ئێمە لە تۆرە کۆمەڵایەتیەکان

جیهان

ترەمپ: لەگەڵ ئەردۆغان كۆتایی هێنان بە شەڕمان لەگەڵ كوردەكان تاووتوێ‌ كرد


خەڵك – بەشی هەواڵ

دۆناڵد ترەمپ سەرۆكی ئەمریكا پەیوەندییەكی تەلەفۆنی لەگەڵ ڕەجەب تەیب ئەردۆغان سەرۆكی توركیا ئەنجامدا.

لەبارەی پەیوەندییە تەلەفۆنییەكەوە دۆناڵد ترەمپ سەرۆكی ئەمریكا لە جریوەیەكدا لە تۆڕی كۆمەڵایەتی تویتەر بڵاویكردەوە،”لەگەڵ ڕەجەب تەیب ئەردۆغان سەرۆكی توركیا تاووتوێی بارودۆخی سنوورەكانی توركیایان لەگەڵ سوریا كردووە، هەروەها گفتوگۆیان لەبارەی لەناوبردنی تیرۆر و كۆتایی هێنان بە شەڕی لەگەڵ كوردەكان و چەند بابەتێكی تر كردووە”.

ترەمپ ئاماژەی بەوەشداوە،”ئەردۆغان پێی ڕاگەیاندووە كە چەندین ئەندامی تیرۆریستانی داعشیان دەستگیركردووە، لەنێویاندا هاوسەر و خوشكی تیرۆریست و بكوژ (ئەبوبەكر بەغدادی)”.

سەرۆكی ئەمریكا ئەوەشیخستووەتەڕوو:”چاوەڕێیە ڕۆژی چوارشەممەی داهاتوو 13/11/2019 لە كۆشكی سپی لەگەڵ ڕەجەب تەیب ئەردۆغان سەرۆكی توركیا كۆببێتەوە”.

جیهان

مەترسییەكی دیكەی ڤایرۆسی كۆرۆنا ئاشكرا كرا


خەڵك-بەشی هەواڵ

 

هەوكردنی ڤایرۆسی كۆرۆنا بەتایبەت بۆ ئەو كەسانەی لە نەخۆشی شێرپەنجە ڕزگاریان بووە یاخود ئەو كەسانەی ئەو نەخۆشییەیان هەیە زۆر مەترسیدارترە.
تۆڕی سپوتنیك بڵاویكردەوە، گۆڤاری Lancet ڕاپۆرتی چەند پسپۆڕێكی بڵاوكردووەتەوە كە ئەوان تیمێكی نێودەوڵەتین لە زانكۆكانی جیهان ئەوەیان دەستنیشان كردووە، هەوكردنی ڤایرۆسی كۆرۆنا بەتایبەت بۆ ئەو كەسانەی بە تازەیی لە نەخۆشی شێرپەنجە ڕزگاریان بووە یاخود هێشتا ئەو نەخۆشیەیان هەیە زۆر مەترسیدارە.
لێكۆڵەرەوان، بابەتەكەیان لەسەر 928 كەسی تووشبوو بە شێرپەنجە و تووشبووی كۆرۆنا لە ئەمریكا و كەنەدا و بەریتانیا و ئیسپانیا تاقیكردەوە، بەشێك لەوانە لە نەخۆشخانەكان خەوێنرابوون و 13% شیان كۆچی دواییان كردبوو.
لە لێكۆڵینەوەی دووەمدا، 8ەە هاووڵاتی بەریتانی كە بە هۆكاری جیاواز تووشی شێرپەنجە و كۆرۆنا بوون، زۆرتر ڕووبەڕووی مەرگ بوونەتەوە بەشێوەیەك 28% كۆچی دواییان كرووە.
ساڵانە زیاتر لە ملیۆنێك و 600 هەزار كەس لە ئەمریكا تووشی شێرپەنجە دەبن، ئەمەش لەكاتێكدایە چەندین ملیۆن ئەمریكایی چارەسەریان بۆ دەكرێت بەشێوەیەك نزیكەی 20 ملیۆن كەس چارەسەری شێرپەنجەیان بۆ دەكرێت.

بەردەوام بە لە خوێندنەوە

جیهان

تووشبووانی كۆرۆنا لە جیهان، 6 ملیۆن كەسی تێپەڕاند


خەڵك-بەشی هەواڵ

 

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە شەش ملیۆن و 34 هەزار و 667 حاڵەت.

بە گوێرەی ئامارە جیهانییەكان، تاكو كاتژمێر 9ی ئەمڕۆ شەممە ژمارەی تووشبووانی كۆرۆنا لە جیهاندا گەیشتە شەش ملیۆن و 34 هەزار و 667 حاڵەت، لەو ژمارەیەش ٣٦٦ هەزار و ٨٩٦ حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە ملیۆنێك و 793 هەزار و 530 كەس، هەروەها ١٠٤ هەزار و ٥٤٢ كەسیش گیانیان لەدەستداوە.

بەردەوام بە لە خوێندنەوە

جیهان

لە ڕوسیا زیاتر لە 230 كەسی دیكە بە كۆرۆنا گیانیان لە دەست دا


خەڵك – بەشی هەواڵ
ژمارەی مردن و تووشبوون بە ڤایرۆسی كۆرۆنا لە ڕوسیا زیاد دەكات.

ئەمڕۆ هەینی ژووری ئۆپەراسیۆنەكانی بەرەنگاربوونەی ڤایرۆسی كۆرۆنا لە ڕوسیا ڕایگەیاند لە ماوەی 24 كاتژمێری ڕابردوودا 232 كەسی دیكە بە هۆی تووشبوونیان بە پەتاكە گیانیان لە دەست دا، بەوەش كۆی گشتی حاڵەتەكانی مردن گەیشتە چوار هەزار و 374.

ڕوونیشیكردەوە كە هەر لەو 24 كاتژمێرەدا هەشت هەزار و 572 حاڵەتی نوێی تووشبوون بە كۆرۆنا تۆماركراوە، ئەمەش لە كاتێكدایە كە ئامارەكانی دوێنێ 174 مردن و هەشت هەزار و 338 تووشبوو بوون.

بە پێی ئامارە فەرمییەكان تا ئێستا 387 هەزار و 623 كەس لە ڕوسیا تووشی كۆرۆنا بوون، كە 159 هەزار و 257یان چاكبوونەتەوە.

بەردەوام بە لە خوێندنەوە

کوردستان