ئێمە لە تۆرە کۆمەڵایەتیەکان

عێراق

پەیوەندی بە گەندەڵییەوە هەیە
دەستەی نەزاهە فەرمانی دەستگیركردن بۆ دوو پارێزگار دەردەكات

خەڵك- بەشی هەوزاڵ

دەستەی نەزاهەی عیراق فەرمانی دەستگیركردنی بۆ دوو پارێزگاری پێشووی بەسرەو بابل دەردەكات، ئەمەش لەكاتێكدایە كە پێشتر فەرمانی دەستگیركردنی بۆ دەیان بەرپرسی باڵا دەركردبوو كە ژمارەیەك وەزیر و پەرلەمانتاری تێدابوو.

ئەمڕۆ پێنج شەممە، دادگای لێكۆڵینەوەی سەر بە دەستەی نەزاهەی عیراق لە بەیاننامەیەكدا رایگەیاند” بە تۆمەتی گەندەڵی، فەرمانی دەستگیركردنی بۆ هەردوو پارێزگاری پێشوی بەسرە و بابل دەركرا”.

هەر بەپێی بەیاننامەكەی دەستەی نەزاهە”دوای ئەوەی ماجد نەسراوی، پارێزگاری پێشووی بەسرە و ژمارەیەك بەرپرس و سەرۆكی دیوانی پارێزگەكە بە گەندەڵی تۆمەتباركران، ئەمڕۆ فەرمانی دەستگیركردن بۆ ئەو بەرپرسانە دەرچووە”.

هەر لەو چوارچێوەیەدا دەستەی نەزاهە، بە تۆمەتی گەندەڵی فەرمانی دەستگیركردنی بۆ پارێزگاری پێشوی بابل دەركرد و فەرمانی كرد ڕێگەی سەفەركردنی بۆ دەرەوەی وڵات لێبگیرێت.

لە دوای ساڵی 2003، وێڕای زۆربوونی داهاتەكانی نەوت كە بە بڕبڕەپشتی سەرچاوەی ئابوری وڵات دادەنرێت، عیراق گیرۆدەی گەندەڵییەكی گەورە بووە و گەندەڵی لە زۆربەی جومگەكانی دەوڵەتدا بڵاوبووەتەوە، بەپێی دوایین ڕاپۆرتی ڕێكخراوی شەفافیەتی نێودەوڵەتیش، عیراق لەنێوان وڵاتە هەرە گەندەڵەكانی جیهاندایە.

لە دوای دروستبوونی تەوژمەكانی خۆپیشاندانەكانیش لە مانگی تشرینی یەكەمی ڕابردوو، یەكێك لە گرنگترین داواكارییەكانی خۆپیشاندەران، نەهێشتنی گەندەڵی و باشكردنی ئاستی خزمەتگوزارییەكانە كە بەهۆی گەندەڵییەوە لە ئاستێكی زۆر نزمدایە.

عێراق

كازمی: وڵات لە دۆخێكی هەستیاری ئابووری و تەندروستی و ئاسایشدایە

خەڵك – بەشی هەواڵ

سەرۆك وەزیرانی‌ عیراق ڕایدەگەیەنێت: وڵات لە دۆخێكی هەستیاری ئابووری و تەندروستی و ئاسایشدایە.

نووسینگەی ڕۆژنامەوانی سەرۆك وەزیرانی عیراق لە ڕاگەیەنراوێكدا ئەوەی خستەڕوو، لەمیانەی كۆبوونەوەی لەگەڵ دەستەی باڵای هەماهەنگی نێوان پارێزگاكان، مستەفا كازمی سەرۆك وەزیرانی عیراق جەختی لەسەر گرنگی مامەڵەكردن لەگەڵ ئاڵنگارییەكانی ئێستا كردووەتەوە كە لەڕووی هونەرییەوە پارێزگاكان دووچاری بوون.

ڕوونیشكراوەتەوە، لە كۆبوونەوەكەدا دورخستنەوەی پاڵنەرە سیاسییەكان لەپێناو بەردەستخستنی پێداویستییەكان بەشێوەیەكی خێرا و زیاتر پیشەیی، تاووتوێ كراوە و مستەفا كازمی ڕایگەیاندووە:”وڵات لەدۆخێكی هەستیاری ئابووری و تەندروستی و ئاسایشدایە و خواستی خەڵكیشیان لەسەرە”.

