ئێمە لە تۆرە کۆمەڵایەتیەکان

عێراق

لە بەغدا و بەسرە زیاتر لە 110 خۆپیشاندەر كوژران و بریندار بوون

خەڵك- بەشی هەواڵ
ڕۆژ بەڕۆژ خۆپیشاندان و ناڕەزاییەكان لە عیراق فراوانتر دەبن و بەهۆی تەقەی هێزە ئەمنیەكانیشەوە قوربانیانی مەدەنی زیاد دەكەن.

بەپێی هەواڵێكی كەناڵی (جەزیرە) لە خۆپیشاندانەكانی شەوی ڕابردووی بەسرە و بەغدا 10 كەس كوژراون و 100 كەسیش بریندارن.

ڕوونیشی كردۆتەوە، كە هێزە ئەمنییەكان لە ناوەندی شاری بەغدا تەقەیان لە خۆپیشاندەران كردووە و بەهۆیەوە 6 خۆپیشاندەر كوژراون و زیاتر لە 100 كەسیش بریندار بوون.

لە زاری سەرچاوە پزیشكیەكانەوە ئاشكراشی كردووە، كە هێزە ئەمنییەكان بۆ بڵاوەپێكردنی خۆپیشاندەران، كە ویستبوویان خێمە لە بەردەم پارێزگای بەسرە هەڵبدەن تەقەیان لە خۆپیشاندەران كردووە و بەهۆیەوە 4 كەس كوژراون.

لە مانگی ڕابردووەوە خۆپیشاندانێكی فراوان لە شارەكانی ناوەڕاست و باشووری عیراق بۆ داواكردنی خزمەتگوزاری و هەلی كار دەستی پێ‌ كردووە و لە ئێستادا دروشمی خۆپیشاندەران گۆڕاوە بۆ ڕووخانی حكومەت و گۆڕینی سیستمی سیاسی وڵات بۆ سەرۆكایەتی و هەمواركردنەوەی دەستوور.

عێراق

وەزیری نەوتی عیراق: هەرێم نەوتەكەی ڕادەست دەكات

خەڵك- بەشی هەواڵ
وەزیری نەوتی عیراق ڕایدەگەیەنێت، هەرێمی كوردستان لە سەرەتای ساڵی داهاتووەوە، ڕۆژانە 250 هەزار بەرمیل نەوت ڕادەستی (سۆمۆ) دەكات.

بەپێی ڕێككەوتنەكەی نێوان حكومەتی هەرێمی كوردستان و حكومەتی فیدراڵ، هەرێمی كوردستان بۆ دەستبەركردنی پشكی درایی خۆی لە بودجەی گشتی عیراق، لەسەرەتای ساڵی داهاتوەوە ڕۆژانە 250 هەزار بەرمیل نەوت رادەستی كۆمپانیای بەبازاڕكردنی نەوتی عیراق (سۆمۆ) دەكات، لەو بارەیەوە
سامر غەزبان جێگری سەرۆك وەزیرانی عیراق بۆ كاروباری وزە و وەزیری نەوت ڕایگەیاندووە”لەسەرەتای ساڵی داهاتوەوە، هەرێمی كوردستان لەكۆی ئەو 450 هەزار بەرمیلە نەوتەی هەناردەی دەكات، 250 هەزاری بەرمیلی ڕادەستی سۆمۆ دەكات.

بە وتەی غەزبان”حكومەتی هەرێمی كوردستان ئامادەیی خۆی بۆ جێبەجێبەجێكردنی ناوەڕۆكی ڕێككەوتنەكە دەربڕیوە، تا لەبەرامبەردا حكومەتی فیدراڵ پشكی هەرێم لەبودجەو شایستە داراییەكان رەِوانەی هەرێم بكات”.

لەم ماوەیەی دواییدا، شاندەكانی حكومەتی هەرێمی كوردستان بۆ مەبەستی لێكگەیشتن و ڕەواندنەوەی تەنگژەكانی پێشوو، چەند جارێك سەردانی بەغدایان كرد و لەگەڵ بەرپرسانی عیراق لەبارەی پشكی هەرێم لە بودجەی گشتی و ڕادەستكردنی نەوتی هەرێمەوە، ڕێككەوتن كرا.

