ئێمە لە تۆرە کۆمەڵایەتیەکان

عێراق

هاوپەیمانییەكەی عامری پشتیوانی دەكات
لێپرسینەوە لە گەندەڵكارانی دوای 2003 دەكرێت


خەڵك- بەشی هەواڵ
هاوپەیمانی فەتح كە لەلایەن هادی عامرییەوە سەركردایەتی دەكرێت، پشتیوانی خۆی بۆ دادوەریی دەردەبڕێت بۆ لێپرسینەوە لە هەموو گەندەڵكاران لە ساڵی 2003، پشتیوانی خۆشی بۆ حكومەت دەخاتەڕوو بۆ ئەنجامدانی هەموارە دەستورییەكان لە هەموو دۆسێكان.

ئەحمەد ئەسەدی، وتەبێژی هاوپەیمانی فەتح لە بەیاننامەیەكدا ڕایگەیاندووە”پشتیوانی لە حكومەت دەكەین بۆ دەستكردن بە ئەنجامدانی هەموارە دەستورییەكان لە هەموو دۆسێكاندا”.

ئەسەدی پشتیوانی هاوپەیمانییەكەشی بۆ پەسەندكردنی یاساكانی بیمەى تەندروستی و دابەشكردنی زەوی بەسەر هاووڵاتیاندا دەربڕیوە، پشتگیری هاوپەیمانییەكەشی بۆ دادوەریی خستووەڕوو لەپێناو لێپرسینەوە لە هەموو گەندەڵكارانە لە 2003وە.

هەر لە بەیاننامەكەدا هاتووە”هاوپەیمانی فەتح پشتیوانی لە دەزكا ئەمنییەكان و خۆپیشاندەرانی ئاشتیخواز دەكات و ڕۆڵی مەرجەعیەتی ئایینش بەرزدەنرخێنێت لەو ڕێنماییانەی دەریان دەكات.

لە سەرەتای مانگی تشرینی یەكەمی ڕابردوو ، تەوژمی خۆپیشاندان بەغدا و شارەكانی ناوەڕاست و باشووری عیراقی گرتۆتەوە، خۆپیشاندەران داوای چاكسازی و باشتركردنی ئاستی خزمەتگوزاری و بەگژداچوونەوەی گەندەڵی و دابینكردنی هەلی كار دەكەن، بەهۆی دروستبوونی پێكداهەڵپژانیش لەنێوان خۆپیشاندەران و هێزە ئەمنییەكان، تا ئێستا زیاتر لە 250 كەس كوژران و هەزارانی تریش برینداربوون.

عێراق

كاتی دەنگدان بە تەواوكردنی كابینەی حكومەتەكەی كازمی دەستنیشان كرا


خەڵك – بەشی هەواڵ
چاوەڕوان دەكرێت بەمنزیكانە كاندیدەكانی وەزارەتە بەتاڵەكانی كابینەی حكومەتەكەی مستەفا كازمی یەكلا بكرێنەوە بۆ ئەوەی لە پەڕلەمانی عیراقدا دەنگیان لەسەر بدرێت.

شاكر حامید ڕاوێژكاری سەرۆكایەتی پەڕلەمانی عیراق بە ڕۆژنامەی “سەباح”ی ڕاگەیاند پەڕلەمان ئاگادار كراوەتەوە كە لە تەواوكردنی ناوی كاندیدی وەزارەتە بەتاڵەكان.

لەو بڕوایەشدابوو كە لە ماوەی دوو ڕۆژی داهاتوودا ناو و سی ڤی كاندیدەكانی بگەنە پەڕلەمان و هەفتەی داهاتووش دانیشتنی دەنگدان و متمانەبەخشین بە كاندیدەكان بەڕێوەبچێت.

تا ئێستا كاندیدی ژمارەیەك وەزارەت و لە نێوییشیاندا وەزارەتی دەرەوە و داد كە پشكی كوردن یەكلانەكراونەتەوە.

بەردەوام بە لە خوێندنەوە

عێراق

سەرۆك كۆماری عیراق: هەوڵە گرنگەكانی سوپای سپی بەرز دەنرخێنم


خەڵك – بەشی هەواڵ

د. بەرهەم ساڵح سەرۆك كۆماری عیراق ئێوارەی ئەمڕۆ سێ شەممە 2-6-2020 لە شاری بەغدا پێشوازیكرد لە حەسەن محەمەد تەمیمی وەزیری تەندروستی و ژینگە.

