ئێمە لە تۆرە کۆمەڵایەتیەکان

کوردستان

هەسەدە: 10 هێرشی توركیا و میلیشیاكان تێكشكێنران

خەڵك- بەشی هەواڵ

هێزەكانی سوریای دیموكرات (هەسەدە) ڕایدەگەیەنێت، شەڕڤانان 10 هێرشی سوپای‌ توركیا و میلیشیاكانی سوریا كە لەلایەن ئەنقەەوە پشتیوانیان لێدەكرێت، تێكشكاند.
بەپێی ڕاگەیەندراوێك كە لەلایەن ناوەندی ڕاگەیاندن و چاپەمەنی هێزەكانی سوریای دیموكرات (هەسەدە)وە بڵاوكرایەوە”سوپای توركیا و میلیشیاكانی‌ سەر بەو وڵاتە بە هەموو هێز و توانایەكی تەكنیكی زەمینی و ئاسمانیەوە بەردەوامە لە هێرشە داگیركارییەكانی‌ لە سنووری ڕۆژئاوای كوردستان و باكوور و رۆژهەڵاتی سوریا، لەو هێرش و پەلامارانەشدا سوپای توركیا بە چەكی‌ قورس هێرشی كردوەتەسەر ناوچەكانی‌ دەوروبەری‌ تل تەمر و گوندی تەل محەمەد سەر بە ناحیەی‌ ئەبوراسین لە باشوری‌ سەرێكانی‌”.

هەر لە ڕاگەیەندراوەكەی (هەسەدە)دا هاتووە”پێشنیوەڕۆی‌ دوێنێ هەینی‌ سوپای‌ توركیا بە تانك و تۆپ، هێرشیكردە سەر گوندەكانی (خربەت فارس، شەڕگراك، زەنووبا، مەسعودیە، دبس، خربەت كەریم، قزعەلی، كەفیفا و وەبدێ) سەر بە شارۆچكەی‌ عەین عیسا و شەڕڤانان بە تووندی‌ وەڵامیان دانەوە، لە نزیك ڕێگای نێودەوڵەتی M4 سێ ئۆتۆمبێلی سەربازی و تانكێكیان تێكشكاند و بەوهۆیەوە 13 سەرباز و چەكداری میلیشیاكانی‌ سەر بە توركیا كوژران و 19ی‌ تر برینداربوون”.

لە كۆتایی‌ راگەیەندراوەكەشدا هێزەكانی سوریای دیموكرات دەڵێت” لە ئەنجامی بەرخودانی هێزەكانماندا 12 شەڕڤان شەهیدبوون و حەوتی‌ تر برینداربوون.

کوردستان

خەڵك دەقی ڕەشنووسی پڕۆژەیاسای چاكسازی بڵاودەكاتەوە

خەڵك – بەشی هەواڵ

پەڕلەمانی كوردستان ڕایدەگەیەنێت، لەبەر گرنگی پڕۆژەیاساكە و بۆ بەرچاو ڕوونی و ئاگاداربوون لە ناوەڕۆكەكەی، دەقی ڕەشنووسی پڕۆژەیاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە لەهەرێمی كوردستان بڵاودەكاتەوە .

پەڕلەمانی كوردستان لە ڕوونكردنەوەیەكدا، كەوێنەیەكی دەست (خەڵك) كەوتووە ڕایگەیاندووە، لەبەر گرنگیی پڕۆژەیاساكە و بۆ بەرچاو ڕوونی و ئاگاداربوون لە ناوەڕۆكەكەی، دەقی ڕەشنووسی پڕۆژەیاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە لەهەرێمی كوردستان، كە لەلایەن ئەنجوومەنی وەزیرانی هەرێمەوە پەسەندكراو ئەمڕۆ پێنجشەمە بەمەبەستی گفتوگۆو پەسەندكردنی ڕەوانەی پەڕلەمان كرا بڵاودەكەیەنەوە.

ئەمە لەكاتێكدایە ، ڕۆژی دووشەممە 16-12-2019 خوێندنەوەی یەكەمی پڕۆژەیاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكەبكات بەپێی حوكمی بڕگەی (چوارەم)ی مادەی (80)و مادەی (81)و بڕگەی (یەكەم)ی مادەی (83) لە پەیڕەوی ناوخۆی پەڕلەمانی كوردستان.

