ئێمە لە تۆرە کۆمەڵایەتیەکان

جیهانی

خشتە و کاتی یارییەکانی ئەمڕۆی یوروپا لیگ (پێنج شەممە)

خەڵک سپۆرت

ئەمڕۆ ململانێکانی گەڕی چوارەمی قۆناغی کۆمەڵەکانی خولی ئەوروپی “یوروپا لیگ” ئەنجام دەدرێن، هەندێک لە یانەکان لە گەیشتن بە قۆناغی داهاتوو نزیک دەبنەوە و هەندێکی تریشیان هەوڵی گەڕاندنەوە دەدەن بەتایبەت لەم قۆناغەدا کە بە قۆناغی گەڕانەوە ناودەبرێت، گرنگترین ڕووبەڕوبونەوەکانیش ئەمانەن:

ئاستانا – ئالکەمار (٦:٥٠)

ئاپۆیل نیقۆسیا – کاراباگ ئاگدام (٨:٥٥)

دیدیلانجی – سڤیلیە (٨:٥٥)

بازل – خیتافێ (٨:٥٥)

لازیۆ – سێڵتیک (٨:٥٥)

کلوج – ستاد ڕین (٨:٥٥)

ستاندار دو لیاگ – ئینتراخت فرانکفۆرت (٨:٥٥)

کۆپنهاگن – دینامۆ کیێڤ (٨:٥٥)

لوگانۆ – مالمۆ (٨:٥٥)

ڕۆزنبۆرگ – سپۆرتینگ لشبۆنە (٨:٥٥)

لاسک لینز – ئایندهۆڤن (٨:٥٥)

کراسنودار – ترابزۆن سپۆر (٨:٥٥)

بوروسیا مونشنگلادباخ – ڕۆما (١١:٠٠)

وڵفسبێرگەر – ئیستانبوڵ باشاک شەهیر (١١:٠٠)

مانچستەر یونایتد – پارتیزان بەلگراد (١١:٠٠)

سپۆرتینگ براغا – بەشکتاش (١١:٠٠)

وڵڤەرهامبتن – سلۆڤان براتیسلاڤا (١١:٠٠)

ڤۆلفسبۆرگ – جینت (١١:٠٠)

ئۆلیکساندریا – سانت ئیتیان (١١:٠٠)

ئیسپانیۆل – لودۆگۆریس ڕازگراد (١١:٠٠)

فرینکڤارۆزی – سسکا مۆسکۆ (١١:٠٠)

فاینۆرد – یۆنگ بۆیز (١١:٠٠)

گلاسگۆ ڕەینجەرز – پۆرتۆ (١١:٠٠)

ریکلام

جیهانی

سەرۆکی یوڤانتۆس ئامادەیە دەرگای یاریگای یانەکەی دابخات: کێبڕکێی ئێمە و لازیۆ ناوازەیە

خەڵک سپۆرت

ئەندریا ئانێللی ئیتاڵی سەرۆکی یانەی یوڤانتۆس، ئامادەیی یانەکەی بۆ داخستنی یاریگای یوڤانتۆس ئارینا نیشان دەدات، ئەگەر بێتو وەزارەتی تەندروستی ئیتاڵیا داوای ئەو بڕیارەی لێبکەن.

ڤایرۆسی کۆرۆنا لە هەرێمەکانی باکوری ئیتاڵیا تەشەنەی کردووە و بەوهۆیەوە چەندین ڕووبەڕوبونەوەی خولی ئیتاڵیا دواخران، چاوەڕوانیش دەکرێت چەند یارییەکی تر دوابخرێن.

لەم بارەیەوە ئەندریا ئانێللی سەرۆکی یانەی یوڤانتۆس، ڕایدەگەیەنێت :” بەلای ئێمەوە تەندروستی گەلی ئیتاڵیا لەهەموو شتێک گرنگترە، ئامادەین دەرگای یاریگاکەمان بەڕووی هاندەراندا دابخەین و سەرجەم یارییەکانی داهاتوومان بەبێ هاندەر ئەنجام بدەین، ئەوەش لەپێناو پاراستنی گیانی هەوادارانمان”.

هەروەها دەڵێت :”بابەتێکی ئاڵۆز و نەگونجاوە یانەکانی باکوری ئیتاڵیا لە یاریگاکانی ناوەڕاست و باشوری ئیتاڵیا یاریی بکەن، ئەوە بە چارەسەری دۆخەکە نازانین، بەڵکو داخستنی دەرگای یاریگاکان و ئەنجامدانی یارییەکان بەبێ هاندەر بەباشترین چارەسەر دەزانین”.

لەکۆتاییشدا ئاماژە بە ململانێی یانەکەی لەگەڵ یانەکانی لازیۆ و ئینتەرمیلان دەکات و ڕایدەگەیەنێت :” لازیۆ لەم وەرزەدا ئاستێکی ناوازە پێشکەش دەکات، ئەگەر لە مانگی مارس و ئەیپڕڵی داهاتوو بەو ئاستەوە بەردەوامبن بە دڵنیاییەوە کورسییەکی خولی یانە پاڵەوانەکانی وەرزی داهاتوو مسۆگەر دەکەن، پێموابێت ململانێی نێوانمان ناوازەیە، لەلایەکی ترەوە یانەی ئینتەرمیلان بەسەرپەرشتی ئەنتۆنیۆ کۆنتی ئاستێکی بەرز پێشکەش دەکات، وزە و توانایەکی باشیان هەیە و سورن لەسەربردنەوە و بەدەستهێنانی ئەنجامێکی بەهێز، ئەوەش هەمیشە یاریدەدەریان بووە لەسەرکەوتنەکانیاندا”.

