ئێمە لە تۆرە کۆمەڵایەتیەکان

ئابوری

بڕیار لەبارەی پشووی سبەینێی فەرمانبەران درا

خەڵك- بەشی هەواڵ
دوابەدوای ئەوەی وتەبێژی وەزارەتی ئەوقافی هەرێم ڕایگەیاند، كە ڕۆژی لەدایكبوونی پێغەمبەری ئیسلام محەمەد (د.خ) دەكەوێتە ڕۆژی شەممە، وتەبێژی فەرمی حكومەتی هەرێم ڕایگەیاند، كە تەنها ڕۆژی شەممە پشووە.

نەبەز ئیسماعیل، وتەبێژی فەرمی وەزارەتی ئەوقافی هەرێم بۆ (خەڵك) ڕایگەیاند، كە ڕۆژی شەممەی داهاتوو دەكاتە 12ی (ربیع اڵاول)، كە ڕۆژی یادی لەدایكبوونی پێغەمبەری ئیسیمی (د.خ).

وتیشی، “ئێمە ڕۆژەكە بۆ حكومەتی هەرێم دیاری دەكەینِیار لەسەر ڕۆژی پشوو دەدەن”.

لای خۆشیەوە، جوتیار عادل، وتەبێژی فەرمی حكومەتی هەرێمی كوردستان ئاشكرای كرد، “پشووی یادی لە دایكبوونی پێغەمبەر (د.خ) ڕۆژی شەممەیە و بەوهۆیەوە شەممە دەكرێتە پشوو.

جەختیشی كردەوە، كە ڕۆژی یەك شەممە دوامی دامودەزگاكانی حكومەت ئاساییە‌ و پشوو نییە.

بەپێی خشتەی پشووە فەرمیەكانی حكومەتی هەرێم، كە لە پەڕلەمانی كوردستان پەسەند كراوە هەموو ساڵێك ڕۆژی لەدایكبوونی پێغەمبەری ئیسلام (د.خ) دەكرێتە پشووی فەرمی، بەڵام لە عیراق بەهۆی بڕیاری سیستانی-یەوە ڕۆژی یەك شەممە دەكاتە 12ی (ربیع اڵاول) و پشووی فەرمیە.

دیاری كردنی ڕۆژی شەممە وەك پشوو لە هەرێمی كوردستان تەنها خوێندنگەكان و نەخۆشخانە و بنكە تەندروستییەكان دەگرێتەوە، چونكە دامەزراوەكانی دیكە دەوامیان نییە.

ئابوری

لە هەولێر وێستگەی كارەبای هەڵمیی خەبات دەخرێتەگەڕ

خەڵك – بەشی هەواڵ
بڕیارە ئەمڕۆ سێ شەممە، وێستگەی کارەبای هەڵمیی خەبات لە هەولێر بخرێتەگەڕ.

پێشنیوەڕۆی ئەمڕۆ بە ئامادەبوونی مەسرور بارزانی سەرۆکی حکومەتی هەرێمی کوردستان و قوباد تاڵەبانی جێگری سەرۆکی حکومەت، ڕێوڕەسمی بەگەڕخستنی وێستگەی کارەبای هەڵمی خەبات بەڕێوەدەچێت.

پێشتر تیمێکی کۆریای باشوور بۆ بەگەڕخستنی وێستگەی کارەبای هەڵمی خەبات سەردانی هەولێریان كرد و بە دوو قۆناغ کاریان لەسەر وێستگەکە کردبوو. ئەمەش دوای ئەوەی 40 ملیۆن دۆلار بۆ بەگەڕخستنی وێستگەکە تەرخانکرا.

وەزارەتی کارەبا ئاماژەی بەوەکردووە، بە تەواوکردنی کارەکانی وێستگەکە، بڕی 150 مێگاوات کارەبا بۆ هەرێمی کوردستان زیاد دەبێت، کە ئەمەش سوودی بۆ زیادکردنی کاتژمێرەکانی کارەبای نیشتمانی لەم وەرزە گەرمەدا دەبێت.

