ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

شاومی کاتژمێری زیرەکی Mi Watch ی ڕاگەیاند کە دیزاینی نزیکە لە کاتژمێرەکەی ئەپڵەوە

خەڵک-

لە کۆنگرەکەی دوێنێیدا شاومی کاتژمێرێکی زیرەکیشی ڕاگەیاند کە نرخێکی گونجاوی هەیە و بە ١٨٥ دۆلاری ئەمریکییە و تا ڕادەیەک هاوشێوەی دیزاینی کاتژمێری ئەپڵە.

کاتژمێرەکە کار بە سیستەمی Wear OSی کۆمپانیایی گوگڵ دەکات بۆ کاتژمێرە زیرەکەکان، و شاشەکە لە جۆری ئەمۆلێدە و قەبارەی 1.78 ئینجە و خاوەنی ٣٢٦ پێکسڵە بۆ هەر ئینجێکی و باترییەکەی ٥٧٠ میلی ئەمپێرە.

پڕۆسێسەرەکەی Qualcomm Snapdragon Wear 3100 ـە و خاوەنی ڕامێکی یەک گێگابایتە ٨ گێگابایتی بیرگەیە.

کاتژمێرەکە وایفای و بلوتوثی هەیە و پشتگیری تەکنەلۆژیای eSIM دەکات بۆ ئینتەرنێتی 4G، هاوشێوەی مۆبایلەکانی شاومی ڕوکارێکی تایبەتی دیزاین کردووە بۆ کاتژمێرەکەی هاوشێوەی MIUI بۆ مۆبایلەکان.

هەروەها شاومی ئەپی تایبەتی درووستکردووە بۆ ڕیکۆردەر و ئەپی تێبینییەکان و کۆگای تایبەتی خۆی هەیە بۆ دابەزاندنی ئەپەکان، هەواڵە ناخۆشەکە بۆ بەکارهێنەران ئەوەیە تەنها لە چین بەردەست دەبێت بە نرخی ١٨٥ دۆلار.

 

ریکلام

ئۆتۆمبێل و تەکنەلۆژیا

نرخی مۆبایلی Galaxy Z Flip دەگاتە ١٤٠٠ دۆلاری ئەمریکی

خەڵک-سەلمان خالید

لە میانەی ڕاگەیاندنی زنجیرە مۆبایلەکانی گالاکسی ئێس ٢٠ پێشبینی دەکرێت هەر لە رێکەوتی ١١ ی مانگی دوو کۆمپانیا کۆرییەکە مۆبایلێکی چەماوەش ڕابگەیەنێت.

پێشبینی دەکرێت نرخی S20 Ultra بگاتە ١٣٠٠ دۆلار لەگەڵ بوونی Galaxy Buds+ ێکدا، هەروەها نەوەی دووەمی مۆبایلە چەماوەکەی سامسۆنگ بەناوی Galaxy Z Flip نرخی دەستپێکی بگاتە ١٤٠٠ دۆلاری ئەمریکی.

مۆبایلی Galaxy Z Flip پشتگیری بارگاویکەرەوەی ١٥ واتی دەکات و پێشبینی دەکرێت دیزاینی مۆبایلەکە هاوشێوەی مۆتۆ ڕاز ٢٠١٩ بێت کە ساڵی پێشوو لەلایەن لینۆڤۆ وە ڕاگەیەنرابوو.

ڕکابەری مۆبایلە چەماوەکان لە ئێستادا لە نێوان سامسۆنگ و هواوی و لینۆڤۆدایە و سامسۆنگی کۆری ساڵی پێشوو توانی بەشێکی زۆری بازاڕی ئەم مۆبایلانە داگیربکات.

Image result for Galaxy Z Flip

بەردەوام بە لە خوێندنەوە

ئۆتۆمبێل و تەکنەلۆژیا

ڕاپۆرتێک: ئەڤاست زانیاری وێبگەڕی بەکارهێنەران کۆدەکاتەوە و دەیانفرۆشێت

خەڵک-سەلمان خالید

کۆمپانیای پارێزگاری ئەڤاست ڕاپۆرتی لەسەر بەرزکراوەتەوە کە هاوشێوەی کۆمپانیاکانی دیکە هەڵدەستێت بە کۆکردنەوەی زانیاری گەڕانی بەکارهێنەران لە وێبگەڕەکاندا هاوشێوەی گووگڵ و مایکرۆسۆفت و ئەوانی تریش.

ڕاپۆرتەکە لە ئەنجامی لیکۆڵینەوەی Motherboard و PCMagـە، کە لە زانیارییەکانی لایەنی دووەمەوە دەستیان کەوتووە.

ئاماژەیان بەوەکردووە پاش دابەزاندنی لەسەر کۆمپیوتەری بەکارهێنەران هەڵدەستێت بە کۆکردنەوەی زانیاری بەکارهێنەران و چالاکییەکانیشیان، هەروەها کۆمپانیاکە هەڵدەستێت بە فرۆشتنەوەی ئەو زانیارییانە.

Image result for Avast Collected and Sold Users’ Web Browsing Data: Report

پڕۆسەکە لە ژێر ناوی “All Clicks Feed” دایە، کە شوێن چالاکییەکانی بەکارهێنەران دەکەوێت و ئەم زانیارییانەش داهاتێکی زۆریان دەبێت.

جێگەی ئاماژەیە دژەڤایرۆسی ئەڤاست بەکارهێنەرێکی زۆری هەیە و ساڵانێکی زۆرە بەکاردێت لەلایەن بەکارهێنەرانی کۆمپیوتەرەوە و چاوەڕێ دەکرێت ئەم هەنگاوەی ئەڤاست ناڕەزایی بەکارهێنەرانی لێ بکەوێتەوە.

بەردەوام بە لە خوێندنەوە

ئۆتۆمبێل و تەکنەلۆژیا

بەرواری ڕاگەیاندنی مۆبایلی POCO X2 ئاشکراکرا

خەڵک-سەلمان خالید

پاش جیابوونەوەی لە کۆمپانیای شاومی، کۆمپانیای پۆکۆ بەرواری ٤ ی مانگی دووی ئاشکراکرد بۆ ڕاگەیاندنی مۆبایلی POCO X2 کە پێشبینی دەکرێت هەڵگری هەستەوەری کامێرای سۆنی بێت لە جۆری IMX686.


هەروەها مۆبایلە چاوەڕێ دەکرێت خاوەنی پڕۆسێسەری سناپدراگۆن بێت و شاشەکەی لە جۆری LCD بێت بە بوونی دەرچەی USB-C و دەرچەی ئۆکس.

هەروەها پێشبینی دەکرێت تێکڕای نوێبوونەوەی شاشەی POCO X2 بریتی بێت لە 120 هێرتز.

ساڵی پێشوو شاومی POCO F1 ی ڕاگەیاند بوو، کە نرخێکی زۆر گونجاوی هەبوو و نزیکی ٣٠٠ دۆلار بوو، فرۆشێکی زۆری هەبوو لە بازاڕەکانی جیهاندا، ئایا پێشبینی دەکەیت پۆکۆ هەمان سەرکەوتنی پار بەدەست بهێنێت؟

بەردەوام بە لە خوێندنەوە

کوردستان