ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

فەرهەنگێکی کوردی نوێ و بەهێز بەردەست خرا بۆ مۆبایل

خەڵک-

فەرهەنگی کارزان ئەدڤانست، زیاتر لە ١٥٠ رەنگ لەگەڵ ڕەنگی پشتەوە بە دورەنگ تاریک ڕوناک و زۆرترین ووشە، زۆرترین تایبەتمەندی لە خۆ دەگرێت.

لەم بەستەرەوە بۆ ئەندرۆید دایبگرن.

لەم بەستەرەوە بۆ ئایفۆن(ئای ئۆ ئێس) دایبگرن.

No photo description available.

ئەم فەرهەنگە پێکهاتووە لە چەند بەشێکی سەرەکی و لاوەکی، بەشە سەرەکییەکان بریتین لەم چەند بەشەی خوارەوە:

بەشی فەرهەنگەکان
بەشی کویز(یاری)
بەشی بابەتەکان(پۆست)
بەشی ڕکابەرییەکان(چالنج)
بەشی لایڤ

بەشە لاوەکییەکان بریتین لەم چەند بەشەی خوارەوە:
بەشی ووشەی رۆژ
بەشی ڕێکخستنەکان
بەشی ووشە دڵخوازکراوەکان
بەشی چالاکردنی فەرهەنگ
بەشی هەژمار(پڕۆفایل)

بەشە سەرەکییەکان

بەشی یەکەم فەرهەنگەکان
ئەم بەشە پێکهاتووە لەچەند فەرهەنگێک کە بریتین لە:

فەرهەنگی ئینگلیزی بۆ کوردی
فەرهەنگی کوردی بۆ ئینگلیزی
فەرهەنگی ئینگلیزی بۆ ئینگلیزی
فەرهەنگی فرمانە نائاساییەکان
فەرهەنگی فرمانە ئاساییەکان

فەرهەنگی ئینگلیزی بۆ کوردی
ئەم فەرهەنگە زیاتر لە ١١٠،٠٠٠ سەد و دە هەزار ووشە لەخۆدەگرێت کە بریتین لەم بەشانە
(پزیشکی – چاپگەری – ئامار – بیرکاری – زەویزانی – کیمیای نەوت – نەوت – هونەر – گەرمی بزووتن – گشتی)
زیاتر لە ٧٠،٠٠٠ حەفتا هەزار ووشە شێوازی خوێندنەوەی بەریتانی و ئەمریکی لەگەڵدایە.
زیاتر لە ٦٠،٠٠٠ شەست هەزار ووشە جۆرەکەی لەگەڵدایە وەک noun. verb. adj..
زۆربەی ووشەکان رونکردنەوەی بە زمانی ئینگلیزی لەگەڵدایە، گرنگی ئەم بەشە لەوەدایە هەندێک جار ئەو مانایەی کە دەتەوێت لە کوردییەکەدا دەستت ناکەوێت دەتوانیت لە ئینگلیزییەکەیەوە دەستت بکەوێت، وە هەر ووشەیەکی ئینگلیزیش ماناکەیت نەزانی تەنها پەنجە بدە لە ووشە ئینگلیزیەکە راستەوخۆ مانا کوردییەکەی و ڕونکردنەوە ئینگلیزیەکەیت دەداتێ.

هەر لەم بەشەدا دەتوانیت لەرێگەی بەکارهێنانی کامێرەوە وێنەی لاپەرەیەکی ئینگلیزی بگریت یاخود نوسراوێکی ئینگلیزیی پاشان پەنجە بدەی لەو ووشەیەک زۆر بەخێرای بۆت ئەکاتە کوردی واتە پێویست ناکات هیچ ووشەیەک بنوسیت.

