ئێمە لە تۆرە کۆمەڵایەتیەکان

کوردستان

“دەسەڵاتدارانی عیراق و كورد لە بەغدا و لە هەرێم داهاتێكی زۆر بە فیڕۆ دەدەن”

خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، لە عیراق و هەرێمی كوردستان لەلایەن كاربەدەستانەوە داهاتێكی زۆر بەهەدەر دەدرێت.

خۆپیشاندانەكانی عیراق بەردەوامی هەیە و وێڕای وتارە یەكلەدوایەكەكانی سەرۆك وەزیران و كۆبوونەوەكانی پەڕلەمان بۆ ئەنجامدانی چاكسازی و جێبەجێ كردنی داواكارییەكانیان، بەڵام خۆپیشاندەران سوورن لەسەر داواكاریییەكانیان و داوا دەكەن هەر سێ سەرۆكایەتیەكەی عیراق هەڵوەشێتەوە.

یوسف موحەمەد ئەندامی پەڕلەمانی عیراق بە دەنگی ئەمریكای ڕاگەیاند، ئەم شەپۆلی ناڕەزاییەی عیراقی گرتووەتەوە، هۆكارەكانی دەگەڕێنەوە بۆ دوو بابەتی سەرەكی، یەكەمیان گەندەڵییە كە بووەتە هۆی بە هەدەردانی داهاتی عێراق، بەشێوەیەك لەبری ئەوەی بۆ قازانجی خەڵك و بۆ دۆزینەوەی هەلی كار و بۆ بوژاندنەوەی ژێرخانی ئابووری بەكاربێت، لەلایەن دەسەڵاتدارانی عیراقەوە و هەندێك لە كاربەدەستانی كوردیشەوە چ لە بەغدا و چ لە هەرێمی كوردستانیشدا ئەم داهاتانە بە فیڕۆ دەدرێن.

وتیشی”هۆكارەكەی تریش، دەگەڕێتەوە بۆ ئەو فێڵ و تەڵەكە بەردەوامانەی كە لە هەڵبژاردنەكانی عیراقدا دەكرێن و بە تایبەتیش ئەوەی لە دوا هەڵبژاردنی ئەنجومەنی نوێنەرانی عیراقدا كرا و كۆی پڕۆسەی سیاسی عیراقی خستە ژێر پرسیارێكی گەورەوە”.

ئاماژەی بۆ ئەوەش كرد، كارنامەی هەرێمی و نێودەوڵەتی لە عیراقدا هەمیشە ئامادەیی هەبووە و هەندێك كارنامەی ناوخۆییش بەردەوام ئامادەییان هەیە بۆ یەكلاییكردنەوەی ململانێ ناوخۆیی و تەنانەت هەرێمایەتیەكانیش.

ئاشكراشیكرد، پێویستە كار بكرێت بۆ گەڕاندنەوەی ئەو پارە بە هەدەردراوانەی لە عیراقدا براونەتە دەرەوە لەلایەن دەسەڵاتدارانی عیراق و بەشێك لە دەسەڵاتدارانی هەرێمی كوردستانەوە، ئەمەش پێویستی بە هەمواركردنەوەی یاسای گەڕاندنەوەی ئەو پارانە هەیە تا ئەژمارە بانكیەكانی كاربەدەستانی عیراق و هەرێمی كوردستان لە بانكە بیانییەكاندا ئاشكرا بكرێن.

ئاماژەی بۆ ئەوەش كرد، لە پەڕلەمان دەستكراوە بە كاركردن لەسەر هەوڵی گەڕانەوەی پارەی كاربەدەستان و ژمارەیەك هەوڵی تریش.

کوردستان

خواردەمەنی میللەت لە سلێمانی داخرا

خەڵك- بەشی هەواڵ

بەهۆی پابەندنەبون بەمەرج و ڕێنماییەكانی كاركردن، لیژنە هاوبەشەكانی قائیمقامیەتی سلێمانی خواردنگەیەكیان داخست.

قائیمقامیەتی سلێمانی لە ڕاگەیەندراوێكدا نوسیویەتی”لەلایەن لیژنەی سێی سەربەلیژنە هاوبەشەكانی قائیمقامیەتی سلێمانی و بەهۆی پابەند نەبونی بەمەرج و رێنماییەكانی كاركردن بەگشتی و تەندروستی و ڤێتێرنەری بەتایبەتی، خواردەمەنی میللەت لە گەڕەكی هوانەی شاری سلێمانی دادەخرێت.”

لەراپۆرتی لیژنەكەدا هاتوە؛ خواردەنی میللەت پابەندی مەرجەكانی تەندروستی و ڤێتێرنەری نەبوە، ئەمەش یەكێكە لەو سەرپێچیانەی شوێنەكە و خاوەنەكەی روبەوری رێكارە یاساییەكان دەكاتەوە.

هەروەها؛ مۆڵەتی كاركردنی لەلایەنە پەیوەندیدارەكان وەرنەگرتوە، نەبونی مۆڵەتی كار شوێنەكە روبەروی داخستن دەكاتەوە تائەو كاتەی مۆڵەت وەردەگرێت، بۆیە بەفەرمانی قائیمقامی سلێمانی خواردەمەنی میللەت دادەخرێت تا پابەندی سەرجەم مەرجەكانی كاركردن دەبێت.

بەردەوام بە لە خوێندنەوە

کوردستان

جڤاتی نیشتمانی، بزووتنەوەی گۆڕان ڕێكدەخاتەوە

 

خەڵك-بەشی هەواڵ

جڤاتی نیشتمانی بزووتنەوەی گۆڕان لە كۆبوونەوەدایە و تاوتوێ چەند پرسێكی نێوخۆیی و دەرەكی دەكات.

میدیای فەڕمی گۆڕان بڵاویكردەوە، كۆبوونەوەكە هەڵسەنگاندن بۆ بەشداریكردنی گۆڕان لە حكومەت و پڕۆسەی چاكسازی و دواین گۆڕانكاری دەكرێت.

ئاشكراشیكرد، كۆبوونەوەكە دۆخی ناوخۆی بزووتنەوەكە و هەنگاوەكانی خۆڕێكخستنەوەشی تاوتوێ دەكات.

س.ع

بەردەوام بە لە خوێندنەوە

کوردستان

بەرپرسێكی باڵای یەكێتی كۆچی دوایی كرد

خەڵك-بەشی هەواڵ

بەرپرسێكی باڵای یەكێتی نیشتمانی كوردستان كۆچی دوایی كرد.

میدیای فەڕمی یەكێتی بڵاویكردەوە، سەرلەبەیانی ئەمڕۆ شەممە 18-1-2020، ئەحمەد زاگە لێپرسراوی كۆمیتەی گوێری یەكێتی نیشتمانی كوردستان لەكاتی خەودا لەماڵەكەی خۆی گیانی لەدەستدا.

ئاشكراشیدەكات، لەلایەن كەسوكارەكەیەوە گەیەنراوەتە نەخۆشخانە و دواتر ڕەوانەی پزیشكی دادوەری كراوە، بەپێی راپۆڕتی پزیشكی دادوەریش هۆكاری مردنەكەی جەڵدە بووە”.
س.ع

بەردەوام بە لە خوێندنەوە

کوردستان