ئێمە لە تۆرە کۆمەڵایەتیەکان

کوردستان

هەسەدە سێ‌ هێرشی توركیا و چەكدارە توندڕەوەكان تێكدەشكێنێت


خەڵك- بەشی هەواڵ
هێزەكانی سوریای دیموكرات (هەسەدە) لە سەر ڕێگای M4 و چەند گوندێك لە گرێ‌ سپی و عەین عیسا سێ‌ هێرشی سوپای توركیا و چەكدارە توندڕەوەكان تێكدەشكێنێت و بەهۆیەوە 30 چەكدار دەكوژرێن.

بەپێی هەواڵێكی ئاانسی (هاوار) سوپای توركیا و چەكدارە توندڕەوەكان لە ئێوارەی دوێنێوە هێرشیان بۆ سەر گوندەكانی دبس و دغیلیب لە سنووری شارەدێی عەین عیسا دەستپێكردووە، كە دەكەونە سەر ڕێگای نێودەوڵەتی M4 و هێزەكانی سوریای دیموكرات-یش مافی بەرگری لەخۆكردنیان بەكارهێناوە و توانیویانە هێرشەكە تێكبشكێنن.

بەپێی زانیارییە مەیدانییەكان، لەو هێرشەدا 24 چەكدار كوژراون و ژمارەیەكیش بریندار بوون و هاوكات دەبابەیەكی توركیا تێكشكێنراوە و دەستیش گیراوە بەسەر دانەیەكی دیكەدا و ئۆتۆمبێلێكی هەڵگری دۆشكا و ئۆتۆمبێلێكی جۆری ڤان تێكشكێنراون.

هاوكات سوپای توركیا و چەكدارە توندڕەوەكان هێرشیان كردۆتە سەر گوندی مەسعودیە لە باشووری ڕۆژهەڵاتی گرێ‌ سپی لە سەر ڕێگای M4 و شەڕڤانان توانیان هێرشەكە تێكبشكێنن و لەو هێرشەشدا 6 چەكدار كوژران و 4ی دیكەیان بریندار بوون، هاوكات ئۆتۆمبێلێكی جۆری پیكاب بە چەكدارەكانی ناویەوە تەقێنرایەوە.

وەك ئاژانسەكە بڵاویكردۆتەوە، كە بەرەبەیانی ئەمڕۆ هەینی، سوپای توركیا و چەكدارە توندڕەوەكان هێرشیان كردۆتەوە سەر گوندی مەسعودیە، بەڵام هەسەدە هێرشەكەی تێكشكاندووە و ئۆتۆمبێلێكی گوللە نەبڕی سوپای توركیا تێكشكێنرا.

لای خۆشیەوە، هێزەكانی سوریای دیموكرات لە ڕاگەیەنراوێكدا ئاماری شەهیدەكانی بەرخۆدانی ڕۆژئاوای كوردستانی لە “بەرگری شەرەفمەندانە” بڵاوكردەوە و ڕایگەیاندووە، كە لە شەڕ و پێكدادانەكانی 24 كاتژمێری ڕابردوودا 9 شەڕڤان شەهید بوون.

کوردستان

تەندروستی هەرێم: 6 تووشبووی نوێی ڤایرۆسی كۆرۆنا لە سلێمانی دەستنیشان كران


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: لە بەردەوامی پشكنینەكان و گەڕان بەدوای گومانلێكراوان و تووشبووان، شەش تووشبووی تری ڤایرۆسی كۆرۆنای نوێ COVID-19 لە پارێزگای سلێمانی دەستنیشانكران.

تەندروستی هەرێم ڕوونیشیكردووەتەوە: تووشبووەكان پێنج پیاوی تەمەن ٥١ و ٤٥ و ٤٤ و ٣٩ و ٣٨ ساڵ و ئافرەتێكی تەمەن ٦٣ ساڵن، تەنها یەك لە تووشبووان بەركەوتووی تووشبووانی پێشووە، پێنج تووشبووەكەی تر نیشانەی نەخۆشیان ھەیە و پشكنینیان پۆزەتیڤ دەرچووە، ھەموویان دانیشتووی ناو شاری سلێمانین.