فەرهەنگی کوردی بۆ ئینگلیزی
ئەم فەرهەنگە زیاتر لە ٨٠،٠٠٠ هەشتا هەزا ووشە لەخۆدەگرێت بۆ هەر ووشەیەکی کوردی زیاتر لە مانایەکی ئینگلیزی هەیە، وە هەر مانایەکی ئینگلیزی دەتوانیت هەر لە شوێنی خۆیدا بە پشت بەستن بە فەرهەنگی ئینگلیزی بۆ کوردییەکە مانای تەواوەتی ببینیت لە هەمانکاتیشدا دەتوانیت گوێبیستی دەنگی ووشەکە ببیت بە هەردوو شیوازی بەریتانی و ئەمریکی، وە کیبۆردێکی کوردی تایبەتی خۆی لەگەڵدایە بۆ گەران بەدوای ووشەکاندا.

فەرهەنگی ئینگلیزی بۆ ئینگلیزی
ئەم فەرهەنگە زیاتر لە ١٥٠،٠٠٠ سەد و پەنجا هەزار ووشە لەخۆدەگرێت ، هەر ووشەیەک رونکردنەوەی تەواوەتی لەگەلدایە، کاتێک پەنجە لە ووشەیەک ئەدەیت بەشێکی نویت بۆ ئەکاتەوە کە رونکردنەوەی ئەو ووشیە لەخۆدەگرێت بە زمانی ئینگلیزی، ئەگەر مانای هەر وشەیەکت لە رونکردنەوەکەدا نەزانی تەنها پەنجە لە ووشەکە بدە ئەتباتە لاپەرەیکی تر کە رونکردنەوەی تەواوەتی ئەو ووشەیە لەخۆدەگرێت.

دەتوانیت لە بەشی ریکخستنی فەرهەنگەکە ماناکوردییەکەشی چالاک بکەیت تاوەکو ئەو ووشەیەی کە پەنجەی لێ دەدەیت مانا کوردییەکەشی ببینیت.

فەرهەنگی کردارە نائاساییەکان
ئەم بەشە زۆریینەی کردارە نائاساییەکان لەخۆدەگرێت بە هەمووشێوازەکانییەوە وەک
(base , s-form , ing-form , Past Simple , Past Participle)

فەرهەنگی کردارە ئاساییەکان
ئەم فەرهەنگە زیاتر لە ٦٠٠٠ شەش هەزار کردار لەخۆدەگرێت بە هەمووشیوازەکانییەوە وەک
(base , s-form , ing-form , Past Simple , Past Participle)
بەگشتی ٢٤،٠٠٠ بیست و چوار هەزار ووشە زیاترە.

بەشیی کویز (یاری)
لەم بەشەدا دەتوانیت ئینگلیزییەکەت باشتربکەیت، رێگەیەکی باشی مەشق کردنە بۆ باشترکردنی ئینگلیزییەکەت لە رێگەی پێشبرکێکردن لەگەڵ کاسانیتر بە ئۆنلاین ، رکابەری هاورێکانت بکە بە ئەنجامدانی یاری لەگەڵیاندا، یارمەتیدەرێکی باشە بۆ باشترکردنی گرامەر، بە ئەنجامدانی هەر کویزێک چەند خاڵێک بەدەست ئەهێنیت بەپێ تواناو لێهاتووی خۆت، ئەم بەشە لەچەند بەشێک پێکاتووە کە بریتین لە:

بەشی بابەتەکان (پۆست)
رۆژانە چەندین بابەت لەسەر زمانی ئینگلیزی تێدا بڵاودەکرێتەوە لە لایەن کەسانی شارەزا لە زمانی ئینگلیزی، یارمەتیدەرێکی باشە بۆ باشترکردنی ئینگلیزییەکەت ، دەتوانیت لایک و کۆمێنت لەسەر بابەتەکان بکەیت و پرسیار بنوسیت.

بەشی ڕکابەرییەکان (چالنج)
ئەم بەشە پێک هاتووە لە رکابەری نێوان بەکارهێنەرانی فەرهەنگەکە، مامۆستاکانی ئەم فەرهەنگە ڕۆژانە چالنج ی بەکارهێنەران ئەکەن بە دانانی چەند بابەتێکی ئاڵۆز کە لە هەمان کاتدا فێرکاریە، بەکارهێنەرانیش ئەتوانن وەڵام بۆ ئەو رکابەرییانە بنوسن، پاش تەواوبونی کاتی رکابەرییەکە چەند براوەیەک دەست نیشان دەکریت.

