ئێمە لە تۆرە کۆمەڵایەتیەکان

کوردستان

پۆستی ئەمینداری وەزارەتی پێشمەرگە لە یەكێتی وەردەگیرێتەوە


خەڵك- بەشی هەواڵ

پۆستی ئەمینداری گشتی وەزارەتی پێشمەرگە كە ئێستا لەلایەن جەبار یاوەرەوە بەڕێوەدەبرێت لەسەر پشكی یەكێتی لە كابینەی نوێی حكومەتدا دەدرێت بە گۆڕان، بەڵام تائێستا گۆڕان ئەو پۆستەی وەرنەگرتووە.

پێشتر شەماڵ عەبدولوەفا، ئەندامی خانەی ڕاپەڕاندنی بزوتنەوەی گۆڕان ڕایگەیاند، كە چەند پۆستێكی دیكەیان بەر دەكەوێت، بەپێی ڕێككەوتنی نێوان پارتی و گۆڕان، كە یەكێكیان ئەمینداری گشتی وەزارەتی پێشمەرگەیە.

جەبار یاوەر، ئەمینداری گشتی وەزارەتی پێشمەرگە بە (خەڵك)ی ڕاگەیاند، تائێستا بە فەرمی ئاگادارنەكراوەتەوە سەبارەت بە جێهێشتنی پۆستەكەی و ئاڵوگۆڕكردنی لەگەڵ كەسێكی دیكەدا.

وتیشی”پەیوەندی بە ڕێككەوتنی لایەنە سیاسییەكانەوە هەیە لەكاتی پێكهێنانی حكومەتدا، تائێستا لە جێگاكەی خۆمم و كەسیش نەهاتووە ببێت بە بەدیلی من”.

سەبارەت بە پۆستی داهاتووی خۆی لە حاڵەتێكدا كە پۆستەكە بدرێت بە گۆڕان ناوبراو وتی”من فەرمانبەری حكومەتم و پابەندنم بە بڕیاری حكومەتی هەرێمی كوردستانەوە و ئەو كاتە بەپێی توانای خۆم شوێنێك هەر دەبێت ئیشی تێدا بكەم”.

ئەمینداری گشتی وەزارەتی پێشمەرگە یەكێكە لە پۆستە باڵا سەربازییەكانی هەرێمی كوردستان و بەپێی ڕێككەوتنی پێكهێنانی كابینەی نۆهەمی حكومەتی هەرێمی كوردستان بەر بزوتنەوەی گۆڕان دەكەوێت.

کوردستان

هاوسەرۆكانی یەكێتی پەیامێك بۆ عەلی باپیر دەنێرن


خەڵك- بەشی هەواڵ
سەرۆكایەتیی یەكێتیی نیشتمانیی كوردستان بە بۆنەی ساڵیای دامەزراندنی كۆمەڵی ئیسلامییەوە پەیامێك ئاڕاستەی ئەمیری كۆمەڵی ئیسلامی دەكات و ڕایدەگەیەنێت، بە كۆدەنگیی كوردستانی لەگەڵ یەكێتی و حزب و لایەنەكانی تر، دەتوانین ببینە جێی هیوا لەپێناو دابینكردنی ئایندەیەكی باشتر بۆ گەل و نیشتمانەكەمان.

بافڵ تاڵەبانی و لاهور شێخ جەنگی، هاوسەرۆكانی یەكێتی لە پەیامەكەیاندا ڕایانگەیاندووە، هیوادارین ئەو پەیوەندییانه،‌ كە لەسەر دەستی رابەرمان سەرۆك مام جەلال و مامۆستا عەلی باپیر داڕێژران و پەرەیانسەند، لەم سەردەمەشدا بە گوڕوتینی زیاترەوە، بەرەوپێش ببرێن و قووڵتر ببنەوە.

دەقی پەیامەكە:

بەڕێز جەنابی مامۆستا عەلی باپیر _ ئەمیری كۆمەڵی ئیسلامیی كوردستان

لە نۆزدەهەمین ساڵیادی دامەزراندنی كۆمەڵی ئیسلامی، پیرۆزباییەكی گەرم لە جەنابتان و لەڕێی ئێوەشەوە، لە بەڕێزان ئەندامانی ئەنجومەنی كۆمەڵی ئیسلامی و تەواوی كادر و رێكخستنەكانتان دەكەین.

لە قۆناغی جیاواز و رۆژگاری سەختی میللەتەكەماندا، هەماهەنگی و پەیوەندییەكانی نێوان یەكێتیی نیشتمانیی و كۆمەڵی ئیسلامی، تایبەت و مێژوویی و نیشتمانیی بوون. هیوادارین ئەو پەیوەندییانه،‌ كە لەسەر دەستی رابەرمان سەرۆك مام جەلال و مامۆستا عەلی باپیر داڕێژران و پەرەیانسەند، لەم سەردەمەشدا بە گوڕوتینی زیاترەوە، بەرەوپێش ببرێن و قووڵتر ببنەوە. ئەمڕۆش زیاتر لە جاران، دۆخی هەرێمی كوردستان و عێراق و ناوچەكە و ئەگەرەكانی بەردەممان، یەكڕیزی و هەماهەنگی نێوانمانی كردوە بە‌ پێویستییەكی گرنگ و نەگۆڕ.

