ئێمە لە تۆرە کۆمەڵایەتیەکان

کوردستان

مەسرور بارزانی باسی پەیوەندی خۆی و قوباد تاڵەبانی دەكات


خەڵك – بەشی هەواڵ
سەرۆكی حكومەتی هەرێمی كوردستان ڕایدەگەیەنێت، پەیوەندی لەگەڵ جێگرەكەی و وەزیرەكان باشە و دەڵێت: “دەمانەوێت بەپێی داتا بڕیار بدەین نەك بە میزاج”.

مەسرور بارزانی، سەرۆكی حكومەتی هەرێمی كوردستان لە پانێڵێكی دیداری مێری ڕایگەیاند، “پەیوەندیم لەگەڵ جێگری سەرۆكی حكومەت و وەزیرەكان زۆر باشە و گونجاندنی باشم هەیە لەگەڵ كاك قوباد”.

ئاماژەی بەوەشكرد، وەزیرەكان زۆر جدین لە كارەكانیان و ئێمە هاتووین خزمەتی خەڵك بكەین، هەمان ڕۆحیەتم لە وەزیرەكان بینیوە.

ڕاشیگەیاند، كەرتی پەروەردە بناغەی پێشكەوتنی وڵاتە و بودجەیەكی تایبەتیم بۆ ئەو كەرتە تەرخان كردووە، چونكە لە ئێستادا پێویستمان بە 35 هەزار پۆلی خوێندن هەیە.

وتیشی، “سەرۆكایەتی حكومەتی هەرێممان وەك ئەرك و بەرپرسیارێتی وەرگرتووە نەك بۆ دەستكەوتی كەسی و چاومان لەوەیە سێكتەرەكانی پەروەردە و تەندروستی گرنگیەكی تایبەتییان پێ‌ بدەین”.

جەختیشی كردەوە، كە كار بۆ نەهێشتنی ڕۆتین و بە ئەلیكترۆنی كردنی دامەزراوەكان دەكەین و دەمانەوێت بە داتا بڕیار بدەین نەك بە میزاج.

سەرۆكی حكومەتی هەرێم دەشڵێت: “دەمانەوێت لەگەڵ بەغدا بگەینە ڕێككەوتن و دەشمانەوێت بەپێی دەستوور كێشەكان چارەسەر بكەین و هەوڵی جدیشمان داوە بۆ ئاسایی كردنەوەی پەیوەندییەكان”.

دووپاتیشی كردەوە، كە چاومان لەوەیە، كە سەرچاوەی سەرەكی داهات تەنها نەوت نەبێت و دەمانەوێت سەرچاوەكانی داهات هەمەجۆر بكەین.

سەبارەت بە كەرتی تەندروستی، مەسرور بارزانی وتی، “دەمانەوێت گرنگی زیاتر بە كەرتی تەندروستی بدەین و لەبری خەرجی بۆ ناردنە دەرەوە بۆ چارەسەر، كەرتی تەندروستی بگەیەنینە ئاستی جیهانی و خەڵك بۆ چارەسەر بێنە هەرێم”.

دەربارەی فەرمانبەران ڕایگەیاند، كە دەبێت فەرمانبەران زۆر مەمنون بن هاووڵاتیان لە كارەكانیان ڕازی بن.

بۆ سیستمی باج ئاشكرای كرد، دەمانەوێت سیستمی باج ڕێكبخەینەوە و لە كۆمپانیاكان وەریبگرین نەك لەسەر خەڵكی هەژار و كەمدەرامەت و باری سەرشانیان قورس بكەین.

کوردستان

شارەزوور؛شۆفێری دەڕاسەیەك گیانی لەدەستدا


خەڵك – بەشی هەواڵ
لە شارەزوور لەكاتی بردنی نانی بەیانی بۆ شۆفێری دەڕاسەیەك، كە كاری بۆ جوتیارێك كردووە، جوتیارەكە بێ ئاگا لەوەی شۆفێری دەڕاسەكە لە نزیك گەنمەكەی پشووی داوەو خەوی لێكەوتووە، بە ئۆتۆمبیلەكەی بەسەردا ڕۆیشتووەو بەوهۆیەوە گیانی لەدەستداوە.

