ئێمە لە تۆرە کۆمەڵایەتیەکان

کوردستان

پەڕلەمانتارێكی گۆڕان: سەرۆكی حكومەت تەنها بۆ سوێندخواردن هاتۆتە پەڕلەمان


خەڵك – بەشی هەواڵ
بڕیاردەری فراكسیۆنی گۆڕان لە پەڕلەمان كوردستان ڕایدەگەیەنێت، پێویستە بە جدییەتەوە كار بكرێت بۆ چاكسازیكردن و جێبەجێكردنی بەڵێنەكان، كە لەكارنامەی حكومەتدا هاتوون، دەشڵێت: “سەرۆكی ئەنجوومەنی وەزیران لە دوای دەسبەكاربوونیەوە نەهاتۆتە پەڕلەمانی كوردستان، وادەی یاسایی هەریەك لە دەستەی دەستپاكی و داواكاری گشتی و چاودێری دارایی و مافی مرۆڤ تەواو بووە”.

ئاشنا عەبدوڵا، بڕیاردەری فراكسیۆنی گۆڕان لە پەڕلەمان كوردستان بە (خەڵك)ی ڕاگەیاند، ئەمڕۆ ساڵێك تێپەڕی بەسەر یەكەمین دانیشتنی خولی پێنجەمی پەڕلەمانی كوردستان و هەروەها پەڕلەمان لە (۱٠ / ۷ / ۲٠۱۹)، بەپێی ئەو ڕێككەوتنە سیاسییەی لیستە براوەكانی هەڵبژاردنەكانی كوردستان لەسەری ڕێككەوتبوون، متمانەی بەخشییە كابینەی نۆیەمی حكومەتی هەرێمی كوردستان.

وتیشی، “بەگرنگی دەزانم چەند خاڵێك لەسەر ئەدای پەڕلەمان و حكومەت لەدوای دەستبەكاربونیان بخەمەڕوو، بەتایبەت لەم هەلومەرجە سیاسییە دژوارەدا، كە عیراقی پێداتێپەڕدەبێت، بۆیە پێویستە بە جدییەتەوە كار بكرێت بۆ چاكسازیكردن و جێبەجێكردنی بەڵێنەكان، كە لەكارنامەی حكومەتدا هاتوون لەپێناو سەقامگیری و پاراستنی هەرێمی كوردستان و دەستكەوتەكانی”.

ڕاشیگەیاند، ئەركی پەڕلەمانی كوردستان یاسادانان و چاودێری كردن و پەسەندكردنی بودجەیە، پەیوەست بە یاسادانان ئەگەر بەراوردی خولی پێنجەمی پەڕلەمانی كوردستان بكەین بەخولی چوارەم كەمترین یاسا دەرچووە، كە لە پێناو بەرژەوەندی گشتیدا بێت و یاسای چاكسازی هەتاوەكو ئێستا نەهاتۆتە پەڕلەمانی كوردستان، هەروەها كەمترین وەڵامی پرسیار و بەدواداچوونەكانمان دەدرێتەوە چ لەسەر ئاستی لیژنە هەمیشەییەكان و چ لەسەر ئاستی ئەندامانی پەڕلەمان.

ئاماژەی بۆ ئەوەشكرد، سەرۆكی ئەنجوومەنی وەزیران لە دوای دەسبەكاربوونیەوە تا ئێستا نەهاتۆتە پەڕلەمانی كوردستان و كەمترین وەزیریش هاتۆتە پەڕلەمان و سەردانی لیژنە تایبەتمەندەكانیان كردووە، لەگەڵ ئەوەشدا وادەی یاسایی هەریەك لە دەستەی دەستپاكی و داواكاری گشتی و چاودێری دارایی و مافی مرۆڤ تەواو بووە، هیچ شتێكیش نەكراوە.

