ئێمە لە تۆرە کۆمەڵایەتیەکان

عێراق

پێیوانییە خۆپیشاندەرانیش ڕازی بكات
وتەبیژی حكومەت: دەستلەكاركێشانەوەی عەبدولمەهدی ڕەوشەكە ئاڵۆزتردەكات

خەڵك- بەشی هەواڵ
وتەبێژی نوسینگەی ڕۆژنامەوانی عادل عەبدولمەهدی سەرۆك وەزیرانی عیراق ڕایدەگەیەنێت، دەستلەكاركێشانەوەی عەبدولمەهدی لە پۆستەكەی حكومەت دەكاتە حكومەتی كاربەڕێكەر و “نابێتە مایەی ڕازیكردنی خۆپیشاندەران، و تەنگژەكان و كاروبارەكان هێندەی تر ئاڵۆزتردەكات”.

سەعد حەدیسی، وتەبێژی نوسینگەی ڕۆژنامەوانی سەرۆك وەزیرانی عیراق لە لێدوانێكیدا بۆ میدیا عەرەبییەكان ڕایگەیاند”دەستلەكاركێشانەوەی حكومەت، حكومەت دەكاتە حكومەتی كاربەڕێكەر، و تا ئەو دەمەی هەڵبژاردنی نوێ‌ ئەنجام دەدرێت و لەحاڵەتی هەڵوەشاندنەوەی پەرلەمان، یان ڕاسپاردنی كەسێكی تر لەلایەن هێزە سیاسییەكانەوە لە پەرلەمانەوە، لە پۆستەكەی خۆیدا دەمێنێتەوە”.

بە وتەی حەدیسی”لەحاڵەتی دەستلەكاركێشانەوەی عەبدولمەهدیش، هەنگاوەكە خۆپیشاندەرانی ئاشتیخواز ڕازیی ناكات، لە حاڵەتی بوونی حكومەتیش بە حكومەتی كاربەڕێكەر،زۆرێك لە دەسەڵاتەكان لە حكومەت وەردەگیرێنەوە و توانای ئەوەی نابێت چاكسازییەكان ئەنجام بدات و بەڵێنەكانی خۆی بەرانبەر بە خۆپیشاندەران بهێنێتەدی”.

وتەبێژی حكومەتی عیراق پێیوایە”گەر حكومەت ببێتە كاربەڕێكەر، توانای ئەوەی نابێت پرۆژە یاساكان ڕەوانەی پەرلەمان بكات، هەرچەندە لەئێستادا سەرقاڵی ئامادەكردنی یاسای هەڵبژاردن و یاسای پرۆسەی بنبڕكردنی گەندەڵییە لەژێر ناوی (من این لك هذا)یە كە پێداچوونەوە بە هەموو موڵك و سامان و خانووبەرەی بەرپرسانی ئێستا و پێشووی عیراقدا دەكات”.

سەعد حەدیسی دەڵێت”دەستلەكاركێشانەوەی حكومەت تەنگژەكان و كاروبارەكان هێندەی تر ئاڵۆزدەكات، هەرچەندە لەدژی هەڵبژاردنی پێشوەخت نییە، بەڵام میكانیزمەكانی ئەو هەڵبژاردنە لە دەسەڵاتی دەستور و پەرلەماندایە”.

وتەبێژی ڕۆژنامەوانی سەرۆك وەزیرانی عیراق ڕایگەیاندووە”ئەنجامدانی هەڵبژاردنی پێشوەخت لە سایەی یاسای هەڵبژاردنەكانی ئێستادا، ئەو ئامانجە ناهێنێتەدی كە خۆپیشاندەرانی ئاشتیخواز داوای دەكەن، وێڕای ئەوەی یاسا دەبێت ببێتە بنەما بۆ ڕازیكردنی خۆپیشاندەران و ڕەخساندنی هەلی یەكسان بۆ كاندیدانی هەڵبژاردنەكان”.

عێراق

ئەنجومەنی نوێنەرانی عیراق ئیمتیازاتی دارایی لێپرسراوانی دەوڵەتی هەڵوەشاندەوە

خەڵك – بەشی هەواڵ

ئەنجومەنی نوێنەرانی عیراق پڕۆژە یاسای هەڵوەشاندنەوەی ئیمتیازاتی دارایی لێپرسراوانی دەوڵەتی پەسەند كرد.

