ئێمە لە تۆرە کۆمەڵایەتیەکان

جیهان

نووسەرێكی تورك: كوژرانی بەغدادی توركیای خستۆتە گێژاوەوە

خەڵك- بەشی هەواڵ
نووسەرێكی تورك لە ڕۆژنامەسەكی سەر بە پارتە ئۆپۆزسیۆنەكان نووسیویەتی، “بە كوژرانی ئەبوبەكر بەغدادی، توركیا كەوتۆتە گێژاوێكی گەورەوە”.

فەهیم تاشتاكین، شارەزای پەیوەندییە دبلۆماسییەكان لە نووسینێكدا لە ڕۆژنامەی (زەمان)ی توركی ئاماژەی بەوەكردووە، توركیا كەوتۆتە تەنگانە و گێژاوێكی گەورەوە دوای پڕۆسەی كوژرانی ئەبوبەكر بەغدادی، سەرۆكی ڕێكخراوی تیرۆرستی داعش و دەشڵێت: “توركیا هیچ زانیاری لەسەر پڕۆسەی كوشتنی بەغدادی نەبووە، چونكە ئەمریكا هەستی بەوە كردبوو، كە توركیا هەوڵی شكستپێهێنانی دەدات”.

ڕاشیگەیاندووە، هەماهەنگی ئەنقەرە و واشنتن تەنها لەوەدا ەكورت بۆتەوە، كە هێزە ئەمریكاییەكان بواری ئاسمانی توركیا بەكاربهێنن.

ئەو نووسەرە توركە نووسیویەتی، “هێزەكانی ئەمریكا فەزڵی بەدەستهێنانی زانیاری هەواڵگرییان داوە بە هێزەكانی سوریای دیموكرات، كە زۆرینەیان كوردن لەگەڵ دەزگای هەواڵگری عیراقی، ئەمەش لەپێناو ئەوەی هیچ بوارێك نەبێت بۆ هەڵاتنی بەغدادی”.

دەشڵێت: “ئەمریكا ترسی هەبووە لە بەشداری پێكردنی توركیا لە زانیارییەكان، ئەوەش بۆ ئەوەی ئەو زانیاریانە دزە نەكەن بۆ داعش”.

لە كۆتاییەكانی مانگی ڕابردوودا دۆناڵد ترەمپ، سەرۆكی ئەمریكا ڕایگەیاند، كە ئەبوبەكر بەغدادی، سەركردەی داعش لە ئۆپراسیۆنێكی هێزەكانیان لە ناوچەیەكی پارێزگای ئیدلب لە نزیك توركیا كوژراوە و بۆ ئەوەش سوپاسی سوریا و عیراق و توركیا و ڕوسیای كرد، كە هەماهەنگ بوون لەگەڵیاندا، بەڵام وتی، “بەشداری پڕۆسەكەیان نەكردووە”.

ترەمپ سوپاسی كوردەكانی سوریای كرد لەسەر هاوكاری كردنیان لە پڕۆسەكە و لای خۆشیەوە مەزڵوم كۆبانێ‌، فەرماندەی هەسەدە وتی، “هەواڵگریمان هەبووە لای بەغدادی و تەنانەت جلەكانی ژێرەوەی ناردووە و داومانە بە ئەمریكاییەكان و دەركەوتووە ئەوە بەغدادیە و دوای هێرشەكەش هەواڵگریەكە بە سەلامەتی لەگەڵ هێزە ئەمریكییەكان گەڕاوەتەوە لامان”.

جیهان

وتەبێژی سوپای ئێران: مووشەكمان ڕەوانەی یەمەن نەكردووە، بەڵكو كەسانی شارەزامان ناردووە

خەڵك – بەشی هەواڵ

وتەبێژی سوپای ئێران ڕایدەگەیەنێت: كەسانی شارەزا و ئەزموونی وڵاتەكەیان ڕەوانەی یەمەن كردووە لە پێناو یارمەتیدانی ئەو وڵاتە لەڕووی سەربازییەوە.

ئەبو فەزڵ شكارچی وتەبێژی سوپای ئێران ڕایگەیاند: تاران هیچ جۆرە مووشەكێكی ڕەوانەی یەمەن نەكردووە، تەنها ئەزموونی وڵاتەكەی لە دروستكردنی مووشەكەی بەرگری ڕەوانەی ئەو وڵاتە كردووە و یەمەنییەكان خۆیان مووشەكەكە دروست دەكەن.

وتیشی: ئێران پشتوانی یەمەن و فەڵەستین دەكات، ئەوەشی ئاشكراكرد هەر كەسێك بەرهەڵستكاری ئەمریكا بكات ئەوان هاوكاری دەكەن.

