ئێمە لە تۆرە کۆمەڵایەتیەکان

جیهانی

مارۆتا لەبارەی داهاتووی سانچێزەوە هەڵوێستی ئینتەرمیلان ئاشکرا دەکات !

خەڵک سپۆرت

ئیدارەی یانەی ئینتەرمیلانی ئیتاڵی و ئەنتۆنیۆ کۆنتی ڕاهێنەر لە ئاست و ڕەفتاری ئەلێکسیز سانچێزی چیللی ڕازین و بڕیاریانداوە بۆندی هەمیشەیی بۆ گواستنەوەی پێشکەش بکەن.

ئەستێرەکەی لارۆخا کە بە “نینۆ ماراڤیا” ناسراوە، لە گواستنەوەکانی هاوینەی ڕابردوو بەشێوەی خواستن بۆ ماوەی وەرزێک لە یانەی مانچستەر یونایتدەوە ڕوویکردە ئینتەرمیلان، بەوەش بووە دووەم یاریزانی یونایتد لە یەک وەرزدا ڕوو لە یانەی مارە شینە ئیتاڵیەکان دەکات.

لەم بارەیەوە بیپی ماروتا بەڕێوەبەری جێبەجێکاری “نێراتزۆری” ڕایگەیاندووە :” هەر پاڵەوانێتی و خولێک خەسڵەتی تایبەتی خۆیی هەیە و پێویستمان بەتوانای هونەری سەرجەم یاریزانانە، ئەلێکسیز سانچێز هەڵوێست و ئاستی نایاب بووە و بێگومان بۆندی هەمیشەیی بۆ گواستنەوەی پێشکەش دەکەین”.

“نینۆ ماراڤیا”ی تەمەن ٣٠ ساڵ پاش تێکچونی پەیوەندیەکانی لەگەڵ ئۆلی گۆنار سۆڵشایەری ڕاهێنەری مانچستەر یونایتد بەشێوەی خواستن ڕوویکردە یانەی ئینتەرمیلان، لەم وەرزەدا تەنها چوار ڕووبەڕوبونەوەی ئەنجامداوە و تاکە گۆڵێکی تۆمار کردووە، بەهۆی پێکانەوە ماوەیەکە لە یاریکردن دوورکەوتۆتەوە، بەڵام ئەنتۆنیۆ کۆنتی ڕاهێنەری نوێی یانە ئیتاڵیەکە پێی وایە بۆ داهاتوو کاریگەری لەسەر پێکهاتەکە دەبێت بەوپێیەی خاوەنی ئەزمونە و لە چەندین یانەی زەبەلاح یاریی کردووە.

جیهانی

مۆرینۆ ماڵئاوایی لە یاریزانانی هەڵبژاردەی ئیسپانیا کرد و ئینریکی گەڕایەوە !

خەڵک سپۆرت

دوای کۆتایی هاتنی ڕووبەڕوبونەوەی نێوان هەڵبژاردەی ئیسپانیا و ڕۆمانیا، ڕۆبرت مۆرینیۆی ڕاهێنەر ماڵئاوایی لە یاریزانانی هەڵبژاردەی ماتادۆرەکان کرد و دواتر یەکێتی تۆپی پێی ئیسپانیا دووبارە گەڕانەوەی لویس ئینریکی ئاشکرا کرد.

ڕۆژنامەی “مارکا”ی ئیسپانی لەچەند سەرچاوەیەک لە ژووری جلگۆڕینەکانی هەڵبژاردەی ئیسپانیاوە پێی زانیوە، شەوی ڕابردوو پاش سەرکەوتنی هەڵبژاردەی ئیسپانیا بە ئەنجامی پێنج گۆڵ بەرامبەر ڕۆمانیا، ڕۆبەرت مۆرینۆ تەواوی ستافی ڕاهێنان و یاریزانانی کۆکردۆتەوە و پێی ڕاگەیاندوون، کە چیتر لە پۆستەکەیدا بەردەوام نابێت.

بەپێی سەرچاوەکە، مۆرینۆ بە گریانەوە ئامێزی بۆ یاریزانەکانی گرتۆتەوە و دواتریش ئامادە نەبووە هیچ کۆنگرەیەکی ڕۆژنامەوانی ئەنجام بدات.

مارکا جەخت دەکاتەوە، لەسەر داوای لویس ڕوبیالیسی سەرۆکی یەکێتی تۆپی پێی ئیسپانیا دووبارە لویس ئینریکی ڕاهێنەری پێشوو دەگەڕێتەوە و پۆستی ڕاهێنانی ماتادۆرەکان لە یورۆی ٢٠٢٠ و مۆندیالی ٢٠٢٢ی قەتەر وەردەگرێت، ئەم بابەتەش پاش چەند کاتژمێرێک لە جموجۆڵیمۆرینۆ بەفەرمی ئاشکرا کرد وڕوبیالیس ڕایگەیاند :” ئینریکی دەگەڕێتەوە و مۆرینۆ بخۆی داوای کردووە لە ستافی ڕاهێنان دووربخرێتەوە”.

