ئێمە لە تۆرە کۆمەڵایەتیەکان

عێراق

ئەندامانی پەرلەمانی عیراق بۆ 200 ئەندام كەمدەكرێنەوە


خەڵك- بەشی هەواڵ
ئەندامێكی لیژنەی هەمواری دەستوری عیراقی ڕایدەگەیەنێت، لیژنەكەیان پێداچوونەوە بۆ میكانیزمەكانی كاریی سیستمی ئێستا دەكات، لەوانەش كەمكردنەوەی ئەندامانی پەرلەمان بۆ 200 ئەندام و هەندٍێك لە هەمواركردنەكانیش دەخرێنە ڕاپرسییەوە بۆ كارپێكردنیان.

یۆنادەم كەننا، ئەندامی لیژنەی هەمواری دەستور لە لێدوانێكی ڕۆژنامەوانیدا ڕایگەیاندووە”لیژنەكەیان سەرپشكنەراوە بۆ یەكلاكردنەوەی هەموارە دەستورییەكان، بەڵكو ڕاسپێردراوە بۆ ئامادەكردنی هەموارەكان بە سودوەرگرتن لە شارەزایی نێودەوڵەتی و ناوخۆیی و ڕێكخراوەكانی كۆمەڵی مەدەنی، لە ماوەكانی داهاتووشدا هەوڵدەدەن ئەو هەموارانەی لە توانایاندایە ئامادەی بكەن”.

بە وتەی كەننا”پێویستيان بە پێداچوونەوەی میكانیزمەكانی كاریی سیستمی ئێستایە، وەك ژمارەی ئەندامانی پەرلەمان و كەمكردنەوەیان بۆ 200 ئەندام یان زیاتر یان هەندێك كەمتر،  و كاریی ئەنجومەنی پارێزگەكان و دەسەڵاتەكانیان و پەیوەندییەكان لەگەڵ ناوەند و دابڕانی نێوان یاساكان، چارەسەرەكانیش پێداگری لەسەر ئەو ماددانە دەكەنەوە كە چەند ڕوویەكیان هەیە و بێ‌ كۆتان و زیاتر لە لێكدانەوەیەك هەڵدەگرن”.

ئەندامەكەی لیژنەی هەمواری دەستوری عیراقی دەڵێت”ماددەكان لە بەشی سێیەم و چوارەمدان و ئەوانی دواتر ئاسانن بۆ هەمواركردن، بەو پێیەی پەیوەندییان بە كاریی دەووڵەتەوە هەیە، بەڵام هەردوو بەشی یەكەم و دووەم، قورسن بەو هۆیەی پێویستییان بە دەنگدانی سێ‌ یەكی ئەندامانی پەرلەمانە بەو پێیەی پرەنسیپی بنبڕەتین و لە ماف و ئازادییەكان پێكدێن كە ناكرێت لە هاووڵاتی عیراقی زەوتبكرێن”.

لە كۆتایی قسەكانیدا یۆنادەم كەننا ڕایگەیاند”ئەوان وەك لیژنەی هەمواری دەستور، وەها ڕاسپیَِردراون تا ببنە پردێك لەنێوان هاووڵاتی و حكومەت بۆ ئەنجامدانی هەموارە دەستورییەكان، هەندێكیشیان بۆ ڕاپرسی میللی پێشنیار دەكرێن تا لەحاڵەتی پەسەندكردنيان لەلایەن گەلەوە بخرێنە بواری جێبەجێكردن و كارییان پێبكرێت”.

عێراق

“كازمی بەڵێنیدا شایستە داراییەكانی ھەرێم بخاتە ناو بەرنامەی لەپێشینەی كابینەكەی”


خەڵك – بەشی هەواڵ

جێگری سەرۆكی ئەنجومەنی نوێنەرانی عیراق ڕایدەگەیەنێت:” مستەفا كازمی سەرۆك وەزیرانی عیراق بەڵێنیداوە بابەتی شایستە داراییەكانی ھەرێمی كوردستان و خەرجكردنی پارەی گەنمی جوتیاران بخاتە ناو بەرنامەی لەپێشینەی كابینەكەی”.

