ئێمە لە تۆرە کۆمەڵایەتیەکان

کوردستان

كۆمەڵ، مەرجی خۆپاڵاوتن بۆ سەركردایەتی دیاری دەكات


خەڵك-بەشی هەواڵ

بەرپرسی ناوەندی هەڵبژاردنی كۆمەڵی ئیسلامی ڕایدەگەیەنێت، سەركردایەتی بڕیاریداوە كۆتایی ئەمساڵ كۆنگرەی حزبەكە ببەسترێت.
ساڵی 2019 كەمتر لە دوو مانگی ماوە و بڕیارە هەر یەك لە یەكێتی نیشتمانی كوردستان و یەكگرتووی ئیسلامی كوردستان و كۆمەڵی ئیسلامی كوردستان كۆنگرەی حزبەكانیان ببەستن، بەپێی زانیارییەكانیش ئامادەكارییەكانی كۆنگرەی كۆمەڵی ئیسلامی بە سێ قۆناغدا بەڕێوەدەچێت.

هاوژین عومەر بەرپرسی ناوەندی هەڵبژاردنی كۆمەڵی ئیسلامی بە (خەڵك)ی ڕاگەیاند، كۆنگرەی كۆمەڵ سێ قۆناغەو یەكێكیان كۆبوونەوە گشتییەكان و قۆناغی دووەم كۆنفڕانسی مەڵبەندەكان و قۆناغی سێهەم ئەنجامدانی كۆنگرەیە و ئێستا لە قۆناغی یەكەمداین و زۆرینەی مەڵبەندەكان كۆتاییان پێهاتووە.
وتیشی”بەرئەنجامی قۆناغی یەكەم و پێش ئەوەی كۆنفڕانسی مەڵبەندەكان دەستپێبكەین، لە ڕاپۆرتێكدا هەموو بەرچاو ڕوونییەك دەدەینە سەركردایەتی كۆمەڵ و خاڵە ئەرێنێ و نەرنێیەكان ئاشكرا دەكەین ودەبێت هەوڵ بدەین كەمترین گرفتی هونەری و كارگێری و حزبی دروست ببێت”.

سەبارەت بە مەرجەكان و وادەی خۆپاڵاوتنی ئەندامان بۆ سەركردایەتی كۆمەڵ، ناوبراو ئاشكرایكرد، دەبێت كۆنفڕانسەكان تەواو ببێت، ئەوكاتە كاتێك دیاری دەكەین بۆ خۆپاڵاوتن و مەرجەكان ڕایدەگەیەنین، زۆرینەی كەسەكانیش ناسراون، چونكە پڕۆسەیەكی حزبییە و دەبێت خشتەیەكی بۆ دابنرێت.

سەبارەت بە وادەی ئەنجامدانی كۆنگرە، بەرپرسی ناوەندی هەڵبژاردنی كۆمەڵ ڕایگەیاند، ئێمە تەنها بەرچاوڕوونی و پێشنیار دەخەینە بەردەم سەركردایەتی و ئەوان ڕۆژی كۆنگرە دیاری دەكەن.

وتیشی”سەركردایەتی بڕیارێكی پێشوەختیان هەیە تاكو كۆتایی ئەمساڵ هەوڵ بدەن كۆنگرە ئەنجام بدرێت، بەڵام بەڕاستی دەبێت قۆناغی دووەم تەواو بكەین بۆ ئەوەی بە ووردی وادەی كۆنگرەكە دیاری بكرێت ئەویش دەخەینە بەردەم سەركردایەتی كۆمەڵ”.

کوردستان

چەند تووشبوویەكی كۆرۆنا لە هەولێر چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی هەولێر ئاشكرای دەكات، كە چوار تووشبووی كۆرۆنا چاكبوونەوە و دەشڵێت: “كۆی گشتی چاكبووەوەكان گەیشتۆتە 215 كەس”.

د. دلۆڤان محەمەد، بەڕێوەبەری گشتی تەندروستی هەولێر لە ڕاگەیەنراوێكدا ئاماژەی بەوەكرد، كە (4) نەخۆشی تووشبوو بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوونەوە و باری تەندروستیان تەواو جێگیر بۆتەوە و پشكنینی تایبەتی یەك لەدوای یەكیان بۆ كرایەوە و نێگەتیڤ بوو، بۆیە بڕیاردرا بنێردرێنەوە ماڵەوە.

