ئێمە لە تۆرە کۆمەڵایەتیەکان

جیهان

بەشار ئەسەد: ئەوروپا بەرانبەر ئەردۆغان دووڕووە

خەڵك- بەشی هەواڵ
سەرۆكی توركیا ڕایدەگەیەنێت، ڕەجەب تەیب ئەردۆغان سەرۆكی توركیا دزە.. كارگەكان و گەنم و نەوت دەدزێت، ئەوروپاش بەدووڕوویی مامەڵە لەگەڵ ئەو سەرۆكەدا دەكات.

بەشار ئەسەد، سەرۆكی سوریا لە دیمانەیەكی لەگەڵ كەناڵی (روسیا الیوم) ڕایگەیاند”ئەوروپا بەشێوەیەكی دووڕووانە مامەڵە لەگەل ڕەجەب تەیب ئەردۆغان سەرۆكی توركیادا دەكات”.

بە وتەی ئەسەد”ئەوروپا لە هەمان كاتدا لێی دەترسێت و پێویستیشی پێیەتی، بەو پێیەی ڕەوانەكردنی پەنابەران لەلایەن ئەردۆغانەوە بۆ ئەوروپا كارێكی مەترسیدارە”.

بەشار ئەسەد سەرۆكی سوریا، لە 22ی تشرینی یەكەمی ڕابردوو هێرشێكی توندی كردە سەر سەرۆكی توركیا و ڕایگەیاندبوو”ئەردۆغان دزە.. كارگەكان و گەنم و نەوتی دزیوە..لەمڕۆشدا خاك دەدزێت”.

جیهان

ئەمڕۆ كۆبونەوەی وڵاتانی هاوپەیمانی دژ بە داعش بەڕێوەدەچێت

خەڵك- بەشی هەواڵ

ئەمڕۆ كۆبوونەوەی وڵاتانی هاوپەیمانی دژ بە داعش لە ئەمریكا سازدەكرێت و چەند پرسێك تاوتوێ‌ دەكەن و ئەوەی تێبینی دەكرێت كورد بەشداری نەكردووە نە لە ڕۆژئاوای كوردستان و نە لە باشور.

فەتحوڵڵا حسێنی، نوێنەری كانتۆنەكانی ڕۆژئاوای كوردستان لە هەرێمی كوردستان بە (خەڵك)ی ڕاگەیاند، ئاگاداری بانگێشت نییە بۆ ئەوەی ئەوان بەشداری كۆبوونەوەكە بكەن.

هاوپەیمانی دژ بە داعش لە هاوینی 2014 دا دامەزراوە و تائێستا چەندجارێك كۆبوونەوەی فراوانی كردووە و كورد بەشداری تێدا نەكردووە.

كۆبوونەوەی ئەمجارەی هاوپەیمانییەكە لەكاتێكدایە پێدەچێت هاوپەیمانیەكە هەڵبوەشێتەوە، بەتایبەتی دوای كوژرانی ئەبوبەكر بەغدادی ڕێبەری داعش.

بەردەوام بە لە خوێندنەوە

جیهان

دەیان چەكدارای سەر بە هێزەكانی هادی لە یەمەن كوژران

خەڵك- بەشی هەواڵ

ئاژانسەكانی هەواڵ بڵاویانكردەوە، ئەمڕۆ پێنج شەممە بەهۆی بۆردومانێكی موشەكییەوە دەیان چەكداری سەر بە عەبدڕەبە مەنسور هادی، نزیك لە سعودییە كوژران.

ئاژانسی هەواڵی”ئاسیۆشێتد پرێس” بڵاوی كردەوە، هێرشەكە لە باكوری ڕۆژهەڵاتی یەمەن و لە سنوری پارێزگای مارب ڕوویداوە و تائێستا ئامارێكی فەرمی ڕانەگەیەنراوە.

ماوەی زیاتر لە چوار ساڵ شەڕ لە یەمەن دەستی پێكردووە و وڵاتەكە بۆ چەند بەشێك دابەش بووە، بەتایبەتی دوای تێكچوونی پەیوەندییەكانی لایەنگرانی سعودییە و ئیماراتی عەرەبی.

بەردەوام بە لە خوێندنەوە

جیهان

ئەوروپا بۆ گەڕانەوەی داعش حاڵەتی ئامادەباشی ڕادەگەیەنێت

خەڵك –بەشی هەواڵ

وەزیری دادی ئەڵمانیا ڕایگەیاند، بۆ ئەوەی ئاسایش نەكەوێتە مەترسییەوە، هێزەكانی پۆلیس و دادگەریی كەوتونەتە ئامادەباشییەوە.

كریستینا لامبرەخت ئەوەشی ئاشكرا كرد، ئەوانەی ڕادەست دەكرێن بڕیاری گرتنیان هەبێت دەگیرێن، ئەوانەشی بڕیاری دادگایان نییە بۆ گرتن، قۆناغی دادگاییكردنیان دەستپێدەكات.

دەشڵێت “هەتا ئەو كاتەی بریاری گرتنیان بۆ دەردەچێت، ئەو كەسانە لە نزیكەوە چاودێری دەكرێن و ناچار دەبن كەلەپچەی ئەلەكترۆنیان بۆ بەكار بهێنن.”

لامبریخت ئەوەشی ئاشكرا كرد كە دادگای ئەڵمانیا ئەو كەسانەی بەشداری تاوانەكانی داعش بوون، بە قورسترین شێوە سزا دەدات.
هەروەها دەڵێـت “بە هاوكاری لەگەڵ توركیا هەوڵ دەدەین ئەو كەسانەی ڕادەست دەكرێنەوە بتوانین بیانگەڕێنینەوە سەر حاڵەتی كەسێكی ئاسایی ناو كۆمەڵگا، چونكە ئەو كەسانەی لە ئێستادا بەنیازن ڕەوانە بكرێنەوە پەیوەندی ڕاستەوخۆیان بە داعشەوە نییە.”

توركیا دەستیكردووە بە ڕەوانەكردنەوەی چەكدارە دیلە داعشە ئەوروپایی و ئەمریكاییەكان بۆ وڵاتەكانیان، ئەمەش ترسی لە نێو ئەو وڵاتانەدا دروستكردووە.
سەرچاوە/فوڕاتنیوز

بەردەوام بە لە خوێندنەوە

کوردستان