خاوەن زەوییەكە نانی بەیانی ئەمڕۆ هەینی 5-6-2020 لەكاتی نان بردنی بۆ شۆفێری دەڕاسەكە نەیزانیوە شۆفێری دەڕاسەكە لە نزیك گەنمەكەی پشووی داوەو خەوی لێكەوتووە، بەئۆتۆمبیلەكەی بەسەردا ڕۆیشتووە و بەوهۆیەوە شۆفێری دەڕاسەكە گیانی لەدەستداوە.

بە پێی زانیارییەكان، شۆفێری دەڕاسەكە ناوی (عوسمان مەحمود حەمەخان)ە و خەڵكی گوندی دسكەرەیە، لە زەوی كەسێكدا بە دەڕاسەكەیەوە درەوی گەنمی كردووە.

بەردەوام بە لە خوێندنەوە

کوردستان

خۆبەخشانی لافارج هاوكاری پیاو پیرەكەی كرد


خەڵك – بەشی هەواڵ

خۆبەخشانی لافارج لە ڕۆژی ژینگەی جیهانی بە كارێكی بچوك كەرەستەی خۆپارێزی بەشی ١٠٠ ڕۆژیان لە ماسك و دەستكێش و جێڵی پاكردنەوەی دەستیان بۆ ئەو پیاوە پیرەی دوێنێ لە ناوبازاری سلێمانی بە ماسك و دەستكێشەوە بژێوی ڕۆژانەی دابین دەكرد دابین كرد.

خۆبەخشانی لافارج لە ڕاگەیەنراوێكدا بڵاویانكردەوە ، لە ڕۆژی ژینگەی جیهانی دا وەك كارێكی بچوك بۆ پیاوێكی مەزن و ڕۆشنبیر ئەو پیاوەی دوێنێ بە ماسك و دەستكێشەوە لەبازاری سلێمانی خەریكی پەیداكردنی بژێوی خۆی و خێزانەكەی بووە بەشی ١٠٠ ڕۆژ لە ماسك و دەستكێش و جێڵی پاكردنەوەی دەستیان بۆ دابین كرد.

هاوكات ناسیح عەلی خەیات ، فۆتۆگرافەری وێنەی ئەو پیاوە ڕۆشنبیرەی لە تۆڕە كۆمەڵایەتیەكان دەنگدانەوەی زۆری بەدوای خۆیدا هێنا ئەمڕۆ پۆستێكی كردووە و لەگەڵ ئەو پیاوە دەركەوتووە داوا دەكات هەر كەس بە نیازی هاوكاری ئەو پیاوەیە دەتوانێت پەیوەندی پێوە بكات.

بەردەوام بە لە خوێندنەوە

کوردستان

بەوێنە؛ وەزارەتی ئەوقاف نوێژی هەینی بە پێی ڕێنماییەكان ئەنجام درا


خەڵك – بەشی هەواڵ

وەزارەتی ئەوقاف و كاروباری ئایینی حكومەتی هەرێم ڕایدەگەیەنێت ، لە مزگەوتەكانی هەرێمی كوردستان بە پێی پابەندبوون بە خۆپارێزی و جێ بەجێ كردنی ڕێنماییە تەندروستییەكان نوێژی هەینی ئەنجامدرا.

وەزارەتی ئەوقاف و كاروباری ئایینی حكومەتی هەرێم لە ڕاگەیەنراوێكدا، كە وێنە وێنەیەكی دەست (خەڵك) كەوتووە ڕایگەیاندووە، ئەمڕۆ هەینی 5ی حوزەیران2020 لە بەشێكی زۆر لە مزگەوتەكانی هەرێمی كوردستان نوێژی هەینی بە پێی پابەندبوونی هاووڵاتیان بە خۆپارێزی و جێ بەجێ كردنی ڕێنماییە تەندروستییەكان نوێژی هەینی ئەنجامدرا.

بەردەوام بە لە خوێندنەوە

کوردستان