بەپێی یاساكە، نابێت لە پێنج ئۆتۆمبێل زیاتر بۆ سەرۆك كۆمار، سەرۆكی ئەنجومەنی نوێنەران و سەرۆكی ئەنجومەنی وەزیران تەرخان بكرێت.

بڕیاریش درا كە فەوجی پاسەوانەكان لە سەرۆكایەتییەكانی پێشوو، وەزیر و كەسایەتییە سیاسییەكان وەربگیرێنەوە.

بەردەوام بە لە خوێندنەوە

عێراق

حەیدەر عەبادی: سورین لەسەر سەندنەوەی متمانە لە حكومەت

خەڵك – بەشی هەواڵ

سەرۆكی هاوپەیمانی نەسڕ ڕایدەگەیەنێت، بەمەرجەوە واژۆیان لەسەر ڕێككەوتنەكەی لایەنە سیاسییەكان كردووە و ڕاشیگەیاند،”سورن لەسەر لێپرسینەوە و سەندنەوەی متمانە لە عادل عەبدولمەهدی”.

حەیدەر عەبادی سەرۆك وەزیرانی پێشووی عیراق و سەرۆكی هاوپەیمانی نەسڕ لە جریوەیەكدا لە تۆڕی كۆمەڵایەتی تویتەر بڵاویكردەوە،”هەڵوێستمان جێگیرە و نەگۆڕاوە، بە مەرجی بنیاتنانی حكومەتی نوێ، واژۆمان لەسەر ڕێككەوتنی 12 لایەنە سیاسییەكەی عیراق كرد”.

عەبادی ئاماژەی بەوەشداوە،”سورین لەسەر لێپرسینەوە لە حكومەتی ئێستا و سەندنەوەی متمانە لێی و دروستكردنی حكومەتێكی نوێ و هەڵبژاردنی پێشوەختە بە یاسایەكی هەڵبژاردنی نوێ و كۆمسیۆنێكی بێلایەن”.

 

بەردەوام بە لە خوێندنەوە

عێراق

ئاماژە بە دوو پڕۆژە یاسا دەكات
وتەبێژی حكومەتی عیراق بۆ (خەڵك): ڕۆڵی حزبە تەقلیدییەكان كۆتاییان دێت

خەڵك-ئیدریس جەبار
وتەبێژی حكومەتی عیراقی ئاماژە بە پێشكەشەكردنی دوو پڕۆژە یاسا دەكات لەلایەن حكومەتەوە بۆ پەڕلەمان، كە بە وتەی ئەو، “لێوەی كۆتایی بە ڕۆڵ و هەژموونی حزبە تەقلیدییەكانی ئێستای سەر گۆڕەپانی سیاسی عیراق دێت”.

سەعد حەدیسی، وتەبێژی نووسینگەی عادل عەبدولمەهدی، سەرۆك وەزیرانی عیراق، لە لێدوانێكی تایبەت بە (خەڵك) ڕایگەیاند، “لەڕێی دوو پڕۆژە یاسا، كە یاسای كۆمسیۆنی باڵای هەڵبژاردنەكان و یاسای هەڵبژاردنەكانە، بۆ یەكەمجار دەخرێتەگەڕ و لێوەی كۆتایی بە ڕۆڵ و هەژموونی حزبە تەقلیدییەكان دینێت لە ژیان و كاری سیاسی لە عیراق، بە هەمان شێوە كەمكردنەوەی تەمەنی خۆكاندیدكردن، بوارێكی باش بۆ لاوان دەڕەخسێنێت، بۆ هاتنە نێو كاری سیاسی”.

بە وتەی حەدیسی، “ئەو یاسایە، ڕێگە لە پلە تایبەتەكان دەگرێت، بۆ وەرگرتنی پۆستەكان و خۆكاندیدكردن بۆ پۆستەكانی سەرۆك كۆمار تا دەگاتە بەڕێوەبەری گشتی، واتا ڕێگە لەوانە دەگرێت، كە ئێستا لەو پۆستانەدان تا جارێكی تر خۆیان كاندید نەكەنەوە، بە هەمان شێوە لەڕێی ئەو یاسایەوە ڕێگە لە براوەكانی هەڵبژاردن دەگرێت، جارێكی تر پۆستی وەزیر یان پۆستی هاوشێوە وەربگرن، ئەمەش یەكەمجارە لە وڵاتدا ڕوودەدات، وێڕای پشتبەستن بە سیستمی ئەو براوەیەی زۆرترین دەنگی هێناوە، ئەمەش ڕێگە لە دووبارەكردنەوەی براوەی نێو لیستە هاوبەشەكان دەگرێت، كە زاڵ دەكران بەسەر ئەوانی تردا”.

