ئێمە لە تۆرە کۆمەڵایەتیەکان

کوردستان

لە هەولێر، ئامادەسازی بۆ ئەنجامدانی خۆپیشاندان دەكرێت

خەڵك-بەشی هەواڵ

هەرچەندە هەڵگرانی بڕوانامەی ماستەر و دكتۆرا داواكاریی دامەزراندنیان پێشكەش كردووە، بەڵام تا ئێستا حكومەتی هەرێم وەڵامی نەداونەتەوە، نوێنەرێكی هەڵگرانی بڕوانامەی ماستەر و دكتۆراش ئاشكرایدەكات، پێنج شەممەی داهاتوو خۆپیشاندان دەكەن.

عەلی ئەحمەد نوێنەری هەڵگرانی بڕوانامەی ماستەر و دكتۆرا بە (خەڵك)ی ڕاگەیاند، نزیكەی 300 كەس دەبین هەڵگری بڕونامەی ماستەر و دكتۆراین و دانەمەزراوین.
وتیشی”لەگەڵ دامەزراندنی كابینەی نوێ لیستێكمان پێكهێنا و دامانە وەزارەتی خوێندنی باڵا و پەڕلەمان و ئەنجومەنی وەزیران و لەگەڵ یەكەمەكان نوسراومان بۆ كرا بۆ ئەنجومەنی وەزیران، ئێستا یەكەمەكان و دەرچوانی كۆلێژی پزیشكی و مامۆستایانی گرێبەستیش بوونە هەمیشەیی دامەزران و تا ئێستا وەڵامی ئێمەیان نەداوەتەوە”.
ئاماژەی بۆ ئەوەش كرد، زانكۆكانی كوردستان پێویستیان بە مامۆستا هەیە و زانكۆ ئەهلییەكانیش كۆمەڵێك خاڵیان داناوە كە ئێمە ناگرێتەوە و دەڕۆن مامۆستای عەرب و هیندی دەهێنن كە بە نرخێكی كەمتر وانە دەڵێنەوە.

ئاشكراشیكرد، داوامان لە پارێزگاری هەولێر كردووە كە وادەیەكمان بۆ دیاری بكەن بۆ ئەنجامدانی خۆپیشاندان، بەڵام ئەگەر ئەو وادەیەش دیاری نەكرێت ڕۆژی پێنج شەممەی داهاتوو خۆپیشاندان ئەنجام دەدەین.

جیهان

ڕوسیا: دژی هەر ئۆپراسیۆنێكی ترین بۆ سەر ڕۆژئاوای كوردستان

خەڵك – بەشی هەواڵ

وەزارەتی ڕوسیا نیگەرانی و سەرسوڕمانی خۆی نیشانداوە لەبەرامبەر بەڵێنی توركیا لەدەستپێكردنەوەی ئۆپراسیۆنێكی تری سەربازیی لە ڕۆژئاوای كوردستان، هۆشداریشی دایە توركیا، كە هەنگاوێكی لەوشێوەیە زیان بە هەوڵەكانی سەقامگیركردنی ناوچەكە دەگەیەنێت و دۆخەكە ئەوەندەی تر تێكدەدات.

دوای ئەوەی دوێنێ‌ 18/11/2019 مەولود چاوشئۆغلۆ وەزیری دەرەوەی توركیا ڕایگەیاند: ئەگەر ناوچەكە لە یەپەگە و شەڕڤانان و هێزەكانی سوریای دیموكرات پاكنەكرێتەوە، ئەوا توركیا ئۆپراسیۆنێكی تر لە ڕۆژئاوای كوردستان دەست پێدەكاتەوە.ڕاشیگەیاندبوو: ویلایەتە یەكگرتووەكانی ئەمریكا و ڕوسیا پابەندی ڕێككەوتنەكان نەبوون، هەر بەپێی ئەو ڕێككەوتنانەش بووە كە مانگی ڕابردوو توركیا هێرشەكانی بۆ سەر باكووری ڕۆژهەڵاتی سوریا ڕاگرتووە، چاوش ئۆغلۆ داواشی لە ڕوسیا و ئەمریكا كردبوو كە ڕێوشوێنی پێویست و زیاتر لەدژی هەسەدە بگرنەبەر.

لەوبارەیەوە ژەنەڕاڵ ئیگۆر كۆناشینكۆف وتەبێژی وەزارەتی بەرگری روسیا وەزارەتی بەرگری ڕوسیا ئەمڕۆ 19/11/2019 ڕایگەیاند: لێدوانەكانی وەزیری دەرەوەی توركیا مایەی سەرسوڕمانە، مۆسكۆ بەتەواوی پابەند بووە بە ڕێككەوتنی نێوان ڤلادیمیر پوتن سەرۆكی ڕوسیا و ڕەجەب تەیب ئەردۆغان سەرۆكی توركیا.

ژەنەڕاڵ ئیگۆر كۆناشینكۆف وتەبێژی وەزارەتی بەرگری ڕوسیا ئاماژەی بەوەشكرد، وڵاتەكەی هەوڵی زۆری داوە تا ناوچەكە ئارامی و سەقامگیری باش بەخۆیەوە ببینێت.

