ئێمە لە تۆرە کۆمەڵایەتیەکان

ئابوری

بەهای دۆلار بەرزبووەوە

خەڵك- بەشی هەواڵ
دوای ئەوەی دوانیوەڕۆی دوێنێ‌ بەهای دۆلار بەشێوەیەكی دیاریكراو دابەزی، بەیانی ئەمڕۆ جارێكی دیكە بەهای ئەو دراوە بیانییە بەرامبەر دینار بەرزبووەوە.

خاوەن نووسینگەیەكی ئاڵوگۆڕی دراو لە سلێمانی بۆ (خەڵك) ڕایگەیاند، كە بەیانی ئەمڕۆ هەینی بەهای دۆلار كەمێك بەرزبۆتەوە و نرخی 100 دۆلار بە 122 هەزار و 250 دینار مامەڵەی پێوەدەكرێت.

ڕاشیگەیاند، كە بەهای 100 یۆرۆ بە 134 هەزار و 750 دینارە و 100 پاوەن بە 156 هەزار و 250 دینارە و بەهای 100 لیرەی توركیی بە 21 هەزار و 250 دینارە.

سەبارەت بە تمەن وتیشی، “بەهای 100 هەزار تمەن لە بازاڕەكانی هەرێم بە 10 هەزار و 500 دینارە”.

دوێنێ‌ پێنج شەممە بەهۆی كۆتایی هاتنی وادەی مانگرتنی مامۆستایان و خوێندكاران و دەنگۆی دەستپێكردنەوەی پڕۆسەی خوێندن بەهای دۆلار دابەزی، بەڵام بەیانی ئەمڕۆ هەینی لەگەڵ دەستپێكردنەوەی خۆپیشاندانەكان لە شارەكانی عیراق بەهای دۆلار بەرزبووەوە.

ئابوری

داهاتی دەروازە سنووريیەكان بەهۆی بڕیارەكانی كازمییەوە زیادیان كرد

خەڵك- بەشی هەواڵ
دوای دەركردنی چەند بڕیارێك بۆ دەروازە سنوورییەكان و كۆنتڕۆڵ كردنیان لەلایەن سەرۆك وەزیرانی عیراقەوە، داهات بەشێوەیەكی بەرچاو زیادی كرد و دەستەی دەروازە سنوورییەكانیش ئاشكرای دەكات، كە داهاتی یەك ڕۆژی دوو دەروازە گەیشتۆتە سەرووی چوار ملیار دینار.

دەستەی‌ دەروازە سنوورییەكانی‌ عیراق لە ڕاگەیەنراوێكدا ئاماژە بۆ ئەوە دەكات، داهاتی‌ ڕۆژی‌ 13ی‌ ئەم مانگە لە بەندەری‌ ئوم قەسر لە پارێزگای‌ بەسرە 2 ملیار و 126 ملیۆن دینار بووە.

ڕاشیگەیاندووە، كە داهاتی دەروازەی سنووری تڕێبڵ لە پارێزگای ئەنبار تەنها لە ڕۆژی 14ی مانگ گەیشتۆتە 2 ملیار و 384 ملیۆن و 794 هەزار دیناری عیراقی.

ئاشكراشی كردووە، زیادبوونی ئەو داهاتە بەهۆی سەپاندنی باجی گومرگی لەسەر ئاڵوگۆڕی بازرگانیە بەپێی ڕێكارە یاساییەكان.

جەختیشی كردۆتەوە، كە زیادبوونی داهات بەهۆی بالادەستی و دەستكراوەیی دەستەی دەروازە سنوورییەكانە، كە هەڵدەستن بە ئەركی خۆیان بەشێوەی هونەری و سەربەخۆ بەپێی ڕێكارە یاساییەكان و بنەماكانی چاودێری و وردبینی.

ڕوونیشی كردۆتەوە، كە ئەو كارانە بەپێی ڕاسپاردەی سەرۆك وەزیران جێبەجێ‌ دەكەن لەپێناو بەهێزكردن و زیادكردنی سەرچاوەكانی داهاتی دەوڵەت.

بەردەوام بە لە خوێندنەوە

ئابوری

دژایەتی بۆ ناردنی مووچەی فەرمانبەران لە عیراقەوە دروست بوو

خەڵك- بەشی هەواڵ
دوابەدوای دەنگی ناردنی بڕێك پارە بۆ مووچەی فەرمانبەرانی هەرێم لەلایەن كازمییەوە، پەڕلەمانتارێكی عیراق دژایەتی خۆی بۆ ئەوە دەردەبڕێت و دەڵێت: “كوا پارەی نەوت و دەروازە سنوورییەكانی هەرێم؟”.

حسێن عقابی، ئەندامی پەڕلەەمانی عیراق لە تویتەر نووسیویەتی،”كاتێك ئێمە ڕەخنە لە هەرێمی كوردستان دەگرین بەدڵنیاییەوە مەبەستمان دەسەڵاتەكەیەتی نەك خەڵكەكەی”.

ڕاشیگەیاندووە، ئەگەر مووچەی فەرمانبەرانی هەرێم و ڕێژەكەی 23%ی فەرمانبەرانی عیراق بێت و لە داهاتی نەوتی باشووری عیراق و دەروازە سنوورییەكان بدرێت، ئەی داهاتی نەوت و دەروازە سنوورییەكانی هەرێم كوا؟ و چی لێ‌ دێت؟

ڕاشیگەیاندووە، ئەگەر مووچەی فەرمانبەرانی هەرێم بەو جۆرە بدرێت، ئەوە گەورەترین پڕۆسەی فێڵ و دزییە، كە عیراقی نوێ‌ بەخۆیەوە دەیبینێت.

بەپێی زانیارییە ڕۆژنامەوانییەكان، بڕیارە مستەفا كازمی، سەرۆك وەزیرانی عیراق وەك نیازپاكی بۆ ڕێككەوتن لەگەڵ هەرێم ئەم مانگە بڕی 250 تا 300 ملیار دینار بۆ مووچەی فەرمانبەرانی هەرێم بنێرێت.

بەردەوام بە لە خوێندنەوە

ئابوری

نرخی دۆلار لە بازاڕەكانی هەرێم

خەڵك-بەشی هەواڵ

نرخی دۆلار لە بازاڕەكانی هەرێمی كوردستان بەراورد بە ڕۆژانی ڕابردوو كەمێك دابەزیوە.

یادگار حەسەن لە كۆمپانیای سەعید كاكی بە (خەڵك)ی ڕاگەیاند، نرخی دۆلار بۆ ئەمڕۆ شەممە 15-8-2020، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 123 هەزار و 550 دینار مامەڵەی پێوە كراوە.

بەهۆی ناجێگیری بازاڕ و قەیرانی دارایی و ڤایرۆسی كۆرۆنا لە هەرێمی كوردستان و عیراق، نرخی دۆلار ناجێگیرە، ئەمەش لەكاتێكدایە لە چەند ڕۆژی ڕابردوو نرخی 100 دۆلاری ئەمریكایی گەیشتە 125 هەزار دینار بوو.

بەردەوام بە لە خوێندنەوە

کوردستان