لە میانی دیدارەكەدا تاوتوێی پێشهاتەكانی دۆخی تەندروستی وڵات و رێكارەكانی چۆنیەتی خۆپارێزی لە ڕووبەڕووبوونەوەی ڤایرۆسی كۆرۆنا و ڕێگرتن لە بڵاوبوونەوەی كرا.

هەر لە دیدارەكەدا سەرۆك كۆمار ئاماژەیكرد بەگرنگی ڕەچاوكردنی میكانیزمێكی گونجاو بۆ بڵاوكردنەوەی هۆشیاری لەلای هاونیشتمانیان و ناساندنی ڕێنماییە پێویستەكان بۆ خۆدوورخستنەوە لە تووشبوون بە ڤایرۆسی كۆرۆنا، هەروەها دووپاتی لە پێویستی هاریكاری لە نێوان هاووڵاتیان و هێزە ئەمنییەكان و تیمەكانی تەندروستی كردەوە لە پابەندبوون بە ڕێنماییەكانی قەدەغەی هاتوچۆ و خۆبەدورگرتن لە كاریگەرییەكانی پەتاكە.

ھاوكات سەرۆك كۆمار، هەوڵە گرنگەكانی سوپای سپی، وەك هێڵی یەكەمی بەرگری لە بەگژداچوونەوەی كۆرۆنادا بەرزنرخاند.

لەبەشێكی تری دیدارەكەدا، باس لە چۆنیەتی دابینكردنی خزمەتگوزارییەكان و باشتركردنی دۆخی ژینگە لە عیراقدا كرا.

لەلای خۆیەوە وەزیری تەندروستی و ژینگە، ڕوونكردنەوەیەكەی دوور و درێژی لە بارەی هەوڵەكانی وەزارەت و كارمەندانی تەندروستی و تیمە تەندروستییەكانی لە بەگژداچوونەوەی ڤایرۆسەكە و كەمكردنەوەی كاریگەرییەكان و پاراستنی سەلامەتی هەمووانی پێشكەش بە سەرۆك كۆمار كرد.

بەردەوام بە لە خوێندنەوە

عێراق

ڕێگەنادات فەرمانبەران زەرەرمەندبن
مستەفا كازمی: دوو موچە و بندیوار ناهێڵین


خەڵك- بەشی هەواڵ
سەرۆك وەزیرانی عیراق ئاماژە بە نەهێشتنی دوو مووچە و بندیوار و كەمكردنەوەی خەرجییەكان دەكات، ڕەتیشیدەكاتەوە ڕێگە بدات فەرمانبەران و خانەنشینان و مووچەخۆرانی چاودێری كۆمەڵایەتی زیانیان پێبگات.

بەپێی تویتێك كە لەلایەن مستەفا كازمی سەرۆك وەزیرانی عیراقەوە بڵاوكرایەوە”ڕێگەنادەن ڕێگەچارەكانی قەیرانی دارایی لەسەر حیسابی مافی فەرمانبەران و خانەنشیان و مووچەخۆرانی چاودێری كۆمەڵایەتی بن”.

بە وتەی كازمی”ڕێگەنادەن چارەسەری قەیرانی دارایی لەسەر حیسابی ئەوانە بێت كە داهاتیان سنوردارە”.

سەرۆك وەزیرانی عیراق دەڵێت”بڕیارەكەی ئەوان، بۆ كەمكردنەوەی مووچەی سێ‌ سەرۆكایەتییەكە و پلە تایبەتەكان و  بەرپرسە باڵاكان و ڕاگرتنی دوو مووچەیی و مووچەی بندیوار و كەمكردنەوەی خەرجییەكانی حكومەمەتە”، جەختیشی لەسەر تێپەڕاندنی ئەو قەیرانە لەگەڵ عیراقییەكاندا كردۆتەوە.

پێشتر ئەحمەدی حاجی ڕەشید، ئەندامی لیژنەی دارایی لە پەرلەمانی عیراق، لە لێدوانێكیدا بۆ (خەڵك) ڕایگەیاند”پرۆژەیەك لەلایەن ئەنجومەنی وەزیرانی عیراقەوە ئامادەكراوە كە لێوەی تەواوی دەرماڵەكان كەمدەكرێنەوە”.

بە وتەی ئەحمەدی حاجی ڕەشید:”لەڕێی ئەم پرۆژەیەوە كە لەلایەن ئەنجومەنی وەزیرانی عیراقەوە ئامادەكراوە، كەمكردنەوەی مووچە هەموو فەرمانبەرانی عیراق دەگرێتەوە، جگە لەوانەی مووچەكانیان كەمترە لە 500 هەزار دینار”.

 

بەردەوام بە لە خوێندنەوە

کوردستان