بەشی لایڤ
لەم بەشەدا هەرجارەی شارەزایەکی بواری زمانی ئینگلیزی یاخود مامۆستایەک دەربارەی بابەتێک ئەدوێت بەشێوەیەکی راستەوخۆ ، بینەرانیش لەڕێی لێدوانەوە (کۆمێنت) ئەتوانن پرسیاربکەن.

بەشە لاوەکییەکان
بەشی وشەی رۆژ
لە لاپەرەی یەکەمی فەرهەنگەکەدا هەموو رۆژێک وشەیەکی نوێت پیشان دەدات، بە نۆتیفیکەیشن(ئاگادار کەرەوە) ئاگادارت دەکاتەوە.

ئەو ووشانەی بۆ ئەم بەشە دیاریکراون بریتین لەو ووشانەی کەزۆر بەکار ئەهێندرێن، لە بەشی ریکخستنی ئەم بەرنامەیە ەتوانیت ئەووشانە بگۆریت بە ووشە دڵخوازکراوەکان (واتا ڕۆژانە لەبری ووشەی رۆژ وشە دڵخوازکراوەکانت پشان دەدات کە لەبەشی فەرهەنگی ئینگلیزی بۆ کوردی دڵخوازتکردوون)

بەشی ڕیکخستنەکان
ئەم بەشە پێکهاتووە لە چەند بەشێک کە بریتین لە بەشی ئاگارکردنەوەکان و بەشی دەرکەوتن کە چەند گۆڕانکاریەک لەخۆ دەگرێت گرنگترینیان ئەمانەن:
گۆڕینی رەنگی برنامەکە کەزیاتر لە ١٥٠ رەنگی تێدایە
گۆڕینی فۆنتی کوردی
گۆڕینی فەرهەنگەکە لە دۆخی رووناکەوە بۆ تاریک
گۆڕینی زمانی فەرهەنگەکە بۆ کوردی یاخود ئینگلیزی

بەشی ووشە دڵخوازکراوەکان
ئەو ووشانەی لە ناو فەرهەنگەکاندا دڵخوازی دەکەیت لەم بەشەدا پشانت دەدات.

بەشی چالاکردنی فەرهەنگ
لەم بەشەدا دەتوانیت فەرهەنگەکە چالاک بکەیت، ئەم فەرهەنگە بەشێوەیەکی خۆرایی دەتوانیت مانای لە سەدا ٣٠ وشەکان ببینیت، بۆ چالاک کردن سود لەو زانیاریانە وەربگرە کە لەم بەشەدا نوسراوە.

بەشی پرۆفایل (هەژمار)
بۆ ئەوەی بتوانیت فەرهەنگەکە چالاک بکەیت و بەشداری بکەیت لە بابەتی ناو پۆستەکان و بینینی لایڤ ئەوا پێوییستە هەژمارێکی تایبەت بەخۆتت هەبێت لە رێگەی فەیس بوک یاخود جی مەیل.
لەم بەشەدا دەتوانیت ناو و وێنە و بایۆی هەژمارەکەت بگۆریت، دەتوانیت هەموو ئەو چالاکییانەی تێدا ببینیت کە ئەنجامت داون وەک یاری کردن، لایک کردن ،کۆمێنت کردن و ڕکابەرییەکانت.

ریکلام

ئۆتۆمبێل و تەکنەلۆژیا

گرفتی ئەپلیکەیشنەکانی سیستمی IOS چارەسەرکرا

خەڵک – بەشی هەواڵ

 

ئەمڕۆ هەینی بەشێک لەئەپلیکەیشنە بەناوبانگەکانی مۆبایل  و خزمەتگوزارییەکان لەسەر سیستمی IOS لەکارکەوتن، بەنمونەى (Spotify, Pinterest ,Tinder and viber)، کە دواتر چارەسەرکرا.