نووسینگەی ڕاگەیاندنی جێگری سەرۆكی ئەنجومەنی نوێنەرانی عیراق لە ڕاگەیەندراوێكدا ڕایگەیاند:  بەشیر حەداد جێگری سەرۆكی ئەنجومەنی نوێنەرانی عيراق، ئەمڕۆ شەممە،لەگەڵ مستەفا كازمی سەرۆك وەزیرانی عیراق كۆبووەتەوە و “لەكۆبوونەوەكەدا بابەتە گرنگەكانی ئێستای ناو گۆڕەپانی سیاسیی عیراق و مەترسییەكانی بڵاوبوونەوەی ڤایرۆسی كۆرۆنا و پەیوەندییەكانی نێوان ھەولێر و بەغدا، هەروەها پەلەكردن لە ھەڵگرتنی ھەنگاوەكان بۆ چارەسەركردنی كێشەكان تاووتوێكراون”.

نووسینگەی ڕاگەیاندنی جێگری سەرۆكی ئەنجومەنی نوێنەرانی عیراق جەختی لەوەش كردووەتەوە:”سەرۆك وەزیرانی عیراق بەڵێنیدا كە بابەتی شایستە داراییەكانی ھەرێمی كوردستان و خەرجكردنی پارەی گەنمی جوتیاران بخاتە ناو بەرنامەی لەپێشینەی كابینەكەی”.

بەردەوام بە لە خوێندنەوە

عێراق

بە بڕیاری كازمی هەفتەیەك قەدەغەی هاتووچۆ درێژكرایەوە


خەڵك- بەشی هەواڵ

بە بڕیاری سەرۆك وەزیرانی عیراق و لەسەر ڕاسپاردەی لیژنەی باڵای تەندروستی و سەلامەتی نیشتمانی هەفتەیەك قەدەغەی هاتووچۆ درێژكرایەوە.

بەپێی هەواڵی میدیا عیراقییەكان، ئەمڕۆ لیژنەی بالای تەندروستی و سەلامەتی نیشتمانی عیراق بە سەرۆكایەتی مستەفا كازمی، سەرۆك وەزیران كۆبۆتەوە و گفتوگۆ كراوە لەسەر دواین دۆخی بڵاوبوونەوەی ڤایرۆسی كۆرۆنا لە وڵاتدا.

هەر لە كۆبوونەوەكەدا بڕیار دراوە، كە سبەینێ‌ یەك شەممەوە تاوەكو یەك هەفتەی دیكە قەدەغەی هاتووچۆ درێژ بكرێتەوە تاوەكو ڕێگە بگیرێت لە بڵاوبوونەوەی زیاتری پەتای كۆرۆنا.

ئەمڕۆ شەممە ماوەی قەدەغەی هاتووچۆ كۆتایی هات، كە پێشتر لیژنەكە بڕیاری لەسەردابوو، ئەوەش لەكاتێكدا، كە هەر ئەمڕۆ زیاتر لە 1200 كەس لە تەواوی وڵاتدا تووشی ڤایرۆسی كۆرۆنا بوون.

بەردەوام بە لە خوێندنەوە

عێراق

لە عیراق گەورەترین ڕێژەی توشبوون بە كۆرۆنا تۆماركرا


خەڵك – بەشی هەواڵ
وەزارەتی تەندروستی و ژینگەی عیراق ڕایدەگەیەنێت، بەردەوام ژمارەی تووشبووان بە كۆرۆنا ڕوو لە زیادبوونە و ئەمڕۆ شەممە هەزار 252 كەس تووشبوون و 331 كەسیش چاكبوونەوە و 33 كەسیش گیانیان لەدەستداوە.

وەزارەتی تەندروستی و ژینگەی عیراق لە بەیاننامەیەكدا ئاماژەی بەوەكردووە، كە ئەمڕۆ شەممە 6ی حوزەیرانی 2020 پشكنین بۆ 12 هەزار و 543 كەس ئەنجامدراوە و هەزار و 525 كەس ئەنجامی پشكنینەكانیان پۆزەتیف دەرچوون، كە زۆرینەیان لە بەغدا بوون و 45 كەسیش لە سلێمانی و 13 توشبووش لە كەركوك تۆماركراوە.

ڕاشیگەیاندووە ، هەر ئەمڕۆ 331 تووشبووی ڤایرۆسی كۆرۆنا چاكبوونەوە، كە زۆرینەیان لە بەغدا بوون و هاوكات 33 حاڵەتی مردنیش بەو ڤایرۆسە تۆماركرا.

ئاشكراشی كردووە، كۆی گشتی تووشبووان بە كۆرۆنا گەیشتۆتە 11 هەزار و 98 كەس و و چاكبوونەوەش 4 هەزار و 904 كەس و مردنیش 318 كەس.

دەشڵێت: ”هێشتا 8 هەزار و 876 كەس لەژێر چاودێری پزیشكیدان و 60 توشبوو لەژێر چاودێری چڕدان”.

بەردەوام بە لە خوێندنەوە

کوردستان