بەردەوام بە لە خوێندنەوە

عێراق

موقتەدا سەدر 48 كاتژمێر وەك مۆڵەت دیاریی دەكات

خەڵك- بەشی هەواڵ
بەهۆی ڕووداوەكەی گۆڕەپانی وەسبە، ئەژماری ساڵح محەمەد عیراقی كە نزیكەی لە موقتەدا سەدر ڕابەری ڕەوتی سەدر، هەڕەشەیەك بۆ كێشانەوەی (كڵاو شینەكان) لە گۆڕەپانەكانی خۆپیشاندان لە بەغدا بڵاودەكاتەوە.

ئەمڕۆ پێنج شەممە، ئەژمارى ساڵح محەمەد عیراقی بڵاویكردووەتەوە”تا 48 كاتژمێری تر گەر بكوژە تیرۆریستەكان ڕادەستنەكرێن، ئەوا پێویستە كڵاو شینەكان لە گۆڕەپانەكانی خۆپیشاندان لە بەغدا پاشەكشە بكەن”.

ئەمڕۆ هەندێك لە تۆڕە كۆمەڵایەتییەكان، وێنەی كەسێكییان بڵاوكردەوە كە بە ستونێكی دەستەواژەكانی هاتووچۆدا لە گۆڕەپانی وەسبە لە بەغدا هەڵواسرابوو، هەندێك لە چالاكوانان نوسیبویان، ئەو كەسە كوژراوە مەست بووە و تەقەی لە خۆپیشاندەران كردووە لە نزیك گۆڕپانەكە، بۆیە هەندێك لە لاوان تا بەردەمی ماڵی خۆیان دوای كەوتوون و پەلكێشییان كردووە بۆ گۆڕەپانەكە و بە ستونێكی دەستەواژەی هاتووچۆدا هەڵیانواسیوە.

بەردەوام بە لە خوێندنەوە

عێراق

ژمارەی قوربانیانی خۆپیشاندانەكانی عیراق ئاشكرادەكرێت

خەڵك- بەشی هەواڵ
سەرچاوەیەكی پزیشكی لە وەزارەتی تەندروستی عیراق، بەرزبوونەوەی ژمارەی كوژراوانی خۆپیشاندانەكان ئاشكرادەكات و دەڵێت، لەسەرەتای دەستپێكردنی خۆپیشاندانەكانەوە، تا ئێستا 511 كەس كوژراون و زیاتر لە 21 هەزار كەسی تر برینداربوون.

ماڵپەڕی (الغد برس)ی عیراقی لە زاری سەرچاوەیەكی پزیشكییەوە لە وەزارەتی تەندروستی عیراق بڵاویكردووەتەوە”ژمارەی كوژراوەكان لە خۆپیشاندانەكاندا تا ئەمڕۆ پێنج شەممە، گەیشتووەتە 511 كەس”، بەپێی ماڵپەڕی (الحرە)ش، زۆرێك لە كوژراوەكانیش بە تایبەت لە باشووری عیراق، بەر لەوەی ببرێنە نەخۆشخانە لە گۆڕستانەكان بەخاسپێرددراون.

بە وتەی سەرچاوەكان”نزیكەی 50 لاوی خوار تەمەن 20 ساڵان لە خۆپیشاندانەكاندا كوژراون، لەگەڵ كوژرانی حەوت كچ لە بەغدا و كچێكی تر لە شاری بەسرە”.

ئەو سەرچاوانە دەڵێن”هۆكاری گیانلەدەستدانەكان لەنێوان بەركەوتنی گوللـە بەر سەر و سنگ و سكەوە بووە، یان بۆمبە فرمێسكڕێژەكان ڕاستەوخۆ بەرییانكەوتووە، لەگەڵ ڕووداوەكانی لێدان بە چەقۆ و لێدان بە ئۆتۆمبێل لە بەسرە”.

بەردەوام بە لە خوێندنەوە

کوردستان