 

بەشێک لەئەپلیکەیشن و خزمەتگوزارییە بەناوبانگەکانى سیستمی IOS لەسەر ئایفۆن و ئایپاد لەکارکەوتن، کە دواتر چارەسەرکراو  هۆکاری کێشەکە گەڕێندرایەوە بۆ SDK Facebook.

 

تاکو ئێستا لەلایەن بەکارهێنەرانی سیستمی ئەندرۆیدەوە هیچ ڕیپۆرتێک نەگەڕاوەتەوە، کە کێشەیەکیان لەگەڵ ئەپلیکەیشنەکان یاخود خزمەتگوزارییەکان هەبێت.

 

 

بەردەوام بە لە خوێندنەوە

ئۆتۆمبێل و تەکنەلۆژیا

هێڵەکاتی ئینتەرنێت بۆ ماوەى سێ کاتژمێر ڕادەگیرێن

خەڵک – بەشی هەواڵ

بڕیارە لەماوەى ڕۆژانی تاقیکردنەوەی پۆلى ١٢ى ئامادەیى زانستى و وێژەى و پیشەیى و خوێندنى ئیسلامى هێڵەکانی ئینتەرنێت لەکاتژمێر ٦ بۆ ٩ی بەیانی ببڕێت.

 

وەزارەتی گواستنەوە و گەیاندن، بەڕەزامەندی وەزارەتی پەروەردە بڕیاریدا لە ڕۆژانی تاقیکردنەوەکانی پۆلى ١٢ى ئامادەیى زانستى و وێژەى و پیشەیى و خوێندنى ئیسلامى هێڵەکانی ئینتەرنێت لەسەرتاسەری هەرێمی کوردستان لەکاتژمێر ٦ بۆ ٩ی بەیانی دەوەستێت.

 

ئەمە لەکاتێکدایە بڕیارە سبەینێ شەممە تاقیکردنەوەی نیشتیمانیی پۆلى ١٢ى ئامادەیى زانستى و وێژەى و پیشەیى و خوێندنى ئیسلامى لەسەرتاسەری هەرێمی کوردستان دەستپێبکات.

 

بەردەوام بە لە خوێندنەوە

ئۆتۆمبێل و تەکنەلۆژیا

بۆ ساڵی شەشەم لەسەر یەك: كیا هێمای بازرگانیی ژمارە یەكە، بۆ كوالێتییە یەكەمەكان

خەڵک

بۆ ساڵی شەشەم لەسەر یەك: كیا هێمای بازرگانیی ژمارە یەكە لە توێژینەوەی “جەی دی پاوەر”ی ئەمەریكی بۆ كوالێتییە یەكەمەكان

• ئەو كەسانەی لە ویلایەتە یەكگرتووەكانی ئەمەركیا ئۆتۆمبێڵەكانی كیایان كڕیوە، لە كاتی كڕینیانەوە تا 90 ڕۆژ، باسی كەمترین كێشەیان كردووە لە ئۆتۆمبێلەكانیان.

• یەكەم هێمای بازرگانییە كە دوو ساڵ لەسەر یەك خەڵاتەكانی “جەی دی پاوەر”بۆ كوالێتیی یەكەمەكان بەدەست بێنێ.

• ئۆتۆمبێلەكانی فۆرت(سیراتۆ) و سیدۆنا و سۆینتۆ و سوڵ لە سەرەوەی هەڕەمی جۆرەكانی خۆیانن.

