ئێمە لە تۆرە کۆمەڵایەتیەکان

کوردستان

بەوێنە و ڤیدیۆ؛ زرێپۆشێكی توركیا هاووڵاتیەكی كورد دەكات بەژێرەوە


خەڵك- بەشی هەواڵ

وتەبێژی هێزەكانی سوریای دیموكرات ئاشكرای دەكات، كە سوپای توركیا هێرش دەكاتە سەر هاووڵاتیانى مەدەنی لە دێرك و دەشڵێت: “زرێپۆشێك هاووڵاتییەك دەشێلێت”.

مستەفا بالی، وتەبێژی هەسەدە لە تویتەری خۆی ئاماژەی بەوەكردووە، لەكاتی خۆپیشاندانی هاووڵاتیان لە مالكیە (دێرك) دژی دەوریەیەكی سوپای توركیا، ئەو هێزە بە غازی فرمێسكڕێژ هێرش دەكاتە سەر هاووڵاتیانی مەدەنی و بەهۆیەوە 10 كەس بریندار دەبن.

ڕاشیگەیاندووە، كە زرێپۆشێكی سوپای توركیا بەسەر هاووڵاتیەكی مەدەنیدا دەڕوات و ئەوەش دەردەخات دوژمنكاری توركیا بە گەورەترین شێوە لەژێر چاودێری ڕوسیا بەردەوامە.

مستەفا باڵی ئاشكراشی كردووە، ئەو گەنجەی لە گوندی (تەل جەمال) لەلایەن هێزەكەی توركیا كرا بەژێر زرێپۆشەكەوە ناوی (سەرخەبون)ە.

دەشڵێت: “بەرپرسیارێتی دەخەینە ئەستۆی ڕوسیا، كە پێیان وابوو ناوچەكە زیاتر ئارام دەبێت بەبێ‌ هێزەكانی بەرگری و بە دەوریاتی هاوبەشیان لەگەڵ توركیا، بۆیە ئەوان لەو كوشتنە بەرپرسیارن”.

بەیانی ئەمڕۆ گەشتی هاوبەشی سوپای تورک و روس لەسەر سنووری ڕۆژئاوای کوردستان ئەنجامدرا، کاروانەکە لە گوندی دێرنە ئاخێ، سەر بە ناوچەی گرکێ لەیگێ، سەر بە قامیشلۆ، لەلایەن هاووڵاتیانەوە ئیدانە و بەردباران کرا و کاروانە سەربازییە هاوبەشەکە هاووڵاتییەکیان بەناوی سەرخۆبون عەلی، شەهیدکرد و چەندین هاووڵاتی دیکەشیان بریندارکرد.

کوردستان

وەزارەتی كشتوكاڵ و سەرچاوەكانی ئاو توێكاری بۆ باڵندە مرداربووەكان دەكات


خەڵك – بەشی هەواڵ

دەیان باڵندەی سیقورینگ (قورینگ) لە چیای مامەڕووت لە شارەدێی قەسرێ مردارەوەبوون، وەزیری كشتوكاڵ و سەرچاوەكانی ئاویش ڤێتێرنەری وەزارەتی ڕاسپاردووە سبەینێ‌ لەتاقیگەی ناوەندی ڤێتێرنەری توێكاریان بۆ بكەن.

بێگەرد تاڵەبانی، وەزیری كشتوكاڵ و سەرچاوەكانی ئاو ڕایگەیاند: بەڕێوەبەرایەتی گشتی سامانی ئاژەڵ و ڤێتێرنەری وەزارەتمان ڕاسپاردووە بەدواداچوون و توێكاری بكەن بۆ مرداربوونی دەیان باڵندەی سیقورینگ (قورینگ) لەچیایی مامەڕووت لە شارەدێی قەسرێ.

