ئێمە لە تۆرە کۆمەڵایەتیەکان

عێراق

سەعدی پیرە ؛ هەژموونی بێگانە بڕیاری سیاسی لای عیراقییەكان بەرتەسك كردۆتەوە


خەڵك – بەشی هەواڵ
ئەندامێكی مەكتەبی سیاسی یەكێتی نیشتمانی كوردستان ڕایدەگەیەنێت ، ئەو هێزانەی چاویان بڕیوەتە عیراق هاوسەنگییەك لەنێوانیان هەیە بۆیە پێناچێت عیراق سەرلەبەری هەڵوەشێت و ئەمریكا و ڕوسیاش حسابییان هەیە، دەشڵێت،”هەژموونی بێگانە لە عیراق تەواو بڕیاری سیاسی عیراقییەكانی بەرتەسك كردۆتەوە”.

سەعدی ئەحمەد پیرە، ئەندامی مەكتەبی سیاسی یەكێتی نیشتمانی كوردستان بە (خەڵك) ی ڕاگەیاند، سەرلەبەری عیراق هەڵناوەشێت وەك ئەوەی باسی لێوە دەكرێت، چونكە ئەو هێزانەی چاویان بڕیوەتە عیراق هاوسەنگییەك لەنێوانیان هەیە پێم وایە ئەمریكا و ڕووسیاش حسابیكیان لەم دۆخەدا هەبێت.

وتیشی ،” پارچە پارچەبوونی عیراق وەك خاك و سنوری بۆ دابنرێت ڕەنگە نەبێت، بەڵام ئەگەرەكانی گۆڕانكاری دەكرێت ڕووبدات ، بەڵام هەژموونی بێگانە لە عیراق زۆر زۆرە”.

ڕاشیگەیاند، بەهۆی ئەو هەژموونەوە بڕیاری سیاسی سەربەخۆ لای عیراقییەكان زۆر بەرتەسك بۆتەوە ناتوانرێت هەروا بەئاسانی بڕیار بدەن.

عێراق

سوریا.. والی داعش لە عیراق كوژرا


خەڵك – بەشی هەواڵ

دەزگای دژە تیرۆری عیراق لەڕاگەیەنراوێكدا كوژرانی والی داعش لە عیراق ڕاگەیاند.

دەزگای دژە تیرۆری عیراقی ئاشكرایكرد:”موعتەز نوعمان عەبد نایف جبوری كە بە “حەجی تەیسەر” ناسراوە و پۆستی والی داعشی هەبووە لەعیراق، لە پارێزگای دێرەزوری سوریا كوژراوە”.

لە ڕاگەیەنراوەكەدا ڕوونیشكراوەتەوە:”هێزەكانی دژە تیرۆری عیراق ماوەیەكی زۆرە بەوردی چاودێری جموجوڵەكانی ئەو سەركردەیەیی داعشی كردووە، كە تەواوی بەرپرسیارییەتی داعشی لەناو خاكی عیراق لەئەستۆدا بووە”.

بەردەوام بە لە خوێندنەوە

عێراق

نوێترین ئاماری حاڵەتەکانی کۆرۆنا لەعیراق


خەڵک – بەشی هەواڵ

وەزارەتى تەندروستى عیراق نوێترین ئاماری حاڵەتەکانی کۆرۆنای لەعیراق ئاشکراکرد.

 

وەزارەتى تەندروستی عیراق بڵاویکردەوە، لە ٢٤ کاتژمێری ڕابردوودا ٢١٦ تووشبووی نوێی کۆرۆنا تۆمارکران.

 

ئەوەشی بڵاوکردەوە، لەو ماوەیەدا  شەش تووشبوو گیانیان لەدەستداوە و 41 تووشبووش چاکبوونەتەوە.

 

لەماوەى بڵاوبوونەوەی ڤایرۆسی کۆرۆنا لەعیراق تاکو ئێستا زیاتر لە ٤٨ هەزار کەس تووشی کۆرۆنا بوون، کە زیاتر لە دوو هەزار و ٨٠٠ کەس چاکبوونەتەوە و ١٦٩ کەسیش گیانیان لەدەستداوە.

بەردەوام بە لە خوێندنەوە

عێراق

لە دیالە كەسێك بە كۆرۆنا گیانی لەدەستدا


خەڵك- بەشی هەواڵ
بەڕێوەبەرایەتی تەندروستی دیالە ئاشكرای دەكات، كە یەكێك لە تووشبووان بە كۆرۆنا گیانی لەدەستداوە.

فارس عەزاوی، وتەبێژی تەندروستی دیالە لە بەیاننامەیەكدا ئاماژەی بەوەكردووە، كە ئەمڕۆ سێ‌ شەممە یەكێك لەتووشبووان بە ڤایرۆسی كۆرۆنا گیانی لەدەستداوە و پێشتر تووشبوونی بەو ڤایرۆسە ڕاگەیەنراوە.

ئاشكراشی كردووە، كە ئەو كەسە تەمەنی 47 ساڵە و نەخۆشی ڤایرۆسی جگەری هەبووە و بەهۆیەوە گورژیلەكانی وەستاون و سییەكانیشی لەكاركەوتوون بەهۆی ئەوەی تووشی كۆرۆنا بووە.

ڕوونیشی كردۆتەوە، كە كارمەندانی تەندروستی لە هەوڵی ڕزگاركردنی گیانی ئەو نەخۆشەدا بوون و خستوویانەتە شوێنی چاودێری چڕ و ئامێری هەناسەدانیان بۆ داناوە، بەڵام بەداخەوە گیانی لەدەستداوە.

وتەبێژی تەندروستی دیالە داوا لە هاووڵاتیان دەكات پابەندی ڕێنماییە تەندروستییەكان بن و خۆیان لە قەرەباڵغی بەدوور بگرن.

بەردەوام بە لە خوێندنەوە

کوردستان