سەبارەت بە كۆمسیۆنی باڵای هەڵبژاردنەكانیش، سەعد حەدیسی وتی، “بۆیەكەمجار لەڕێی یاساكەوە، كۆمسیۆن بەدوور دەبێت لە دەستوەردان و كاریگەری پەڕلەمان یان ئەنجوومەنی وەزیران، سێ‌ دادوەر دیاری دەكرێن، كە دووانیان لە ئەنجوومەنی باڵای دادوەرییەوە كاندید دەكرێن و ئەوی تریان لەلایەن ئەنجوومەنی باڵای دادوەری هەرێمی كوردستانەوە دەستنیشان دەكرێت، وێڕای دەتنیشانكردنی دوو مامۆستای زانكۆ، كە یەكێكیان دەبێت پسپۆڕ بێت لە زانستە سیاسییەكان و ئەوی تر دەبێت پسپۆڕی بواری زانیارییە تەكنەلۆجییەكان بێت، ئەمانەش لەلایەن ڕاگرانی زانكۆكانەوە كاندید دەكرێن، لەگەڵ هەڵبژاردنی ڕاوێژكاری شورای دەوڵەت لەگەڵ دانانی ژمێریارێكی یاسایی، كە دەبێت لەلایەن دیوانی چاودێری دراییەوە كاندید بكرێت”.

وتەبێژی حكومەتی عیراق دەڵێت: “ناوی ئەمانە بۆ سەرۆكایەتی كۆمار بەرزدەكرێتەوە تا پەسەند بكرێن، بەمشێوە هیچ بوارێك بۆ ڕۆڵ و كاریگەری و دەستوەردانی حزبەكان و فراكسیۆنە پەڕلەمانییەكان نامێنێت لەڕووی كاندیدكردنی ئەو ناوانە، وێڕای داڕشتنەوەی هەڕەمی كۆمسیۆن، كە لە یاساكەدا ئاماژەی پێكراوە، دوای ئەوەی 38 كەسی بە پلەی بەڕێوەبەری گشتی لەخۆگرتبوو، ئەم ژمارەیە بۆ تەنیا 8 كەس كەمدەكرێتەوە، ئەمەش وادەكات كۆمسیۆن زیاتر چالاك بێت لە كارەكانی و لەگەڵ هەموو ئەمانەشدا داهاتێكی زۆر بۆ خەزێنەی دەوڵەت دەگەڕێتەوە”.

سەبارەت بەوەی ئەم هەنگاوەی حكومەت بەدەنگەوەچوونی داواكاری و داخوازی خۆپیشاندەران بێت، حەدیسی ڕایگەیاند، “بەڵێ‌ لەگەڵ ئەوەی خۆپیشاندەران داوای باشكردن و چاكسازییان كردبوو لە لایەنە خزمەتگوزاری و ئابووریەكان،بە هەمان شێوە داوای چاكسازییان كردبوو لە سیستمی سیاسی عیراقیدا بكرێت و گۆڕانكاری لە كۆمسیۆنی باڵای هەڵبژاردنەكان و یاسای هەڵبژاردنەكان بكرێت، ئەمەش بە دەنگەوەچوونی داواكاری خۆپیشاندەرانە، كە دەبێت گۆڕانكاری لە سیستمی سیاسیدا بكرێت و لەڕێی ئەم یاسایانەشەوە، هەلی گەورە بۆ هاتنەپێشەوەی حزبە بچوك و كەسێتییە سەربەخۆكان و تاكەكان بۆ بەشدایی لە پڕۆسەی سیاسی و پەڕلەماندا دەڕەخسێت و دەبێتە مایەی كۆتایی هێنان بە ڕۆڵ و هەژموونی حزبە تەقلیدییەكان، كە لەئێستادا باڵیان بەسەر گۆڕەپانی سیاسی وڵاتدا كێشاوە”.

بەردەوام بە لە خوێندنەوە

کوردستان