ئێمە لە تۆرە کۆمەڵایەتیەکان

ئابوری

نرخی دۆلار دابەزی

خەڵك- بەشی هەواڵ

ماوەی چەند ڕۆژێكە بەهۆی خۆپیشاندانەكانی عیراقەوە نرخی دۆلار بەرامبەر بە دیناری عیراقی بەرزبوەوە، بەڵام ئەمڕۆ شەممە تاڕادەیەك دابەزی.

ئەمڕۆ هەینی نرخی 100 دۆلاری ئەمریكی لە بازاڕەكانی هەرێمی كوردستاندا بەرامبەر بووە بە 121 هەزار و 650 دینار، دوای ئەوەی لە دوو ڕۆژی ڕابردوودا بۆ 123 هەزار دینار بەرزبووەوە.

ماوەی 16 ڕۆژە خۆپیشاندانی فراوان لە عیراقدا بەڕێوەدەچێت و ئەوەش هۆكاری ڕێگری بووە كە حكومەتی عیراق نەیتوانیووە پڕی پێویستی دۆلار بخاتە بازاڕەوە.

ئابوری

ئەمڕۆ مووچەی وەزارەتی پەروەردە دابەش دەكرێت

خەڵك- بەشی هەواڵ

دوای دابەشكردنی مووچەی پێشمەرگە لە ڕۆژانی ڕابردوودا، بڕیارە ئەمڕۆ مووچەی مانگی ئەیلولی وەزارەتی پەروەردە دابەش بكرێت.

بەپێی خشتەیەك كە لە وەزارەتی دارایی و ئابورییەوە بڵاوكراوەتەوە، ئەمڕۆ مووچەی وەزارەتی پەروەردە دابەش دەكرێت.

دابەشكردنی مووچەی مانگی ئەیلول لەكاتێكدایە كە چارەنوسی سێ‌ مووچەی ئەمساڵی فەرمانبەرانی هەرێمی كوردستان نادیارە، سەرباری ئەوەی بەغدا پارەكەی ناردووە.

بەردەوام بە لە خوێندنەوە

ئابوری

داواكاریەكی خۆپیشاندەرانی پێنجوێن جێبەجێ‌ كرا

خەڵك- بەشی هەواڵ
بەهۆی خۆپیشاندان و ناڕەزایی ئەمڕۆی هاووڵاتیانی شارۆچكەی پێنجوێن، كە تا ئێستاش بەردەوامە، بڕیاری دابەشكردنی نەوت لەو شارۆچكەیە درا.

لە بەیانی ئەمڕۆوە خۆپیشاندان لە شارۆچكەی پێنجوێن و ڕێگای سەرەكی پێنجوێن- باشماخ دەستی پێكردووە و هاووڵاتیان ڕێگای هاتووچۆی تانكەرەكانی نەوت-یان گرتووە و تا ئێستاش خۆپیشاندانەكە بەردەوامە.

بەپێی قسەی خۆپیشاندەران، بەڵێنیان پێ‌ دراوە لەم هەفتەیەدا بڕی چوار هەزار بەرمیل نەوت بگاتە شارۆچكەكە و بەسەر هاووڵاتیاندا دابەش بكرێت.

لای خۆشیەوە، بەڕێوەبەرایەتی نەوت و كانزاكانی سلێمانی لە ڕاگەیەنراوێكدا ئاماژەی بەوەكردووە، “پڕۆسەی دابەشكردنی نەوت ڕۆژی چوار شەممە لە قەزای پێنجوێن دەست پێ دەكات”.

خۆپیشاندەرانی پێنجوێن چوار داواكارییان هەیە، كە بریتیە لە پێدانی كارەبای بەردەوام و دابەشكردنی نەوت و سوودمەندبوونی هاووڵاتیان لە مەرزەكانی باشماخ و سەیرانبەند و دروست كردنی تونێلی پێنجوێن.

پێشتر، زانا ڕەحمان، قائیمقامی پێنجوێن بە (خەڵك)ی ڕاگەیاند، وەكو حكومەت كەناڵی دیكەمان هەیە بۆ گەیاندنی داواكاری هاووڵاتیان، بەڵام ئێمە پشتگیری داواكارییەكەیان دەكەین، چونكە داوای سووتەمەنی و كارەبا دەكەن و داواكاری چین و وێژەكانی ناوچەكە، داواكاری ئێمەش بووە.

بەردەوام بە لە خوێندنەوە

ئابوری

پێنجەمین گەورە بەنداو لە هەرێمی كوردستان كارەكانی كۆتایی هات

خەڵك – بەشی هەواڵ
بەڕێوەبەری گشتی بەنداو و كۆگاكانی ئاوی هەرێمی كوردستان ڕایدەگەیەنێت، كارەكانی تایبەت بە تەواوكردنی پێنجەمین گەورە بەنداوی هەرێمی كوردستان لە كۆتاییدایە و دەشڵێت: “11 بەنداوی بچووك و مامناوەند لە هەرێم دەست بە تەواوكردنیان دەكرێت”.

ئەكرەم ئەحمەد، بەڕێوەبەری گشتی بەنداو و كۆگاكانی ئاوی هەرێمی كوردستان، بە ماڵپەڕی فەرمی پارتی ڕاگەیاندووە، حكومەتی ھەرێم ڕەزامەندیی دەربڕیوە لەسەر خەرجكردنی بڕی ٣٣ ملیار دینار بۆ بەنداوە تەواونەكراوەكان، كە ژمارەیان ١١ بەنداوە لە تەواوی پارێزگاكانی ھەرێمی كوردستان و لەمەودوا دەست بە تەواوكردنیان دەكرێت و ئامادەكاری تەواویش بۆ دەستپێكردنیان كراوە.

دەشڵێت: “بەنداوی دێوانە لە دوای بەنداوی دوكان، دەربەندیخان، دهۆك و ئاوەسپی، وەك پێنجەم گەورەترین بەنداوە لە ھەرێمی كوردستان، بە هۆی ئەم بارانبارینەشەوە بەشی كۆنكرێتی بەنداوەكە تەواو نەكراوە و لە ماوەیەكی نزیكدا كۆتایی بە كارەكانی بەنداوەكە دێت”.

ڕاشیگەیاندووە، ئەو بەنداوە سوودێكی زۆری بۆ خەڵكی دەربەندیخان و دەورووبەی دەبێت، ھاوكات كەمی ئاوی ئەو ناوچەیە چارەسەر دەكات و بۆ سامانی گشتی و ژینگەی ئەو ناوچەیە و جووتیارانیش بەسوودە.

بەنداوی دێوانە دەكەوێتە سنووری دەربەندیخان و ساڵی ٢٠١١ بەردی بناغەی دانرا، بە ھۆی قەیرانی داراییەوە پڕۆژەكە ڕاگیرا، لە ئێستادا حكومەتی ھەرێمی كوردستان بڕی ٣٣ ملیار دیناری بۆ تەواوكردنی ١١ بەنداوی بچووك و مامناوەند لە ھەرێمی كوردستان دابین كردووە.

بەردەوام بە لە خوێندنەوە

کوردستان