لویس ئینریکی لە ماوەی ڕابردوودا بەهۆی نەخۆشکەوتنی کچەکەیەوە دەستی لە پۆستی ڕاهێنانی ئیسپانیا هەڵگرت، دوای کۆچی دوایی کچەکەی چەند مانگێک بێکار بوو و بە بۆچونی میدیاکارانی وڵاتەکە (ئیسپانیا) کاتی ئەوە هاتووە دووبارە بگەڕێتەوە و ئەو ئەرکە جێبەجێ بکات کە نەیتوانی لە پاڵاوتنەکانی یورۆی ٢٠٢٠ نەیتوانی جێبەجێی بکات.

بەردەوام بە لە خوێندنەوە

جیهانی

لێپرسراوی کارەکانی گواردیۆلا: هیچ شتێک مەحاڵ نییە، بەڵام…

خەڵک سپۆرت

لێپرسراوی کارەکانی پیپ گواردیۆلا دووپاتی دەکاتەوە، بریکارەکەی بەهیچ شێوەیەک لەگەڵ یانەی بایرن میونشن گفتوگۆی گەڕانەوەی نەکردووە.

جوسێپ ماریا ئورۆپیتیجی لێپرسراوی یاسایی کاروبارەکانی پیپ گواردیۆلا لە چاوپێکەوتنێکدا بە ماڵپەڕی “گۆڵ”ی نێودەوڵەتی ڕاگەیاندووە :” لە بواری تۆپی پێدا هیچ شتێک مەحاڵ نییە و ئەگەری ڕوودانی هەیە، بەڵام چوارشەممەی ڕابردوو لەگەڵ گواردیۆلا قسەم کرد و جەختی کردەوە، کە بارودۆخی لە یانەی مانچستەر سیتی باشە، پێی وتم کە هەست بە ئارامی دەکات لەشاری مانچستەر، بریکارەکەم بۆندی ئیمزاکراوی لەگەڵ ئیدارەی سیتی تا هاوینی ٢٠٢١ بەردەوامی دەبێت”.

هەروەها دەڵێت :” هیچ بەرپرس و کەسایەتیەکی بایرن میونشن لەگەڵ من و گواردیۆلا قسەیان سەبارەت بە گەڕانەوەمان بۆ ئەڵمانیا نەکردووە، ئەوەی دەوترێت تەنها کاری میدیاکانە و هەر ئەوانیش بەردەوام لەو بارەیەوە پرسیارم لێدەکەن”.

لێدوانەکانی ئورۆپیتیجی پاش ئەوە دێت، کە میدیاکانی ئەڵمانیا لەدوای دوورخستنەوەی نیکۆ کۆڤاچ لە پۆستی ڕاهێنەری بایرن و ئاڵوگۆڕی ئیدارەی یانەکە بڵاویان کردەوە، کە نوێنەرانی باڤاری گفتوگۆیان لەگەڵ ڕاهێنەرە ئیسپانیەکە کردووە و دووبارە داوایان لێکردووە پۆستی ڕاهێنەری باڤاری وەربگرێت.

بەردەوام بە لە خوێندنەوە

جیهانی

ئۆبی میکێل: هازارد تەمبەڵترین یاریزانە تائێستا یارییم لەگەڵدا کردووە

خەڵک سپۆرت

جۆن ئۆبی میکێلی نایجیری ئەستێرەی یانەی تراپزۆن سپۆری تورکی بە یادوەریەکانیدا دەچێتەوە و لەبارەی ئیدین هازاردی بەلجیکی ئەستێرەی نوێی یانەی ڕیاڵ مەدریدەوە چەند زانیارییەکی نەبیستراو ئاشکرا دەکات.

ئۆبی میکێل و ئیدین هازارد سەردەمێک لە یانەی چێڵسیەوە هاوشانی یەکتر یارییان کردووە و شارەزای یەکتر بوون، بۆیە یاریزانە نایجیریەکە لەتوانایدایە چەند زانیارییەک دەربارەی یاریزانەکەی یانەی شاهانە ئاشکرا بکات و بە تۆڕی “بین سپۆرت”ی ڕاگەیاندووە :” هازارد بەهرەیەکی ناوازەیە، ڕەنگە هاوشێوەی لیۆ مێسی نەبێت، بەڵام بە پێیە جادوییەکانی لەنێو یاریگادا هەرچییەکی بوێت دەتوانێت بیکات”.

هەروەها دەڵێت :” هەرگیز حەزی بەوە نەبوو بەشێوەیەکی قورس مەشق و ڕاهێنان بکات، لەکاتێکدا ئێمە لە مەشقەکاندا کارمان دەکرد ئەو تەماشای ئێمەی دەکرد و چاوەڕوانی دەکرد ئەرکە قورسەکان کۆتایی پێبهێنین، کەچی لە کۆتایی هەفتەدا کاتێک یارییمان دەبوو دەبووە پیاوی یاریی، بەڕاستی ناوازە بوو”.

هازارد لە گواستنەوەکانی هاوینەی ڕابردوو بەبڕی ١٠٠ ملیۆن یورۆ لە یانەی چێڵسی ئینگلیزیەوە ڕوویکردە یانەی ڕیاڵ مەدرید، شارەزایان پێیان وایە لەدوای خۆگونجاندنی لە ڕیزەکانی شاهانە دەتوانێت جێگەی کریستیانۆی ئەفسانە بگرێتەوە.

بەردەوام بە لە خوێندنەوە

کوردستان