وتەبێژی وەزارەتی بەرگری ڕوسیا ڕاشیگەیاند: بانگەشەی وەزیری دەرەوەی توركیا سەبارەت بە ئۆپراسیۆنی نوێی سەربازی دەبێتە مایەی تێكچوون و ئاڵۆزبوونی زیاتری دۆخی باكووری ڕۆژهەڵاتی سوریا.

ژەنەڕاڵ ئیگۆر كۆناشینكۆف ئەوەشیخستەڕوو: لە یاداشتی تێگەیشتنی نێوان ڕوسیا و توركیادا كە سەرۆكی هەر دوو وڵات واژۆیان كردووە، نەخشەڕیگای چارەسەری سەرجەم كێشەكان كراوە.

بەردەوام بە لە خوێندنەوە

کوردستان

گروپی كۆمپانیاكانی بەڕێز، لە ڕاپۆرتێكی ڤیدیۆییدا، بە بەڵگە وەڵامی پەیجی مۆر دەداتەوە

خەڵك ـ بەشی هەواڵ

گروپی كۆمپانیاكانی بەڕێز، بە ڕاپۆڕتێكی بەڵگە ئامێز، خاڵ بە خاڵ وەڵامی ڕاپۆرتێكی پەیجی مۆر دەداتەوە، كە دەربارەی كارو پڕۆژەكانی بەڕێز و خاوەنی كۆمپانیای ناوبراو لە تۆڕە كۆمەڵایەتییەكان بڵاویكردبووەوە.
پێشتریش لە ڕوونكردنەوەیەكدا، بەشی ڕاگەیاندن و پەیوەندییەكانی كۆمپانیای بەڕێز، ڕایگەیاندبوو، سەرەڕای ڕاسپاردنی ڕاوێژكاری یاسایی بۆ تۆماركردنی داوا لەسەر پەیجی مۆر، بە هەموو لایەكی ڕادەگەیەنین كە دێڕ بە دێڕی ئەو ڕاپۆرتە بە مەرام و چەواشەكاریەیان بە بەڵگەی یاسایی وەڵام دەدەینەوە.

ئەوەشیان خستبووە ڕوو، هۆكاری هەڵبژاردنی كۆمپانیای بەڕێز و خاوەنەكەی لەم كاتەدا لەلایەن سەرنووسەری پەیجی (مۆر)ەوە ئاشكرا دەكەین، هەموو ئەو دیكیۆمێنتانەش دەخەینە ڕوو، كە ئەم بەڕێزانە لە ژێر پەردەی كاری ڕۆژنامەوانیدا بە تەمای چی بوون و چیان دەوێت لە كۆمپانیا و سەرمایەدارەكان.

دەقی ڕاپۆرتە ڤیدیۆییەكەی كۆمپانیای بەڕێز

گروپی كۆمپانیاكانی بەرێز: مەرامی پشت راپۆرتە چەواشەكارییەكانی پەیجی مۆر بەبەڵگەی یاسایی ئاشكرا دەكەین

گروپی كۆمپانیاكانی بەرێز: مەرامی پشت راپۆرتە چەواشەكارییەكانی پەیجی مۆر بەبەڵگەی یاسایی ئاشكرا دەكەین

Posted by Xelk Media Network on Monday, November 18, 2019

بەردەوام بە لە خوێندنەوە

کوردستان

بۆ یەكەمجار، پێشانگایەكی تایبەت بە دەستنووسە دێرینەكان كرایەوە

خەڵك-ئارام سەردار
لەژێر ناونیشانی (دەستنووسەكان ناسنامەی شارستانیەتیبوونەمانە) ئەمڕۆ سێ شەممە ۱۹ی تشرینی دووەمی ۲۰۱۹ لە هەولێر، لەلایەن بەڕێوەبەرایەتی كتێبخانەی ناوەندی و دەستنووس و كۆرنەرەكانی سەر بەزانكۆی سەڵاحەدین بۆ جاری یەكەم پێشانگایەكی تایبەت بە دەستنووسە دێرینەكان كرایەوە.

فائیز مەلابەكر، بەرپرسی هۆبەی دەستنووسەكان لەبارەی پێشانگاكە بە (خەڵك)ی ڕاگەیاند، وەك لەناونیشانەكەمان ڕوونمان كردۆتەوە ئامانجمان گەیاندنی پەیامێكە بۆ هەموو لایەك و نەوەی ئێستاش، كە گەلی ئێمەش خاوەن مێژوو و شارستانیەتی خۆیەتی و تاوەكو ئێستاش كۆی گشتی ئەو دەستنووسانەی ئێستا هەمانە ژماریان 700 دەستنووس دەبێت و كۆنترین دەستنووسیش، كە هەمانە مێژووەكەی بۆ 500 ساڵ پێش ئیستا دەگەڕێتەوە.

دەشڵێت: “لە پێشانگاكەدا نزیكەی 19 دەستنووسمان نمایش كردووه، كە بریتین لەدەستنووسی قورئان و مێژوویی و ئەدەبی و كەشكۆڵ و كتێبی فارسی”.

ئاماژەی بۆ ئەوەشكرد، نزیكەی ٤۰ بۆ ٥۰ دەستنووس وون بوون، بۆیە هەوڵی گەڕانەوەیان دەدەین.

بەردەوام بە لە خوێندنەوە

کوردستان