ئێمە لە تۆرە کۆمەڵایەتیەکان

ئابوری

وەزارەتی دارایی خشتەی دابەشكردنی مووچەی بڵاوكردەوە

خەڵك- بەشی هەواڵ

وەزارەتی دارایی و ئابووری حكومەتی هەرێمی كوردستان، خشتەی دابەشكردنی مووچەی رۆژی یەكشەممەی داهاتوو بڵاودەكاتەوە.

ئەمڕۆ پێنج شەممە، وەزارەتی دارایی و ئابووری حكومەتی هەرێمی كوردستان لە ڕاگەیەندراوێكیدا خشتەی دابەشكردنی مووچەی رۆژی یەكشەممە 10ی تشرینی دووەمی 2019 ی بڵاوكردەوە و تێیدا ئاماژە بە دابەشكردنی مووچەی یەكەكانی 70 و 80ی سەر بە وەزارەتی پێشمەرگە كراوە.

هەر بەپێی زانیارییەكان، رۆژی دووشەممە 11ی تشرینی دووەمی 2019، مووچەی وەزارەتی پەروەردە دابەشدەكرێت و پاشان دابەشكردنی مووچەی وەزارەتەكانی تری بەدوادێت، ئەمەش لەكاتێكدایە ئەو مووچەیەی دابەشدەكرێت مووچەی مانگی ئابی 2019ی فەرمانبەرانە و بەبێ‌ پاشەكەوت دابەش دەكرێت.

دەستپێكردنی دابەشكردنی مووچەی فەرمانبەرانی هەرێمی كوردستان دوای ئەوە دێت كە بەغدا بڕی454 ملیار ديناری ڕادەستی حكومەتی هەرێمی كوردستان كرد.

دوێنێ‌ چوار شەممە، سەرچاوەیەك بە ماڵپەڕی (بغداد الیوم)ی ڕاگەیاندبوو، وەزارەتی دارایی حكومەتی فیدراڵ، بڕی 454 ملیار دیناری ڕادەستی حكومەتی هەرێمی كوردستان كردووە كە بۆ مووچەی فەرمانبەران تەرخان كراوە.

ئابوری

سبەینێ‌ لە دوو گەڕەكی سلێمانی پێوەری زیرەكی كارەبا دەبەسترێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەك لە سلێمانی ڕایدەگەیەنێت، سبەینێ‌ لە گەڕەكەكانی كانی سپیكە و كەڵەكن پێوەری زیرەكی كارەبا دەبەسترێت و بەهۆیەوە كارەبای نیشتمانی و مۆلیدە نابێت.

لیژنەی سەرپەرشتیاری پرۆژەی تۆڕی زیرەك لە سلێمانی لە ڕاگەیەنراوێكدا ئاماژەی بەوەكردووە، “دانیشتووانی هەردوو گەڕەكی (كەڵەكن و كانی سپیكە) ماڵەكانی بەری ڕاست و چەپی شەقامی سەرەكی پێش هەواری شار، كە لەسەر هەردوو فیدەری (٤۱۲ و ٤۱۳) كارەبا وەردەگرن ئاگادار دەكەین، كە سبەینێ چوار شە‌ممە (۲۹/۱/۲٠۲٠ ) پێوەری زیرەكی كارەبایان بۆ دەبەسترێت”.

ڕاشیگەیاندووە، لە كاتژمێر (8 ی بەیانی بۆ 4ی ئێوارە) كارەبای نیشتمانی و مۆلیدەیان نابێت، و دەشڵێت: “مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

ئاماژەی بەوەشكردووە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

ئابوری

مەلا یاسین یاداشتێكی 18 خاڵی ڕادەستی سەرۆك وەزیرانی هەرێم كرد

خەڵك- بەشی هەواڵ
ئەمڕۆ سەرۆكایەتی ئەنجوومەنی وەزیرانی هەرێم لەگەڵ وەبەرهێنەران و سەرمایەدارانی ناوخۆیی كۆبوونەوە و سەرۆكی یەكێتی وەبەرهێنەرانیش دەڵێت: “یاداشتێكی 18 خاڵیمان ڕادەستی سەرۆك وەزیرانە كرد”.