ئاشنا عەبدوڵا وتیشی، “حكومەتی هەرێم بەرهەمی گفتوگۆ و ڕێككەوتنی لایەنەكانە و پێویستە حكومەت ڕێككەوتنە سیاسییەكان، كە لەدوای چەندین گەڕی دانیشتن و گفتوگۆ لەچوارچێوەی یاساكاندا هاتۆتە ئاراوە جێبەجێ بكات، جێبەجێكردنی ئەم ڕێككەوتنانەش متمانە لەنێوان لایەنەكاندا پتەو دەكات و وادەكات كاروباری حكومەت لەسەر بنەما دروستەكە بڕوات، كە ئەمەش لەبەرژەوەندی خەڵكی كوردستاندایە.

کوردستان

هاووڵاتییەكی دیكەی تووشبووی كۆرۆنا لە سلێمانی گیانی لەدەستدا


خەڵك – بەشی هەواڵ

بەڕێوبەری نەخۆشخانەی شەهید تاهیر عەلی والی بەگ ڕایدەگەیەنێت ، شەوی ڕابردوو هاووڵاتییەكی دیكەی تووشبووی كۆرۆنا لە سلێمانی گیانی لەدەستدا، كە پێشتریش چەند نەخۆشییەكی دیكەی هەبووە.

ئازاد هەورامی ، بەڕێوەبەری نەخۆشخانەی شەهید تاهیر عەلی والی بەگ لە لێدوانێكیدا ڕایگەیاندووە، تووشبووەكە زۆرینەی نیشانەكانی ڤایرۆسی كۆرۆنای هەبووە ، پێشتریش چەند نەخۆشییەكی دیكەی هەبووە، بەتایبەتی نەخۆشیی هەناسەتەنگی و كێشەی سییەكانی.
ڕاشیگەیاندووە، تووشبووەكە پیاوێكی تەمەن 64 ساڵە و دوای مانەوەی لە نەخۆشخانە بۆ ماوەی سێ رۆژ، گیانی لەدەستداوە.

ئەمە لەكاتێكدایە، تا ئێستا لە سلێمانی 589 كەس تووشی كۆرۆنا بوون، 163یان چاكبوونەتەوە و 14 تووشبوویان گیانیان لەدەستداوە.

بەردەوام بە لە خوێندنەوە

کوردستان

بۆ تێكەڵ نەبوونی نیشانەكانی كۆرۆنا لەگەڵ نەخۆشییەكانی دیكە ڕەچاوی ئەم خاڵانە بكە


خەڵك – بەشی هەواڵ

لە ئێستادا بەهۆی بڵاوبوونەوەی ڤایرۆسی كۆرۆنا لە شارەكانی هەرێم، هاووڵاتیان بە دەركەوتنی هەندێك نیشانەی سەرەتایی هەست دەكەن تووشی ڤایرۆسەكە بوون، بۆیە بۆ تێكەڵ نەبوونی نیشانەكانی نەخۆشییەكان لەگەڵ (كۆڤید١٩) ڕەچاوی ئەم خاڵانە بكەن.

توشبوون بە ڤایرۆسی كۆرۆنا (كۆڤید١٩) لە ئێستادا هەموو جیهانی سەرقاڵ كردووە، ڕۆژانە بە سەدان هاووڵاتی لەم جیهانە بەهۆی ئەو نەخۆشیەوە گیان لەدەستدەدەن و بە هەزارانی دیكە توشی ئەو پەتا جیهانیە دەبن، كە نیشانەكانی لە زۆرێك لە نەخۆشییە وەرزییە گوازراوەكاندا هەیە.