كازمی جەختیشی‌ لەوە كردووەتەوە:”بەئامانجی لابردنی بەربەستەكان و دەستەبەركردنی پێدوایستییە واقیعییەكان، حكومەت هەموو هەوڵەكان دەخاتەگەڕ”.

هەروەك سەرۆك وەزیرانی عیراق داواشی كردووە دەستەی باڵای هەماهەنگی نێوان پارێزگاكان بەگیانی یەك تیم بۆ بەجێهێنانی داواكارییەكانی خەڵكی كار بكەن.

بەردەوام بە لە خوێندنەوە

عێراق

سبەینێ‌ پەڕلەمانی عیراق كۆدەبێتەوە

خەڵك- بەشی هەواڵ
سبەینێ‌ پەڕلەمانی عیراق كۆدەبێتەوە و گفتوگۆ لەسەر 10 پڕۆژە یاسا دەكرێت.

بەپێی نووسراوێك، كە سەرۆكایەتی پەڕلەمانی عیراق بڵاویكردۆتەوە، سبەینێ‌ دوو شەممە لە كاتژمێر 12ی نیوەڕۆ كۆبوونەوەی پەڕلەمان ئەنجام دەدرێت.

بەپێی نووسراوەكە، گفتوگۆ و خوێندنەوەی یەكەم و دووەم بۆ 10 پڕۆژە یاسا دەكرێت و دواتر 15 خوولەك بۆ گفتوگۆی گشتی تەرخان دەكرێت.

بەردەوام بە لە خوێندنەوە

عێراق

ڕاوێژكارێكی پێشووی بەرهەم ساڵح: دەبێت غەدری سەر فەرمانبەران لابرێت

خەڵك – بەشی هەواڵ
ڕاوێژكارێكی پێشووی سەرۆكایەتی كۆماری عیراق ڕادەگەیەنێت، بودجەی ئەمساڵی عیراق زەبەلاحترین بودجەیە لە مێژووی وڵاتەكدا، كە ۱٤۸ ترلیۆن دینارە بۆ ساڵی ۲٠۲٠ لە بودجەی چەندین وڵاتی ناوچەكە زیاترە، دەشڵێت: “پێویستە ئەو غەدرە لەسەر فەرمانبەرانی كوردستان هەڵبگیرێت و قوتی خەڵك نەبێتە قوربانی ململانێكان”.

سالار مەحمود، ڕاوێژكاری پێشووی سەرۆك كۆماری عیراق لە هەژماری تایبەتی خۆی لە فەیسبووك ڕایگەیاندووە، عیراق بەقەیرانێكی ئابووری مەترسیداردا تێپەڕ ئەبێت و هەرێمی كوردستانیش لە قوڵترین قەیرانی ئابوریدایە، بۆیە ڕێككەوتنی كوردستان و عیراق بەشێك لەنەهامەتییەكانی خەڵك بۆ قۆناغێك كەم ئەكاتەوە، بەردەوامبونی ئەم دۆخە نیگەرانی و نەهامەتیەكان زیاتر دەكات.

وتیشی، “بەڕێككەوتن پشكی مووچەی هەرێم لە بودجە بچەسپێنرێت و پێویستە ئەو غەدرە لەسەر فەرمانبەرانی كوردستان هەڵبگیرێت و قوتی خەڵك نەبێتە قوربانی ململانێكان”.

ڕاشیگەیاندووە، نوێنەرانی كورد لەپەڕلەمانی بەغدا پێویستە بەیەك دەنگ خۆیان بۆ شەڕی قوتی خەڵكی كورستان حازر بكەن، داكۆكی لە قوتی خەڵك واجبی یاسایی و ئەخلاقیە.

ئاماژەی بۆ ئەوەشكردوە، گەورەترین كورتهێنان لە مێژووی عیراقدا لە پڕۆژە بودجەی ئەمساڵدایە، كە ۸۱ ترلیۆن دینارە، لەبەر ئەوە جگە لەدابینكردنی مووچە ناتوانرێ پڕۆژەی خزمەتگوزاری پێویست بۆ شارەكان و خەڵكەكە دەستەبەر بكرێت.

ئاشكراشی كردووە، بودجەی ساڵی ۲٠۱۹ی عیراق ۱٤۲ ترلیۆن دینار بوو، جگە لەمووچە هیچ پڕۆژەیەكی ستراتیژی پێ جێبەجێ نەكرا.

بەردەوام بە لە خوێندنەوە

کوردستان