ڕاشیگەیاندووە، كۆی گشتی چابووەوەكان گەیشتە (215) كەس.

د. دلۆڤان دەشڵێت: “سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە”.

بەڕێوەبەری گشتی تەندروستی هەولێر، سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكات، كە پارێزگاری لە تەندروستی هاووڵاتیان دەكەن.

بەردەوام بە لە خوێندنەوە

کوردستان

دوای 6 ڕۆژ تەرمی گەنجەكەی قەڵادزێ‌ دۆزرایەوە


خەڵك- بەشی هەواڵ
دوای 6 ڕۆژ لە دیارنەمانی گەنجێكی قەڵادزێ، بەكوژراوی دۆزرایەوە و هێزەكانی پۆلیسی ناوچەكەش ڕایدەگەیەنن، كە بە فەرمانی دادوەر 2 كەس لەسەر ڕووداوەكە دەستگیر كراون.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ئاماژەی بەوەكردووە، ئێوارەی ئەمڕۆ تەرمی گەنجێك بەناوی ( ڕ . م . ئـ ) لەدایكبووی ساڵی 1993 پیشەی كاسب، دانیشتووی قەڵادزێ (گەڕەكی كارەبا) گەیەندرایە نەخۆشخانەی گشتی قەڵادزێ، كە ئاسەواری گولـلـەیەك بەسەر جەستەیەوە هەیە.

ڕاشیگەیاندووە، بەگوێرەی زانیاریە سەرەتایەكانیش كوژراوە، دوای توێكاری بۆ لاشەكەی بەڕێكرا بۆ پەیمانگای پزیشكی دادوەری سلێمانی.

ئاشكراشی كردووە، دۆسیەی لێكۆڵینەوە بۆ ڕووداوەكە بە ماددەی 406 ڕێكخراوە و بە فەرمانی دادوەریش 2 كەس لەسەر ڕووداوەكە دەستگیر كراون و لێكۆڵینەوەش لەگەڵیاندا بەردەوامە.

بەردەوام بە لە خوێندنەوە

کوردستان

(خەڵك) وردەكارییەكان ئاشكرادەكات
كەركوك، ئەو ژنەی پۆلیسەكەی كوشت دەستگیركرا


خەڵك-بەشی هەواڵ
سەرچاوەیەكی ئەمنی بەرپرس لە پارێزگەی كەركوك ڕایدەگەیەنێت، ئەو ژنەی دەستی لە تاوانی كوشتنی پۆلیسێكدا هەبوو لە پارێزگەكە، دەستگیركرا.

ئەمڕۆ چوار شەممە، سەرچاوەیەكی ئەمنی بەرپرس لە كەركوك بە (خەڵك)ی ڕاگەیاند:”لەدوای ئەنجامدانی لێكۆڵینەوەی ورد و بەدواداچوون، هێزە ئەمنییەكان توانیان سەرەداوی تاوانی كوشتنی پۆلیس (بەهجەت ئەنوەر) بدۆزنەوە كە يە چەقۆ سەربڕدراوە و تەرمەكەشی لەنێو ئۆتۆمبێلەكەیدا بەجێهێڵدراوە”.

بە وتەی سەرچاوەكە:”هێزە ئەمنییەكان توانیان ژنێك بە ناوی (م.ح.ف)وە دەستگیربكەن كە بەشداربووە لە كوشتنی پۆلیسەكە، لە كاتی لێكۆڵینەوەشدا دانی بەوەدا ناوە كە لەگەڵ سێ كەسی تردا دەستییان لە تاوانەكەدا هەبووە”.

ئەو سەرچاوەیە دەڵێت”سێ‌ كەسەكە بەرەو شوێنێكی نادیار هەڵاتوون و پۆلیس لەئێستادا بەدوایاندا دەگەڕێت”، ڕەتیشكردەوە تائێستا هۆكاریی تاوانەكە زانرابێت.

لە یەكەم ڕۆژی جەژندا سەرچاوەیەكی ئەمنی ئاماژەی بە دۆزینەوەی تەرمی پۆلیسێك كردبوو لەنێو ئۆتۆمبێلەكەی لە گەڕەكی عەسكەری، ئەمەش دوای ڕۆژێك لە ڕفاندنی لە شاری كەركوك.

بەردەوام بە لە خوێندنەوە

کوردستان