بەردەوام بە لە خوێندنەوە

ئابوری

“هاوسەنگی بۆ بازاڕی نەوت دەگەڕێتەوە”

خەڵك – بەشی هەواڵ

ئەمینداری گشتیی ڕێكخراوی وڵاتانی هەناردەی نەوت (ئۆپیك) ڕایدەگەیەنێت: هاوسەنگی بۆ بازاڕی نەوت دەگەڕێتەوە.

محەمەد باركیندۆ ئەمینداری گشتیی ڕێكخراوی وڵاتانی هەناردەی نەوت (ئۆپیك) ئەمڕۆ دووشەممە ڕایگەیاند: بازاڕی نەوت بەهۆی بەرزبوونەوەی داخوازی لەسەری لەهاوسەنگی نزیك دەبێتەوە.

ئەمینداری گشتیی ئۆپیك ڕاشیگەیاند: ئەوەی یارمەتیدەرە لە نزیكبوونەوە و هێنانەدی هاوسەنگی بازاڕ، ئاڕاستەكانی داخوازی و خستنەڕووە.

هاوكات وڵاتانی جیهان هەنگاو بەرەو ئەوە دەنێن ڕێكارەكانی داخستنی سنوورەكان و گەشتە ئاسمانییەكان سووك بكەن، وێڕای ئەوەی وڵاتانی ئۆپیك پڵەس بڕیاری ئەوەیان دابوو ئاستی بەرهەمهێنانی نەوت تا ئاستێكی باش كەم بكەنەوە و پاڵپشتیی لە بازاڕی نەوت بكەن.

بەردەوام بە لە خوێندنەوە

ئابوری

كێڵگەپەلەوەرییەكان داوادەكەن حكومەت تەنها پشت بە نەوت نەبەسێت

خەڵك – بەشی هەواڵ
جێگری سەرۆكی كۆمەڵەی كێڵگە پەلەوەرییەكان ڕایدەگەیەنێت ، حكومەتی هەرێم تا ئێستا بە تەنها پشت بە نەوت دەبەستێت لە كاتێكدا نەوتیش ئەو بەهایەی نەماوە ، دەكرێت لە چەندین سەرچاوەی دیكەوە داهاتی دەستكەوێت و لە نەوت باشتر بێت.

نازم عەبدووڵا، جێگری سەرۆكی كۆمەڵەی كێڵگە پەلەوەرییەكان بە (خەڵك) ڕایگەیاند، ئێمە وەك كێڵگە پەلەوەرییەكان گەرحكومەت ساڵانە ڤاكسینی كوتانی دژی نەخۆشی مریشك هاوردە بكات و خۆی بیفرۆشێتەوە بە خاوەن كێڵگە پەلەورییەكان داهاتێكی باش دەبێت بۆ حكومەت و خاوەن كێڵگە پەلەوەرییەكانیش یەكجۆر ڤاكسین بەكار دەهێنن و دڵنیا دەبن لەجۆری دەرمانەكان.

ڕاشیگەیاند ، حكومەت و وەزارەتی دارایی و بازرگانی و پیشەسازی پشتیوانی لە بڕیارەكانی وەزارەتی كشتوكاڵ بكەن و بۆ ڕێگری لە بڕیاری هاوردەكردنی بەرهەمەی دەرەكی بە تایبەت مریشك بەستوو، ئەوە بۆ هەردوولا سوودی دەبێت.

بەپێی ئاماری كۆمەڵەی كێڵگە پەلەوەرییەكان لەم وەرزەدا لە تەواوی هەرێمی كوردستاندا زیاتر لە چوار ملێۆن و ٥٠٠ هەزار مریشك مرداربوونەتەوە، كە زیانی زۆری بە خاوەن كێڵگەكان هەیاندووە.

بەردەوام بە لە خوێندنەوە

کوردستان