ئێمە لە تۆرە کۆمەڵایەتیەکان

عێراق

مۆڵەتێكی تر دەدرێتە حكومەتی عیراق
ڕۆژنامەیەك: ناوی پێنج كەس بۆ شوێنەكەی عەبدولمەهدی ڕەتدەكرێتەوە

خەڵك- بەشی هەواڵ
ڕۆۆژنامەیەكی عەرەبی باس لە ڕەتكردنەوەی پێنج كاندید دەكات بۆ وەرگرتنی ئیدارەی حكومەتی عیراقی، ئاماژە بە پێشنیارێكیش دەكات بۆ چارەسەركردنی تەنگژەكان كە لەلایەن كوتلە سیاسییەكانەوە پشتیوانی لێدەكرێت.

ڕۆژنامەی (العربی الجدید)ی قەتەری لە زاری سەرچاوەیەكی بەرپرسی عیراقیەوە بڵاویكردوەوەتەوە”زیاتر لە پێنج ناو لە یەكەم ڕۆژی دەستپێكردنی خۆپیشاندانەكانەوە خراونەتەڕوو كە لە چەند كەسێتییەكی دەرەوەی وڵات پێكهاتوون، تا ئیدارەی وڵات بگرنەدەست، بەڵام هیچ كام لەو ناوانە لەلایەن كوتلە سیاسییە سەرەكییەكانەوە ڕەزامەنديان لەسەر نەدراوە، بە بیانووی ئەوەی لەلایەن شەقامەوە پەسەند ناكرێن، یان لەبەر بوونی تێبینی حزبی و تایبەتی لەسەر هەندێكییان”.

ڕۆژنامەكە لە زاری سەرچاوەكەوە نوسیویەتی”تائێستا هیچ ئەلتەرناتیڤێك بۆ عادل عەبدولمەهدی سەرۆكی حكومەت نییە، هەر قسەیەكیش بەپێچەوانەی ئەوەوە بكرێت دوورە لە ڕاستییەوە”.

سەرچاوەكە دەڵێت”هەندێك لە كوتلەكان لە چەند ڕۆژی داهاتوودا پاشەكشە دەكەن لە هەڵوێستەكانیان، و پێشنیار دەكرێت، تا مۆڵەتێكی كاتی تر بدرێتە حكومەت بۆ جێبەجێكردنی چاكسازییەكان و بەڵێنەكانی بە خۆپیشاندەران كە ڕەنگە شەش مانگ، یان تا ناوەڕاستی ساڵی 2020 بێت، ئەو ڕێگەچارەیەش تاكە ڕێگەچارەی ڕەخساوی بەردەستی هێزە سیاسییەكانە كە بەدڵنیاییەوە قبوڵ ناكرێت، بۆیە ڕەنگە ڕێوشوێنەكانی ڕووبەڕووبوونەوەی خۆپیشاندەران ڕوو لە هەڵكشان بكەن”.

لە سەرەتای مانگی تشرینی یەكەمی ڕابردوو ، تەوژمی خۆپیشاندان بەغدا و شارەكانی ناوەڕاست و باشووری عیراقی گرتۆتەوە، خۆپیشاندەران داوای چاكسازی و باشكردنی ئاستی خزمەتگوزاری و بەگژداچوونەوەی گەندەڵی و دابینكردنی هەلی كار دەكەن، بەهۆی دروستبوونی پێكداهەڵپژانیش لەنێوان خۆپیشاندەران و هێزە ئەمنییەكان، تا ئێستا سەدان كەس كوژران و هەزارانی تریش برینداربوون.

عێراق

ئاماژە بە هەڵبژاردنی پێشوەختیش دەكەن
نوجێفی و عەللاوی و عەبادی بۆ لەسەركارلابردنی حكومەت ڕێكەوتن

خەڵك- بەشی هەواڵ
سەرۆكی بەرەی ڕزگاریی و گەشەپێدانی عیراق، بوونی ڕێكەوتنێك لەگەڵ ئەیاد عەللاوی سەرۆكی مینبەری عیراقی و حەیدەر عەبادی سەرۆكی هاوپەیمانی نەسر ئاشكرا دەكات، لەپێناو یەكخستنی هەوڵەكان بۆ ئەنجامدانی هەڵبژاردنی پێشوەخت لەدوای لەسەركارلابردنی حكومەت.