دەقی پڕۆژە یاساكە :

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

وێنەی ‏‎Hividar Ahmed‎‏.

بەردەوام بە لە خوێندنەوە

کوردستان

پەڕلەمان بەرنامەی كاری دانیشتنی هەفتەی داهاتووی بڵاوكردەوە

خەڵك – بەشی هەواڵ
پەڕلەمانی كوردستان ڕایدەگەیەنێت، ڕۆژی دووشەممەی هەفتەی داهاتوو پەڕلەمان كۆدەبێتەوە خوێندنەوەی یەكەمی پڕۆژەیاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە تەوەری سەرەكی دانیشتنەكە دەبێت.

دەستەی سەرۆكایەتیی پەڕلەمان بڕیاریدا بەرنامەی كاری دانیشتنی ژمارە (10)ی ئاسایی ساڵی یەكەم لە خولــی پێنجەمی هەڵبژاردنی پەرلەمان لە كات (11)ی پێشنیوەرۆی ڕۆژی دووشەمە رێكەوتی 2019/12/16 بەمشێوەیە بێت.

بەرنامەی كار
یەكەم: خوێندنەوەی یەكەمی پڕۆژەیاسای (چاكسازی لە خانەنشینی و مووچە و دەرماڵە و بەخشین و ئیمتیازاتەكانی تر) بەپێی حوكمی بڕگەی (چوارەم)ی مادەی (80)و مادەی (81)و بڕگەی (یەكەم)ی مادەی (83) لە پەیڕەوی ناوخۆی پەرلەمانی كوردستان.

دووەم: دەنگدان لەسەر پێشنیازەیاسای (رێكلامی بازرگانی لە هەرێمی كوردستان-عێراق) بەپێی حوكمی مادەكانی (90 و 91 و 93 و 96 و 97) لە پەیڕەوی ناوخۆی پەرلەمانی كوردستان.
سێیەم: خوێندنەوەی دووەمی پڕۆژەیاسای (مادەهۆشبەرەكان و كارتێكارە عەقڵییەكان لە هەرێمی كوردستان-عێراق) بەپێی حوكمی مادەكانی (87 و 88 و 89) لە پەیڕەوی ناوخۆی پەرلەمانی كوردستان.

وێنەی ‏پەرلەمانی کوردستان  Krd-Parliament‏.

بەردەوام بە لە خوێندنەوە

کوردستان

خەڵك – بەشی هەواڵ
بەڕێوەبەرایەتی هاتووچۆی گەرمیان ڕایدەگەیەنێت، لەسەر ڕێگای كەلار ڕزگاری بەهۆی ڕووداوێكەوە كەسێك بریندار بوو، دەشڵێت،”بەپێ ی لێكۆڵینەوە سەرەتاییەكان ڕووداوەكە بەهۆی خێرایی زیادەوە بووە”.

بەڕێوەبەرایەتی هاتووچۆی گەرمیان لە ڕاگەیەنراوێكدا، كە وێنەیەكی بۆ (خەڵك) نێردراوە ڕایگەیاندووە، ئێوارەی ئەمڕۆ پێنجشەممە 12-12-2019 لە سەر ڕێگای كەلار ڕزگاری بەهۆی ڕووداوێكەوە كەسێك برینداربوو، بەمەبەستی چارەسەر ڕەوانەی نەخۆشخانەكرا.

ڕاشیگەیاندووە، ڕووداوەكە لە نێوان دوو ئۆتۆمبێل لە جۆرەكانی مان فلات و سانگیۆنگ ستەیشن بووە، كە بریندارەكە شۆفێری سانگیۆنك ستەیشن بووە، بەپێی لێكۆڵینەوە سەرەتاییەكان ڕووداوەكە بەهۆی خێرایی زیادەوە بووە.

ئاماژەبۆ ئەوەشكراوە ، مەفرەزەكانی هاتووچۆ بە زووی گەشتنە سەر ڕووداوەكە لێكۆكینەوە لەچۆنیەتی ڕوودانی ڕووداوەكە دەستی پێكردووە.

وێنەی ‏بەڕێوەبەرایەتى هاتوچۆى گەرمیان‏.وێنەی ‏بەڕێوەبەرایەتى هاتوچۆى گەرمیان‏.

بەردەوام بە لە خوێندنەوە

کوردستان