ئێمە لە تۆرە کۆمەڵایەتیەکان

کوردستان

مەسرور بارزانی: ملیۆنێك و 500 هەزار ئاوارە لە هەرێمی كوردستان نیشتەجێن

خەڵك-بەشی هەواڵ

سەرۆكی ئەنجومەنی وەزیرانی هەرێمی كوردستان ڕایدەگەیەنێت، لە ئێستادا ملیۆنێك و 500 هەزار ئاوارە لە هەرێمی كوردستان نیشتەجێن.

ئەمڕۆ شەممە مەسرور بارزانی سەرۆكی ئەنجومەنی وەزیرانی هەرێمی كوردستان، سەردانی كامپی بەردەڕەشی ئاوارەكانی ڕۆژئاوای كوردستانی كرد و لە كۆبوونەوەیەكیدا لەگەڵ ئاوارەكان ڕایگەیاند، یەك ملیۆن و 500 هەزار ئاوارە ئێستا لە هەموو پارێزگاكانی كوردستانن كە ئەمە ئەركێكی زۆری خستووەتە سەر حكومەتی هەرێمی كوردستان و ساڵانە یەك ملیار و 500 ملیۆن دۆلار خەرجی بەڕێوەبردنی ئەم كامپانانەن.

وتیشی”هاوكاریكردنی ئەم پەنابەرانە ئەركێكی نێودەوڵەتییە و داوا لە ڕێكخراوە نێودەوڵەتییەكان و هاوپەیمانانمان دەكەین هاوكاری حكومەتی هەرێمی كوردستان بكەن لە بەڕێوەبردنی ئەم كامپانە”.

بارزانی ئاشكراشیكرد، تا ئەوكاتەی ئەم پەنابەرانە دەچنەوە سەر ماڵ و حاڵی خۆیان، ئێمە پێشوازیان لێدەكەین و لە هەوڵەكانی خۆشمان بەردەوام دەبین تاكو كێشە سیاسییەكانی ڕۆژئاوای كوردستان چارەسەر ببن.

کوردستان

سبەینێ لەسنووری پەروەردەی سلێمانی دەوام ئاساییە

خەڵك – بەشی هەواڵ

بەڕێوەبەری پەروەدەی ڕۆژئاوای سلێمانی ڕایدەگەیەنێت: سبەینێ شەممە 25/1/2020، لە سنووری پەروەردەی سلێمانی دەوام ئاساییە.

بەكر محەمەد بەڕێوەبەری پەروەردەی ڕۆژئاوای سلێمانی ڕایگەیاند: لەبەرئەوەی لە سنووری پارێزگای سلێمانی كەش و هەوا ئاساییە بۆیە سبەینێ شەممە 25/1/2020، لەسنووری پەروەردەی سلێمانی دەوام ئاساییە.

ئەمەش دوای ئەو بڕیارەی وەزارەتی پەروەردەی حكومەتی هەرێم دێت كە ڕایگەیاندوبوو، بەڕێوەبەرایەتییە گشتییەكانی پەروەردە سەرپشكن، لە ئەگەری ناجێگیریی باری كەشوهەوادا، دەوامی ڕۆژی شەممە بكەنە پشوو.

بەردەوام بە لە خوێندنەوە

کوردستان

كوردستان.. بوومەلەرزەیەكی بەهێز ڕوویدا

خەڵك – بەشی هەواڵ

بوومەلەرزەیەكی بەهێز چەند ناوچەیەكی باكووری كوردستانی هەژاند و لە باشوور و ڕۆژهەڵاتی كوردستانیش هەستیپێكرا.

بەپێی زانیارییەكان، ناوەندی بوومەلەرزەكە لە شارۆچكەی سیڤریچ بووە لە پارێزگای خارپێتی باكووری كوردستان و گوڕەكەی 6.8 پلە بووە بە پێوەری ڕێختەر.

هاوكات، لەچەند ناوچەیەكی باشوور و ڕۆژهەڵاتی كوردستانیش هەست بەو بوومەلەرزەیە كراوە، بەڵام تائێستا قەبارەی زیانەكانی ئەو بوومەلەرزەیە نەزانراوە.

بەردەوام بە لە خوێندنەوە

کوردستان

بۆ پشووی سبەی، پەروەردەکان سەرپشک دەکرێن

خەڵک ـ بەشی هەواڵ

لە ئەگەری ناجێگیریی باری کەش و هەوادا، وەزارەتی پەروەردەوەی حکومەتی هەرێمی کوردستان، بەڕێوەبەرایەتییە گشتییەکانی پەروەردە سەرپشک دەکات بۆ کردن یان نەکردنی دەوامی سبەی.

لە ڕاگەیەنراوێکدا، وەزارەتی پەروەردەی حکومەتی هەرێم، بەڕێوەبەرایەتییە گشتییەکانی پەروەردە سەرپشک دەکات، لە ئەگەری ناجێگیریی باری کەشوهەوادا، دەوامی ڕۆژی شەممە بکەنە پشوو.

لە ڕاگەیەنراوەکەدا هاتووە، بەهۆکاری دابەزینی پلەکانی گەرما و بارینی بەفر، بەڕێوبەرایەتییە گشتیەکانی پەروەردە لەپارێزگاکان، دەسەڵاتی ئەوەیان هەیە کە یەک ڕۆژ لەناوەندەکانی خوێندن بکەن بە پشوو، ئەگەر کەش و هەوا ئاستەنگی بۆ هاتوچۆی مامۆستایان و قوتابیان دروستکرد.

ئەوەش خراوەتەڕوو، لە ئەگەری پشوودا،  پێویستە وەزارەت لە ناوی ئەو ناوەندانەی خوێندن لەسنووری پەروەردەکەیان ئاگاداربکرێتەوە.

بەردەوام بە لە خوێندنەوە

کوردستان