یاسین مەحمود، سەرۆكی یەكێتی وەبەرهێنەرانی كوردستان بۆ (خەڵك) ڕایگەیاند، دوای ئەوەی ئەمڕۆ مەسرور بارزانی، سەرۆك وەزیران و قوباد تاڵەبانی، جێگری سەرۆك وەزیران بانگهێشتی وەبەرهێنەرە بەتوانا و دیارەكانی هەرێمی كوردستانیان كرد، سەرۆك وەزیران وتارێكی دەربارەی دۆخی وەبەرهێنان لە هەرێم پێشكەش كرد.

ڕاشیگەیاند، یاداشتێكی 18 خاڵیم بەناوی وەبەرهێنەرانەوە پێشكەشی سەرۆك وەزیرانی هەرێم كرد، كە یەكێك لە خاڵەكان ئەوەیە داوامان كردووە لیژنەیەكی (تەحكیم)ی وەبەرهێنان و بازرگانی لە هەرێم دروست بكرێت.

وتیشی، “خالێكی دیكە ئەوەبوو، كە داوامان لە سەرۆك وەزیران كردووە كەرتی تێكەڵ لە هەرێم دروست بكرێت، كە تا ئێستا نییە هەروەها كۆمپانیای دڵنیایی-ش دروست بكرێت”.

بەردەوام بە لە خوێندنەوە

ئابوری

داهاتی مانگێكی فرۆشتنی نەوتی عیراق گەیشتە نزیكەی 7 ملیار دۆلار

خەڵك- بەشی هەواڵ
وەزارەتی نەوتی عیراق، بڕی هەناردە و داهاتی بەدەستهاتووی مانگی كانوونی یەكەمی ڕابردوو ڕادەگەیەنێت، ئەمەش بە پشتبەستن بە ئامارێكی كۆمپانیای بەبازاڕكردنی نەوتی عیراق (سۆمۆ).

عاسم جیهاد، وتەبێژی وەزارەتی نەوتی عیراق لە بەیاننامەیەكدا ڕایگەیاند، لە مانگی كانوونی یەكەمی 2019، لە كێڵگە نەوتییەكانی ناوەڕاست و باشووری عیراق، بڕی (103) ملیۆن و (90) هەزار و (550) بەرمیل نەوت هەنارەكراوە، لە كیڵگە نەوتییەكانی كەركوكیش بەرەو بەندەری جەیهان، (2) ملیۆن و (827) هەزار و (50) بەرمیل نەوت هەناردە كراوە، لە پاڵاوگەی نەوتی سمودیش بەرەو ئەردەن (929) هەزار و (145) بەرمیل نەوت هەناردەكراوە.

بە وتەی عاسم جیهاد، “كۆی گشتی هەناردەی ڕۆژانەی نەوت لە مانگی ڕابردوو گەیشتۆتە (3) ملیۆن و (566) هەزار بەرمیل، كە (3) ملیۆن و (435) هەزار بەرمیلیان لە بەندەرەكانی بەسرەوە هەناردەكراوە و لە بەندەری جەیهانی توركیاشەوە هەناردەی ڕۆژانە گەیشتۆتە (101) هەزار بەرمیل، هەناردەی ڕۆژانەی نەوتی كێلًَگەكانی گەیارەش (30) هەزار بەرمیل بووە”.

هەر لە بەیاننامەكەی وەزارەتی نەوتدا هاتووە، “تێكڕای نرخی بەرمیلێكی فرۆشراو بە (63.027) دۆلار بووە، كۆی داهاتی نەوتە هەناردەكراوەكەش (6) ملیار و (697) ملیۆن و (622) هەزار دۆلار بووە”.

بەردەوام بە لە خوێندنەوە

کوردستان