنجومەنی سەركردایەتی یەكێتی لەسەر داوای كۆسرەت ڕەسوڵ ڕاگیران و بڕیارە سبەینێ‌ چوارشەممە كۆبوونەوەكان دەستپێبكەنەوە.

بەپێی زانیارییەكان كۆسرەت ڕەسوڵ لە سەفەر گەڕاوەتەوە و بڕیارە سبەینێ‌ كۆبوونەوەكانی ئەنجومەنی سەركردایەتی دەستپێبكەنەوە.

پێشتر مستەفا چاوڕەش، ئەندامی ئەنجومەنی سەركردایەتی یەكێتی بە (خەڵك)ی ڕاگەیاندبوو، كۆبوونەوەكانی سەركردایەتی بەردەوام دەبن.

بەردەوام بە لە خوێندنەوە

کوردستان