ئەبو فەزڵ شكارچی ئەوەشی خستەڕوو، دۆخی ئابووری وڵاتەكەی ڕێگە نادات كە هاوپەیمانەكانیان بەسەرجەم ئەو پێداویستیانەی دەیانەوێت دەوڵەمەند بكەن بە بێ بەرامبەر، راشیگەیاند: هاووڵاتیانی یەمەن كەسانێكی ژیرن و لە كاتێكی كەمدا توانیویانە چەندین چەك و پێداویستی سەربازی پێشكەوتوو دروست بكەن وەك فڕۆكەی بێ فڕۆكەوانی پێشكەوتوو.

بەردەوام بە لە خوێندنەوە

جیهان

ترەمپ: چین و ڕێكخراوی تەندروستی جیهانی لەبارەی كۆرۆناوە جیهانیان بەهەڵەدا بردووە

خەڵك – بەشی هەواڵ

سەرۆكی ئەمریكا جارێكی تر ئۆباڵی بڵاوبوونەوەی كۆرۆنای خستە ئەستۆی چین و ڕێكخراوی تەندروستی جیهانی و داوای كرد، نەتەوە یەكگرتووەكان بەو هۆیەوە لێپێچینەوە لە پەكین بكات.

دۆناڵد ترەمپ سەرۆكی ئەمریكا لە میانی وتارێكدا 75 هەمین كۆبوونەوەی كۆمەڵەی گشتیی نەتەوە یەكگرتووەكان ڕایگەیاند، ڤایرۆسی چینی گەورەترین ئاڵنگاری بەردەم كۆمەڵگای نێودەوڵەتییە و لە ئێستادا جیهان لە جەنگدایە دژی ئەو دوژمنە نەبینراوە، كە لە سەرتاسەری جیهان بووەتە هۆی مردنی ژمارەیەكی زۆر لە مرۆڤەكان.

سەرۆكی ئەمریكا وتیشی، چین و ڕێكخراوی تەندروستی جیهانی كە لە ژێر كۆنتڕۆڵی پەكیندایە لەسەرەتاوە جیهانیان بەهەڵەدا بردووە بەوەی ئەو نەخۆشییە لە مرۆڤەكانەوە ناگوازرێتەوە و دواتر چین بە هۆی ڕانەگرتنی گەشتە ئاسمانییەكان بووەتە هۆی بڵاوبوونەوەی ڤایرۆسەكە بە جیهاندا.

دۆناڵد ترەمپ جەختیشی كردەوە، پێویستە نەتەوە یەكگرتووەكان چین ناچار بە وەڵامدانەوە بكات و بە هۆی ڕۆڵی ئەو وڵاتە لە بڵاوبوونەوەی كۆرۆنا لێپێچینەوەی لەگەڵ بكات.

بەردەوام بە لە خوێندنەوە

جیهان

سعودیە 552 حاڵەتی تووشبوونی نوێی بە كۆرۆنا تۆماركرد

خەڵك- بەشی هەواڵ
وزارەتی تەندروستی سعودیە، تۆماركردنی 483 تووشبووی نوێ‌ بە ڤایرۆسی كۆرۆنا لە ماوەی 24 كاتژمێری ڕابردوودا لە شانشینی عەرەبی ڕادەگەیەنێت، ئەمەش بە ژمارەیەكی زۆر كەمتر بەراورد بە ماوەكانی ڕابردوودا دادەنرێت كە تووشبوونی ڕۆژانە سێ‌ هەزار كەسی لە وڵاتەكەدا تێدەپەڕاند.

ئەمڕۆ سێ‌ شەممە، وەزارەتی تەندروستی سعودیە لە بەیاننامەیەكدا ڕایگەیاند”لەماوەی 24 كاتژمێری ڕابردوودا 552 حاڵەتی توشبوونی نوێ‌ بە ڤایرۆسی كۆرۆنا‌ (كۆڤید-19) تۆماركرا”، ئەم ژمارەیەش بە دەستەواژەیەكی ڕوون دادەنرێت بۆ پاشەكشەكردنی ژمارەی تووشبووان لە وڵاتەكەدا كە بەڕێژەی 75% ڕووی لە كەمبوونەوە كردووە.

وەزارەتی تەندروستی سعودیە دەڵێت”لەماوەی 24 كاتژمێری ڕابردوو 30 حاڵەتی گیانلەدەستدان بەهۆی ڤایرۆسەكەوە تۆماركرا، بەمەش كۆی گشتی ژمارەی ئەوانەی بەهۆی كۆرۆناوە لە سعودیەوە گیانیانلەدەستداوە گەیشتە 4542 كەس، لەئێستاشدا كۆی گشتی ئەوانەی لە سعودیە دووچاری ڤایرۆسی كۆرۆنا بوون، بۆ 330798 حاڵەت بەرزبۆتەوە”.

هەر بەپێی بەیاننامەكەی وەزارەتی تەندروستی سعودیە، لەماوەی 24 كاتژمێری ڕابردوودا، 1185 كەس نەخۆشییەكەیان پەڕاندووە و چاكبوونەتەوە، بەمەش كۆی گشتی ژمارەی ئەوانەی چاكبوونەتەوە، گەیشتە 312684 كەس.

بەردەوام بە لە خوێندنەوە

کوردستان