وەزیری كشتوكاڵ و سەرچاوەكانی ئاو باسی لەوەشكردووە، سبەینێ‌ شەممە 4/4/2020 تیمی پزیشكی ڤێتێرنەری لە ڤێتێرنەری هەولێر بەهاوكاری قائیمقامییەتی شارۆچكەی چۆمان و ڤێتێرنەری چۆمان دەچنە شوێنەكە و دەست دەكەن بە بەدواداچوون، چەند لاشەیەك دەهێنەوە هەولێر لە تاقیگەی ناوەندی ڤێتێرنەری وەزارەتی كشتوكاڵ و سەرچاوەكانی ئاو توێكاریان بۆ ئەنجام دەدەن.

بێگەرد تاڵەبانی، وەزیری كشتوكاڵ و سەرچاوەكانی ئاو ئاماژەی بەوەشكردووە، محەمەد عەبدوڵا، لە ڕێكخراوی وارەمیر بۆ پاراستنی ژینگە سەردانی شوێنەكەی كردووە، دەستخۆشی لێ دەكەین و پێشمان وتوە هەماهەنگی لەگەڵ تیمی وەزارەت بكات بۆ بەدواداچوون لەپێناو گەیشتن بە ئەنجام.

بەردەوام بە لە خوێندنەوە

کوردستان

تەندروستی هەرێم: 4 تووشبووی نوێ‌ بە ڤایرۆسی كۆرۆنا لە شاری هەولێر دەستنیشان كران


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: لە بەردەوامی پشكنینەكان و گەڕان بەدوای گومانلێكراوان، چوار تووشبووی ڤایرۆسی كۆررۆنای نوێ COVID-19 لە شاری ھەولێر دەستنیشانكران.

وەزارەتی تەندروستی هەرێم ڕوونیشیكردووەتەوە، تووشبووەكان ئافرەتێك و سێ منداڵن كە هەموویان بەركەوتەی تووشبووێكی پرسەیەكی ماتەمینی گەڕەكی كارێزانی شاری ھەولێرن.

دەقی ڕاگەیەنراوەكە:

دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان، چوار تووشبووی ڤایرۆسی كۆڕۆنای نوێ COVID-19 لە شاری ھەولێر دەستنیشانكران، ئافرەتێك و سێ منداڵن كە هەموویان بەركەوتەی تووشبووێكی پرسەیەكی ماتەمینی گەرەكی كارێزانی شاری ھەولێرن.

وەزارەتی تەندروستی
3 نیسان 2020

بەردەوام بە لە خوێندنەوە

کوردستان

“ئەگەر لەماڵەكانتان نەمێننەوە، ئەوا لەهەر شارێك چەند هەزار كەسێك دەمرن”


خەڵك – بەشی هەواڵ

وتەبێژی بەڕێوەبەرایەتی گشتی تەندروستی سلێمانی هۆشداری دەدات و دەڵێت: لەپێناو خۆتان و دایك و باوك و مناڵەكانتان پابەندبن و لەماڵەكانتان مەیەنە دەرەوە.

د. یاد نەقشبەندی، وتەبێژی بەڕێوەبەرایەتی گشتی تەندروستی سلێمانی لەپێگەی تایبەتی خۆی لە تۆڕی كۆمەڵایەتی فەیسبووك، نووسیویەتی: دانیشتوانی شاری سلێمانی و دەوروبەری ئەگەر پابەند نەبن بەڕێنماییە تەندروستیيەكان و لەماڵەكانیان بێنە دەرەوە، وەك ئەمەی ئێستا بكەن، هەر گەڕەك و كۆڵانێك چەند كەسێك دەمرن، لەهەر شارۆچكەیەك چەند سەد كەسێك دەمرن، لە هەرشارێك چەند هەزار كەسێك دەمرن.

دەشڵێت” پابەندبوونتان پابەندبوونە بە مانەوە و ژیانتانەوە، پابەند نەبوون هەنگاونانە بەرەو كۆتایی و مردن”.

بەردەوام بە لە خوێندنەوە

کوردستان