دەقی ڕاگەیەنراوەكە:

دەرەنجامی نوێ …

لە بەردەوامی پشكنینەكان و گەڕان بەدوای گومانلێكراوان و تووشبووان، شەش تووشبووی دیكەی ڤایرۆسی كۆڕۆنای نوێ COVID-19 لە پارێزگای سلێمانی دەستنیشانكران، پێنج پیاو تەمەن ٥١ و ٤٥ و ٤٤ و ٣٩ و ٣٨ ساڵ و ئافرەتێكی تەمەن ٦٣ ساڵ، تەنها یەك لە تووشبووان بەركەوتووی تووشبووانی پێشووە، پێنج تووشبووەكەی تر نیشانەی نەخۆشیان ھەیە و پشكنینیان پۆزەتیڤ دەرچووە، ھەموویان دانیشتووی ناو شاری سلێمانین.

وەزارەتی تەندروستی
٢٩ ئایار ٢٠٢٠

بەردەوام بە لە خوێندنەوە

کوردستان

دوو کەس لەدهۆک خنکان

خەڵک – بەشی هەواڵ

ئێوارەى ئەمڕۆ پۆلیسی پارێزگاى دهۆک خنکانی دوو کەسی لەئاوی جەمبوریدا ڕاگەیاند.

 

پۆلیسی دهۆک لەڕاگەیەندراوێکدا ڕایگەیاند، ئێوارەى ئەمڕۆ گەنجێکی ٢٠ ساڵ لەئاوری جەمبوریدا بەخنکاوی دەرهێنرایەوە و تەرمەکەی ڕەوانەى پزیشکی دادی دهۆک کرا.

 

ئاماژەى بەئەوەشدا، هاوکات منداڵێکی دیکە کەوتۆتە ناو ئەو ئاوەوە و تاکو ئێستا تەرمەکەی نەدۆزراوەتەوە، بۆیە گەڕان بەدوای تەرمەکەیدا بەردەوامە.

بەردەوام بە لە خوێندنەوە

کوردستان

وەزارەتى کشتوکاڵی هەرێم لەسەر سوتاندنی گەنمی جوتیارانی هەرێم هاتەدەنگ


خەڵک – بەشی هەواڵ

وەزارەتی كشتوكاڵ و سەرچاوەكانی ئاو لەڕاگەیەندراوێکدا ڕایدەگەیەنێت، بەداخەوە سەرو ماڵی جوتیاران لە ناوچە كوردستانییەكانی دەرەوەی ئیدارەی هەرێم كەوتۆتە بەر ئاگری ڕق و كینە، سوتاندنی گەنمی جوتیاران لە مەخمورەوە بۆ خانەقین بە پڕۆسەیەكی بەرنامە بۆ داڕێژراو دەزانن، كە ساڵانە چەندبارە دەبێتەوەو ڕەنجی ئەو ساڵەیان بە هەدەر دەدرێت.

 

ئەوەش خراوەتەڕوو، پێشتریش وەك وەزارەتی كشتوكاڵ و سەرچاوەكانی ئاو داوایان لە وەزارەتی پێشمەرگە كردبوو سەرو ماڵی جوتیاران لەناوچە كوردستانییەكانی دەرەوەی ئیدارەی هەرێم بپارێزن بەپێی گونجاوی شوێنەکان، بەڕێوەبەرایەتیەكانی كشتوكاڵیش داوایان لە یەكە ئیدارییەكانی ئەو ناوچانە كردووە ڕێكاری پێویست بگرنەبەر بۆ پاراستنی گیان و ماڵی جوتیاران.

 

ئەوەش باسکراوە، هەروەها نوێنەری وەزارەت لەگەڵ وەزارەتی كشتوكاڵی حكومەتی فیدراڵ داوای كردووە دەغڵ و دانی جوتیاران لەو ناوچانە بپارێزرێت.

 

ئاماژە بەئەوەشدراوە، لێرەشەوە داوا لە وەزارەتی کشتوکاڵی حکومەتی عێراق و ئیدارەی پارێزگای كەركوك و ناوچە كوردستانییەكانی دەرەوەی ئیدارەی هەرێم دەکەن و بەرپرسیارەتی پاراستنی سەرو ماڵی جوتیارانیان لەو ناوچانە لە ئەستۆدایە، لەگەڵ قەرەبووکردنەوەى زيانەکان.

 

بەردەوام بە لە خوێندنەوە

کوردستان