ئوسامە نوجێفی سەرۆكی بەرەی ڕزگاریی و گەشەپێدانی عیراق لە تویتێكیدا لەسەر تۆڕی كۆمەڵایەتی (تویتەر) ڕایگەیاندووە”لەگەڵ ئەیاد عەللاوی سەرۆكی مینبەری عیراقی و حەیدەر عەبادی سەرۆكی هاوپەیمانی نەسر ڕێكەوتوون بۆ یەكسختنی هەوڵە هاوبەشەكان و چالاككردنی كاریی سیاسی و پەرلەمانی لەپێناو هێنانەدی هەڵبژاردنی پێشوەخت لەدوای لەسەركارلابردنی حكومەتی ئێستا و پێكهێنانی حكومەتێكی كاتی بۆ زامنكردنی گۆڕانكارییەكی ئاشتیخوازانە و هێنانەدی خواستی گەل لە چوارچێوەی دەستور و پێوەرە كارپێكراوەكان”.

بە وتەی نوجێفی”بەرەی كاریی سیاسی هاوبەش بەڕووی ئەو هێزە سیاسی و نیشتمانی و جەمارەرییانەدا كراوەتەوە كە بڕوایان حەتميەتی گۆڕانكاریی و چاكسازیی سیاسی و كاركردن هەیە بۆ ڕێككردنەوەی ڕێڕەوە هەڵەكان و كۆتایی هێنان بە دیاردەكانی گەندەڵی و كێشەكان لە وڵاتدا”.

بەردەوام بە لە خوێندنەوە

عێراق

خۆپیشاندانی فراوان لە بەغدا و شارەكانی باشور بەردەوامە

خەڵك- بەشی هەواڵ

بۆ 20 هەمین ڕۆژی لەسەریەك خۆپیشاندانی فراوان لە بەغدا و شارەكانی باشوری عیراق بەڕێوەدەچێت بۆ هەلی كار، خزمەتگوزاری و دەستلەكاركێشانەوەی سەرۆكایەتییەكان.

میدیاكانی عیراق بڵاویانكردەوە، ئەمڕۆ چوار خۆپیشاندەر لە بەغدا و ناسرییە كوژران و دەیانی دیكەش برینداربوون.

بەردەوامی خۆپیشاندانەكانی عیراق لەكاتێكدایە تائێستا ڕوننییە كە سەرۆكایەتییەكان دەستلەكاردەكێشنەوە، یان چاكسازی دەكرێت.

بەردەوام بە لە خوێندنەوە

عێراق

دوو بومەلەرزە خانەقینی هەژاند

خەڵك- بەشی هەواڵ

بەرەبەیانی ئەمڕۆ پێنج شەممە دوو بومەلەرزە باشوری ڕۆژهەڵاتی قەزای خانەقینی هەژاند.

بەڕێوەبەرایەتی كەشناسی و بومەلەرزەزانی عیراق بڵاوی كردەوە، بوومەلەرزەی یەكەم كاتژمێر چوار و نیو ڕوویداوە و گوڕەكەی 3.2 بووە و 10 خولەك دواتریش بوومەلەرزەكەی دیكە ڕوویداوە و گوڕەكەی یەك پۆینت كەمتر بووە.

هەر بەپێی زانیاری بەڕێوەبەرایەتییەكە چەقی بوومەلەرزەكە 34 كیلۆمەتر لە باشوری ڕۆژهەڵاتی خانەقینەوە دوور بووە و هیچ زیانێكی گیانی و ماددیشی نەبووە.

بەردەوام بە لە خوێندنەوە

کوردستان