عێراق – كۆمپانیای “كیا مۆتۆرز” پلەی یەكەمی كەرتی ئۆتۆمبێلی بەدەستهێنا لەمیانەی “توێژینەوەی كوالێتییە یەكەمەكان” (IQS) لە ویلایەتە یەكگرتووەكانی ئەمەریكا، كە لە كۆمپانیای “جەی دی پاوەر” (JD Power) دەردەچێت، ئەمەش دوای ئەوەی تەنیا 136 كێشەیان لە 100 ئۆتۆمبێڵدا ڕاگەیاند، بەمەش كیا بۆ ساڵی شەشەم لەسەر یەك یەكەم دەبێت لە نێوان ئەو هێما زۆر و جۆاروجۆرەی ئۆتۆمبێڵ كە لە بازاڕدا هەن، ئەو كارەی دیڤ سارجێنت، جێگری سەرۆكی “جەی دی پاوەر” بۆ كاروباری كوالێتی ئۆتۆمبێڵ، بە “كاروانێكی ڕیزپەڕ و بێ وێنە” وەسفی دەكات.
سەركەوتنە بەردەوامەكانی كیا لە توێژینەوەی كوالێتییە یەكەمەكان بەشێوەیەكی بنەڕەتی بۆ هەردوو ئۆتۆمبێڵی فۆرت (یان سیراتۆ) و سوڵ دەگەڕێتەوە، كە دوو باشترین ئۆتۆمبێڵن، لە نێوان 10 باشترین جۆرەكانی كەرتی ئۆتۆمبێڵ. بەتێكڕایی چەند جۆرێكی ئۆتۆمبێڵەكانی كیا لەڕووی ئەداوە سەركەوتنیان بەدەست هێناوە، لەوانەش: فۆرت (ئۆتۆمبێڵە تێكچەقیوەكان Compact Car)، سیدۆنا (مینیڤان Minivan)، سۆرێنتۆ (وەرزشیی فرەمەبەستی مامناوەندی بەرز Upper Midsize SUV)، سوڵ (وەرزشیی فرەمەبەستی بچووك Small SUV).
شون یوون، سەرۆكی “كیا مۆتۆرز” لە ئەمەریكای باكوور و سەرۆكی جێبەجێكاری لە “كیا مۆتۆرز”ی ویلایەتە یەكگرتووەكانی ئەمەریكا ڕایگەیاند: “شەرەفێكی گەورەیە كە بۆ ساڵی شەشەم لەسەر یەك پلەی یەكەمی كەرتەكانی ئۆتۆمبێڵ لە توێژینەوەی “جەی دی پاوەر”ی ئەمەریكی بۆ كوالێتیی یەكەمەكان بەدەست دێنین و لە لووتكەی هێما بازرگانییەكانی ئەم بازاڕە فراوانە دەبین، ئەمە ئەو ئەركەشمان دەخاتەسەر كە دەبێ لە هەوڵەكانمان بەردەوام بین و هەموو هەوڵێك بدەین بۆ ئەوەی ببینە باشترین”. یوون ئاماژەی بەوەشدا كە “لەژێر ڕۆشنایی بردنەوە باشترین پلە و براوەبوونی چوار ئۆتۆمبێڵ لە جۆرەكانی خۆیان و -چوار ئۆتۆمبێڵی دیكەش یەكێك لە سێ پلە یەكەمینەكانی جۆری خۆیان بەدەست هێناوە-، لێرەشەوە فەلسەفەی هێمای كیا لە “پێشكەشكردنی هەموو ئەوەی كە پێویستە” بەردەوام دەبێت و بەرهەمەكانی پێشكەشی بازاڕی ئۆتۆمبێڵ دەكات، كە بازاڕێكی پڕ ڕكابەرییە”.
جێی باسە كە ڕاپۆرتی ساڵانە، پشت بە شیكردنەوەی وەڵامەكانی 87,282 توێژەر، تایبەت بە 189 ئۆتۆمبێڵ و لەمیانەی 26 جۆر دەبەستێت. هەڵسەنگاندنی ئۆتۆمبێڵەكانیش لەسەر چەند بنەمایەك دەبن، لەوانەش: ئەزموونی هاژووشتن، ئەدای بزووێنەر و گێڕ و كۆمەڵێك كێشەی پەیوەست بە كوالێتیی ئۆتۆمبێڵەكان و ئەو كێشانەی خاوەن ئۆتۆمبێڵەكان باسی دەكەنەوە.