بەردەوام بە لە خوێندنەوە

جیهانی

مولەر: بایرن ڕێگەی پێنەدام پەیوەندی بە یانەی مانچستەر یونایتدەوە بکەم

خەڵک سپۆرت

تۆماس مولەری ئەستیرەی ئەڵمانی یانەی بایرن میونشن بە یادەوەرییەکانیدا دەچێتەوە و دووپاتیدەکاتەوە، لە ڕابردوودا نزیکبووە پەیوەندی بە یانەی مانچستەر یونایتدەوە بکات.

مولەر لەم وەرزەدا و لەژێر چاودێری هانز فلیکی ڕاهێنەر ئاستێکی باشی پێشکەش کردووە، لەگەڵ ئەوەی بۆندەکەی بەرەو کۆتایی دەچێت، بەڵام چاوەڕوان دەکرێت لە کۆتایی وەرزدا نوێکردنەوە ئیمزابکات و چەند وەرزێکی تریش مانەوە لە ڕیزەکانی یانە باڤارییەکەی مسۆگەر بکات.

لەچاوپێکەوتنێکدا یاریزانە ناوازەکەی بایرن بە “زە ئەتلەتیک” ڕادەگەیەنێت :” لەساڵی ٢٠١٤ کاتێک لویس ڤان گال ڕاهێنەری یانەی مانچستەر یونایتد بوو، داوای گواستنەوەمی کرد و نزیکبوو پەیوەندییان پێوە بکەم، بەڵام ئیدارەی بایرن لەوکاتەدا پێیان ڕاگەیاندم کە پلانیان نییە بمفرۆشن و بۆندە پێشکەشکراوەکانی مانچستەریان ڕەتکردەوە”.

هەروەها دەڵێت: لەو کاتەدا بیرم لە مانچستەر و یاریکردن بۆ ئەو یانەیە کردەوە، چونکە ئیمزاکردنی بۆندەکەم زۆر نزیکبوو، دواتر بایرن کۆتایی بە گفتوگۆکان هێنا.

هەروەها لەبارەی نوێکردنەوەی بۆندەکەیەوە لەگەڵ بایرن ڕایدەگەیەنێت، کە نوێکردنەوەی بۆندی هەر یاریزانێک پەیوەندی بەو ئاست و ئەنجامانەوە هەیە کە یاریزانان لەکۆتایی وەرزدا پێشکەشی دەکەن، نەک ناو و ناوبانگ و ئەزمون و تەمەن و هەر بابەتێکی دیکە.

بەردەوام بە لە خوێندنەوە

جیهانی

بەهۆی هەشت داواکارییەوە چاڤی و بەرشلۆنە نەگەیشتونەتە ڕێککەوتن

خەڵک سپۆرت

دوای دوورخستنەوەی ئێرنێستۆ ڤاڵڤێردی، ئیدارەی یانەی بەرشلۆنە هەوڵیانداوە چاڤی هێرناندێز لەپێگەکەی دابین بکەن، بەڵام بەهۆی داواکارییەکانی راهێنەری داواکراوەوە بۆندەکە شکستیهێناوە.

ماڵپەڕی “بێلد سپۆرت” لە ئێزگەی “کادینا سێر”ی ئیسپانییەوە ئاشکرای کردووە، لەماوەی ڕابردوودا چاڤی هێرناندێز بە سەرچاوەکانی ڕاگەیاندووە :” خەونم ئەوەیە دووبارە پەیوەندی بە یانەی بەرشلۆنە بکەمەوە و پۆستی ڕاهێنەرایەتی ئەو یانە مێژووییە بەدەستبهێنم، بەڵام لەئێستادا کاتی نەهاتووە”.

بەپێی هەردوو سەرچاوەکە، چاڤی هەشت داواکاری لە ئیدارەی یانە کەتەلۆنییەکە هەبووە، داواکارییەکانیش لەچەند ڕوویەکەوە بوون لەنمونەی: کۆنتڕۆڵکردنی هەردوو سێکتەری هونەری و وەرزشیی و گەڕانەوەسەر فێرگەی لاماسیا و بەکارخستنی هاوڕێ کۆنەکانی لە یانەکە لەنمونەی: پویۆڵ و ئینێستا.

بێلد سپۆرت نوسیویەتی، ئیدارەی جوسێپ ماریا بارتومیۆ ئامادەنەبوون داواکارییەکانی چاڤی جێبەجێ بکەن بۆیە هیچ وەڵامێکیان بۆی نەبووە، بەڵکو ئەوەش کۆتایی بە گفتوگۆکان هێناوە و گواستنەوەکە شکستیهێناوە.

لەدوای دوورخستنەوەی ڤاڵڤێردی، بەڕێوەبەرانی بارسا سەرکەوتوبوون لە دابینکردنی کیکی سیتین وەک ڕاهێنەری یانە، لەبەرامبەردا کاندیدە نوێیەکان بۆ پۆستی سەرۆکایەتی یانە بەڵێن دەدەن ئەگەر سەرۆکایەتی یانە بەدەستببهێنن ئەوا چاڤی دەگەڕێننەوە و ئەوکارە دەکەن، کە ئیدارەی بارتومیۆ پێینەکراوە.

بەردەوام بە لە خوێندنەوە

کوردستان