ئێمە لە تۆرە کۆمەڵایەتیەکان

عێراق

سبەینێ‌ پەڕلەمانی عیراق یاسایەكی گرنگ بۆ فەرمانبەران دەردەكات


خەڵك- بەشی هەواڵ
پەڕلەمانتارێكی ڕەوتی حیكمەی نیشتمانی ڕایدەگەیەنێت، كە سبەینێ‌ پەڕلەمان كۆدەبێتەوە و پێش كۆبوونەوەكەش كوتلە سیاسیەكان كۆدەبنەوە و دەشڵێت: “سەرۆك وەزیران بەنیاز نیە بێتە پەڕلەمان”.

ئەسعەد مورشیدی، ئەندامی پەڕلەمانی عیراق بە ئاژانسی (المعلومە)ی ڕاگەیاندووە، كە سبەینێ‌ شەممە پەڕلەمانی عیراق كۆدەبێتەوە و كۆبوونەوەكە تەرخان دەكرێت بۆ دەنگدان لەسەر هەمواری یاسای خانەنشینی و گفتوگۆی لیژنەی هەمواری دەستوور.

ڕاشیگەیاندووە، بڕواناكەم عادل عەبدولمەهدی، سەرۆك وەزیران بێتە كۆبوونەوەی پەڕلەمان.

ئاماژەی بەوەشكردووە، گفتوگۆی سیاسی لەسەر ئاشتی گۆڕەپانی عیراقی هەیە لەپێناو ڕاگەیاندنی گفتوگۆیەكی نیشتمانی گشتگیر بۆ وەستانەوە بەرەوڕووی ئەو ئاڵنگاریانەی بوونەتە هۆی خۆپیشاندانەكان و گفتوگكانی حكومەت دەربارەی كابینە وزاریەكە بەو مەرجەی وەڵامدەرەوەی گەل بێت و چاكسازی ڕاستەقینە بكات بۆ گێڕانەوەی متمانەی خەڵك بە حكومەت و سیاسیەكان.

ئاشكراشی كردووە، كە بۆ كۆبوونەوەی سبەینێی پەڕلەمان، بڕیارە پێشتر گفتوگۆ لەنێوان كوتلە سیاسیەكان ئەنجام بدرێت سەبارەت بە دۆخی ئێستای وڵات و شێوازی گێڕانەوەی متمانەی خەڵك بە حكومەت، ئەمە سەرەڕای ئەوەی گفتوگۆی بەردەوام هەیە لەنێوان سەركردە سیاسیەكان بۆ دەرچوون لەم قەیرانە.

عێراق

مەسعود بارزانی بەفەرمی پشتگیری لە مستەفا كازمی دەكات


خەڵك – بەشی هەواڵ
سەرۆكی پارتی دیموكراتی كوردستان لە پەیوەندییەكی تەلەفۆنیدا پشتگیریی خۆی بۆ مستەفا كازمی ، سەرۆكوەزیرانی ڕاسپێردراوی حكوومەتی عیراق ڕاگەیاند، كە ئەمڕۆ لە لایەن سەرۆككۆمارەوە بۆ ئەو پۆستە ڕاسپێردرا .

ماڵپەڕی مەسعود بارزانی، سەرۆكی پارتی دیموكراتی كوردستان لە ڕاگەیەنراوێكدا بڵاویكردووە ، ئەمڕۆ پێنجشەممە 9ی نیسانی 2020 بارزانی لەڕێی تەلەفۆنەوە پەیوەندی بە مستەفا كازمی، سەرۆكوەزیرانی ڕاسپێردراوی حكوومەتی عیراق كرد.

ڕاشیگەیاندووە، لەو پەیوەندییە تەلەفۆنییەدا مەسعود بارزانی، پشتگیریی خۆی بۆ ڕاسپاردنی مستەفا كازمی، بۆ سەرۆكایەتیی حكوومەتی عیراق ڕاگەیاند و هیوای سەركەوتنی بۆ خواست.

لە ڕاگەیەنراوەكەداهاتووە، مەسعود بارزانی هیوای خواست، كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عیراق و دەروازەیەكیش بێت بۆ چارەسەربوونی كێشە و قەیرانەكانی عیراق.

بەردەوام بە لە خوێندنەوە

عێراق

كەركوك، دوو داعش دەستگیركران


خەڵك- بەشی هەواڵ
بەڕێوەبەرایەتی هەواڵگری سەربازی عیراق، دەستگیركردنی دوو چەكداری ڕێكخراوی داعش لە پارێزگەی كەركوك ڕادەگەیەنێت.

ئەمڕۆ پێنج شەممە، بەڕێوەبەرایەتی هەواڵگری سەربازی عیراق لە بەیاننامەیەكدا ڕایگەیاند”پاڵەوانانی لیوای تایبەتی 61ی فەوجی تایبەت، توانیان لە بۆسەیەكدا دوو تۆمەتبار بە ماددەی 4ی تیرۆر لە كەركوك دەستگیربكەن”.

هەر لە بەیاننامەكەدا هاتووە”دەستگیركراوەكان چەكداری ڕێكخراوی داعش بوون و لەوانەن كە لەلایەن دادوەرییەوە بەپێی ماددەی 4ی تیرۆر داواكراون”.

لەم ماوەیەی دواییدا شانە نوستووەكان ڕێكخراوی داعش سەرقاڵی خۆڕێكخستنەوەن، دەستپێكردنەوەی چالاكی و جموجۆڵەكانیانیشیان لە چەند ناوچەیەكی وەك باشووری كەركوك و سنورەكانی نێوان سەڵاحەدین و دیالە و ناوچەكانی خۆرئاوای پارێزگەی ئەنبار و چەند ناوچەیەكی تر، بەڕوونی دەردەكەوێت.

 

بەردەوام بە لە خوێندنەوە

عێراق

8 حاڵەتی توشبوونی نوێ‌ بە كۆرۆنا لە پارێزگەیەكی عیراقیدا تۆماركرا


خەڵك- بەشی هەواڵ
بەڕێوەبەرایەتی تەندروستی پارێزگەی بەسرە، تۆماركردنی 8 حاڵەتی توشبوونی نوێ‌ بە ڤایرۆسی كۆرۆنا لە پارێزگەكەدا ڕادەگەیەنێت.

ئەمڕۆ پێنج شەممە، بەڕێوەبەرایەتی تەندروستی پارێزگەی بەسرە لە بەیاننامەیەكدا ڕایگەیاند”8 حاڵەتی توشبوونی نوێ‌ بە ڤایرۆسی كۆرۆنا و 6 حاڵەتی چاكبوونەوە تۆماركراون”.

هەر لە بەیاننامەكەدا هاتووە”كۆی گشتی حاڵەتەكانی توشبوون بە ڤایرۆسی كۆرۆنا لە بەسرە گەیشتۆتە 160 حاڵەت، لەو نێوەندەشدا 15 كەس گیانیانلەدەستداوە و 63 كەسیش چاكبوونەتەوە و 82 كەسی تر تائێستا لەنەخۆشخانە و لەژێر چاودێری تەندروستیدان”.

پارێزگەی بەسرە لەڕووی ژمارەی تووشبوان بە ڤایرۆسی كۆرۆنا لە پلەی دووەمدایە لەپاش نەجەف كە زۆرترین ژمارەی توبوونی بە ڤایرۆسەكە لەسەر ئاستی عیراق تۆماركردووە.

بەردەوام بە لە خوێندنەوە

کوردستان