پزیشكانی نەخۆشییە گوازراوەكان ڕێنمایی هاووڵاتیان دەكەن بەوەی، ئەگەر كۆكە و پژمەت هەبووە ئەوە مانای ئەوە نیە تۆ هەڵگری ڤایرۆسی كۆرۆنا-یت بۆیە پێویستە بەتەواوی نیشانەكانی ئەم ڤایرۆسە لەگەڵ نەخۆرشییەكانی دیكە جیا بكرێتەوە .
نیشانەكانی نەخۆشییەكان:
1. كۆكەی ووشك لەگەڵ پژمە هۆكارەكەی پیسبوونی ژینگەیە.
2. كۆكە لەگەڵ بوونی بەڵغەم و پژمە بوونی ئاوی لوت هۆكارەكەی وەرگرتنی سەرمایە بە هەر ڕێگەیەك بێت .
3. كۆكە لەگەڵ بوونی بەڵغەم و پژمە و ئاوی لوت هەست كردن بە ئازاری جەستە و بێ هێزی بوونی تای كەم هۆكارەكەی ئینفلوانزای ئاساییە.
4. كۆكەی ووشك و پژمە و ئازاری جەستە لەگەڵ بێ هێزی بوونی تایەكی بەرز لەگەڵ هەناسە كورتی و تەنگە نەفەسی هۆكاری بوونی (ڤایرۆسی كۆرۆنا) (كۆڤید ١٩) یە.

بەردەوام بە لە خوێندنەوە

کوردستان

ئومێد خۆشناو؛ پەڕلەمان لەبەر خۆپارێزی لە ڤایرۆسی كۆرۆنا كۆنابێتەوە


خەڵك – بەشی هەواڵ

سەرۆكی فراكسیۆنی پارتی دیموكراتی كوردستان لە پەڕلەمانى كوردستان ڕایدەگەیەنێت ، هیچ هۆكارێك نابینین بۆ ئەوەی كۆبوونەوەكانی پەڕلەمان نەكرێ و ڕێچكە ئەساسییەكەی نەگرێتە‌بەر، دەشڵێت،”تاكە هۆكاری كۆنەبوونەوەی پەڕلەمان خۆپارێزییە لە ڤایرۆسی كۆرۆنا نەك بابەتی سیاسی”.

ئومێد خۆشناو ، سەرۆكی فراكسیۆنی پارتی لە پەرلەمان كوردستان بۆ ماڵپەڕی فەرمی حزبەكەی ڕایگەیاندووە، لە ‌ماوەی ڕابردوو لەگەڵ زۆربەی فراكسیۆنەكانی پەڕلەمانی كوردستان گفتوگۆ و ڕاگۆڕینەوەمان هەبووە، ئێستاش هیچ هۆكارێك نابینین بۆ ئەوەی كۆبوونەوەكانی پەڕلەمان نەكرێ و ڕێچكە ئەساسییەكەی نەگرێتەبەر.

ڕاشیگەیاندووە، هەفتەی داهاتوو كۆبوونەوەیە‌كی سەرۆكایەتی پەڕلەمان و سەرۆك فراكسیۆنەكان ئەنجام دەدرێت و ڕێوشوێنەكانی ئەنجامدانی كۆبوونەوەی پەڕلەمانیش دەگیرێتەبەر.
ئاماژەی بۆ ئەوەشكردووە، تاكە هۆكاری كۆنەبوونەوەی پەڕلەمان خۆپارێزییە لە ڤایرۆسی كۆرۆنا نەك بابەتی سیاسی و ئەو جۆرە بابەتانەی پێشتر بە جۆرێك كاریگەرییان هەبوو.

ئاشكراشیكردووە، هیچ گرفتێك نابینین، هەموو لایەك كۆكین لەسەر ئەوەی پەڕلەمان كارەكانی خۆی دەكات و هیچ گرفتێكمان نییە، پەڕلەمان شوێنی چارەسەری كێشەكانە و بە ‌هیچ شێوەیەك لەگەڵ ئەوە نین ببێتە شوێنی كێشە و دەبێ كێشەكانی دەرەوەی پەڕلەمانیش لەناو پەڕلەمان چارەسەریان بۆ بدۆزینەوە.

بەردەوام بە لە خوێندنەوە

کوردستان