-كۆتایی-

كورتەیەك لەبارەی كۆمپانیای كيا موتورز:
كۆمپانیای كیا مۆتۆرز (www.kia.com)، لە ساڵی 1944ز دامەزراوە، كۆمپانیای دروستكردنی ئۆتۆمبێڵە و بەوە دەناسرێتەوە كە كوالێتییەكی بەرزی جیهانیی هەیە، ساڵانە 3 ملیۆن ئۆتۆمبێڵ لە 190 وڵات دەفرۆشێت، لە سەرانسەری جیهان زیاتر لە 52،000 كارمەند كاری تێدا دەكەن، داهاتی ساڵانەی زیاتر لە 49 ملیار دۆلاری ئەمەریكییە، پاشكۆی دروستكردنی لە پێنج وڵات هەیە. بە چاودێری سەرەكی پاڵەوانێتی كراوەی ئوستڕالیا و هاوبەشی ئۆتۆمبێڵە فەرمییەكانی فیفا – دەستەی كارگێڕیی جامی جیهانیی تۆپی پێ- و هاوبەشی فەرمیی جامی ئەوروپا بۆ تۆپی پێی “UEFA” 2019″ دادەنرێ، كە گەورەترین كێبڕكێی تۆپی پێی پیشەییە لە جیهاندا، دروشم و ماركەی كۆمپانیای كیا مۆتۆرز بە (توانای سورپرایزكردن) بەناوبانگە، چونكە كۆمپانیاكە دەتوانێ بە پێشكەشكردنی توانا و شارەزایی سەرسووڕهێنەر و نایاب و وەرگیراو لە واقیعی داهێنان، كە بەدەرە لە هەموو پێشبینییەكان، سورپرایز بۆ جیهان بكات.

كورتەیەك لەبارەی كۆمپانیای نيم:
كۆمپانیای (كیا نیم) (www.kiairaqnim.com) لە ساڵی 2010 دامەزراوە، تایبەتە بە دابەشكردن و خزمەتگوزاریی بەرهەمەكانی كیای جیهانی، كە لە كارگەكانی كیا مۆتۆرز لە كۆریا و كارگەكانی دیكەی هەمان كۆمپانیا لە جیهانەوە دەهێنرێنە هەرێمی كوردستان و باكووری عێراق. بنكەكانی كیا نیم بەسەر شارەكانی: هەولێر، سلێمانی، دهۆك، كەركووك و مووسڵ دابەش بوونە و بەرزترین ئاستی خزمەتگوزاریی دوای فرۆشتن، پێشكەشی ئۆتۆمبێڵەكانی كیا دەكەن، ئەویش لە ڕێگای كارمەند و شارەزایانی ناوەخۆ، كە لەلایەن كۆمپانیای كیا مۆتۆرزی جیهانییەوە ڕاهێنراون و هەمیشە لەگەڵیان لە پەیوەندیدیان، بۆ ئەوەی باشترین خزمەتگوزاری پێشكەشی كڕیارانی ئۆتۆمبێڵی كیا بكەن. كۆمپانیای نیم، پۆلێنی پلاتینیۆمی لەلایەن كۆمپانیای كیا مۆتۆرزی جیهانی بەدەستهێناوە، ئەمەش بەرزترین ئاستی پۆلێنكردنە.
كۆمپانیای نیم لە ڕێگای ژمارەیەك بەرنامە و پڕۆگرامی ناوەخۆوە، پاڵپشتی كۆمەڵگای ناوەخۆ دەكات، لەڕووی بابەتەكانی وەكو ڕاهێنانی پیشەیی و سەلامەتیی ڕێگا و بوارەكانی ژینگە و وەرزش، پەیوەندیشی لەگەڵ ئەو دامەزراوە حكوومی و ناوەخۆییانە هەیە كە گرنگی بەم بابەتانە دەدەن.

بەردەوام بە لە خوێندنەوە

کوردستان