ئێمە لە سەرۆكایەتیی یەكێتیی نیشتمانیی كوردستان، پێمانوایە كۆمەڵی ئیسلامیی كوردستان بە بەردەوامبوون لەسەر بنەما چەسپاوەكانی پاراستنی ماف و ئازادییە گشتییەكان و رێزگرتن لە خەباتی مەدەنی، بە كۆدەنگیی كوردستانی لەگەڵ یەكێتی و حزب و لایەنەكانی تر، دەتوانین ببینە جێی هیوا لەپێناو دابینكردنی ئایندەیەكی باشتر بۆ گەل و نیشتمانەكەمان.

دووبارە پیرۆز بێت ساڵیادی دامەزراندنی كۆمەڵی ئیسلامی

سەرۆكایەتیی یەكێتیی نیشتمانیی كوردستان

بەردەوام بە لە خوێندنەوە

کوردستان

ڕێكارە نوێیەكانی قەدەغەی هاتووچۆ بۆ هاووڵاتیان و فەرمانبەران ڕاگەیەنران


خەڵك- بەشی هەواڵ
پارێزگای سلێمانی وردەكاری بڕیارەكانی كۆبووونەوەی ئەمڕۆی نێوان وەزارەتی ناوخۆ و پارێزگارەكانی هەرێم بڵاودەكاتەوە و ڕایدەگەیەنێت، پێویستە هاووڵاتیان پابەند بن بە ڕێكارەكانی خۆپارێزی.

پارێزگای سلێمانی لە ڕاگەیەنراوێكدا ئاماژەی بەوەكردووە، ئەمڕۆ، بە سەرپەرشتی وەزیری ناوخۆ و بە ئامادەبوونی وەزیری تەندروستی و پارێزگارەكان و سەرپەرشتیاری ئیدارە سەربەخۆكان و بەڕێوەبەری گشتی تەندروستی پارێزگاكان كۆبوونەوەیەكی تایبەت بە هەڵسەنگاندنی قۆناغەكانی بەرەنگاربوونەوەی كۆرۆنا و قەدەغەكردنی هاتووچۆ، لە دیوانی وەزارەتی ناوخۆ ئەنجامدرا.

لە كۆبوونەوەكەدا گفتوگۆو هەڵسەنگاندنی ورد لەسەر بارودۆخەكە كراو دواجار بڕیاردرا:
١- هەموو بڕگەكانی بەیانی ژمارە (٣٨)ی ساڵی (٢٠٢٠)ی وەزارەتی ناوخۆ وەكو خۆیان جێبەجێ دەكرێن.
٢-پەیوەست بە قەدەغەی هاتووچۆ لە سەعات (٦)ی ئێوارەی سبەینێوە (٣/ ٦/ ٢٠٢٠) لەژێر ڕێكاری توندی تەندروستی و ڕێنماییە تەندروستییەكاندا سێكتەرە جیاجیاكان دەكرێنەوە.
٣-دوای تێپەڕبوونی (٧٢) سەعات بەسەر كەرەنتینەكردنی دەروازەی نێودەوڵەتی باشماخدا، دوای ئەو ماوەیەی دیاریكراوە دەروازەكە دەكرێتەوە.

ڕاشیگەیاندووە، سوپاسێكی زۆری هاووڵاتیانی خۆشەویستی كوردستان كرا، بۆ پابەندبوونیان بە ڕێكارەكان و خۆپارێزییانەوە، داوایان لێكرا بەردەوام بن لەسەر خۆپارێزی.

جەختیشی كردۆتەوە، لەهەمان كاتدا هەموو فەرمانگەكانی دەوڵەت ئاگاداركرانەوە، كە پێویستە ڕێكارە تەندروستییەكان بەوردی جێبەجێ بكەن و هەر سەرپێچی و كەمتەرخەمییەك دەبێتە مایەی لێپرسینەوەی یاسایی و كارگێڕی توند.

 

بەردەوام بە لە خوێندنەوە

کوردستان

دەنگۆی لابردنی بەڕێوەبەری گشتی تەندروستی سلێمانی لە پۆستەكەی ڕەتكرایەوە


خەڵك- بەشی هەواڵ
دوای بڵاوبوونەوەی دەنگۆی لابردنی بەڕێوەبەری گشتی تەندروستی سلێمانی لە پۆستەكەی، وتەبێژی ئەو بەڕێوەبەرایەتییە جەختدەكاتەوە، كە هیچ بنەمایەكی نییە.

لە بەشێكی تۆڕە كۆمەڵایەتییەكان دەنگۆی ئەوە بڵاوبۆتەوە، كە د. سەباح هەورامی، بەڕێوەبەری گشتی تەندروستی سلێمانی لە پۆستەكەی دوورخراوەتەوە، بەهۆی ئەوەی لە كۆبوونەوەی لیژنەی باڵای ئۆپراسیۆنەكانی سلێمانی سووربووە لەسەر قەدەغەی هاتووچۆ و وتوویەتی، “ئەو بابەتی كۆرۆنایە مەكەن بە سیاسی”.

لای خۆشیەوە، د. یاد نەقشبەندی، وتەبێژی بەڕێوەبەرایەتی گشتی تەندروستی سلێمانی بۆ (خەڵك) ڕەتیكردەوە بابەتی لەوجۆرە بوونی هەربێت و وتی، “د. سەباح لە ئەركی خۆی بەردەوامە لە خزمەتكردنی تەندروستی هاووڵاتیان”.

جەختیشی كردەوە، ئەو دەنگۆە دوورە لە ڕاستییەوە و هیچ بابەتێكی لەو جۆرە لەگۆڕێ‌ نییە.

بەردەوام بە لە خوێندنەوە

کوردستان