ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

فایبەر ئۆپتیک چییە؟ کورتەیەک لە مێژووەکەی بزانە

خەڵک-

كێبڵی رووناكی(تيشكی) : ئه‌و جــۆره‌ كێبڵه‌یه‌ كه‌ ڕیشاڵه‌كه‌ى له‌ شوشه‌ى بێگه‌رد دروست ده‌كرێت شێوه‌كه‌ى له‌ شێوه‌ى قژى مرۆڤ ده‌چێت، قه‌باره‌یه‌كى بچوك و كێشیكى كه‌مى هه‌یه‌ به‌ فراوانترین و باشترین شێوه‌ زانیارییه‌كان بۆ دورترین شوێن ده‌گوازێته‌وه‌.

كاركردن له‌م جۆره‌ كێبڵه‌ شاره‌زاییه‌كی باشی ده‌وێت، گرانترین جۆری كێبڵه‌ به‌هۆی ئه‌و تایبه‌تمه‌ندییانه‌ی تێیدایه‌تی، ئه‌م جۆره‌ كێبڵه‌ به‌هیچ شێوه‌یه‌ک شه‌پۆله‌ كارۆموگناتیسیه‌كان و سوڕه‌ كاره‌باییه‌كانی ده‌ورووبه‌ری كاری تێ ناكات و له‌ خێراییەكه‌ی كه‌م ناكه‌نه‌وه‌ له‌ به‌ر ئه‌وه‌ی زانیارییه‌كان به‌ شێوه‌ی رووناكی (لیزه‌ر) ده‌گوازرێنه‌وه‌ به‌ ناو رێره‌وه‌ شوشه‌ييه‌كه‌دا كۆمه‌ڵێک لەو ڕیشاڵانه‌ له‌ ناو چه‌ند پۆشه‌رێك دادەنرێت پێی ده‌وترێت كێبلى رووناكی، له‌به‌ر ئه‌وه‌ی پێكهاته‌ی ئه‌م كێبڵه‌ شوشه‌ییه‌ بۆیه‌ نابێت زۆر بنوشتێنرێتەوە.

Image result for fiber optic

سه‌ره‌تایه‌ك ده‌رباره‌ى پێش كه‌وتنى گه‌یاندنى روناكى (تیشكى) :
1- له‌ساڵى 1854 (جۆن تاندڵ) تاقیكردنه‌وه‌یه‌كى ئه‌نجام دا كه‌ ده‌توانرێت روناكى خوار بكرێت و بنێردرێت هه‌روه‌ها سه‌لماندى كه‌ ده‌توانرێت روناكى گه‌مارۆ بدرێت.
2- له‌ ساڵى 1880 (گراهم بێل) له‌ ئه‌مریكا هه‌ستا بە پێشخستنى ته‌له‌فونى ڕوناكى.
3- له‌ ساڵى 1934 نۆرمان سیستەمێکی تەلەفونی دامەزراند و بەسەرەتای لەدایکبوونی فایبەر ئۆپتیک دادەنرێت.
4- له‌ ساڵى 1958 (ئارپهر شاولو ) و (شارلس) هەستان به‌پێشخستنى ئامێرى لەیزه‌ر.
5- له‌ساڵى 1960 (تیۆدۆر) هەستا به‌ به‌كارهێنانى ئامێرى له‌یزه‌ر كه‌ له‌ یاقوت دروست كرابوو.
6- له‌ ساڵى 1966 پێشنیاركردن بۆ به‌كارهێنانى ریشاڵى شوشه‌ى.
7- له‌ ساڵى 1970 كۆمپانیاى (كۆرنیگ) به‌ پێش خستنى (ریشاڵى شووشه‌یی) كه‌ رێژه‌ى Attenuation واتا لاواز بوون یان وون بوونى تیشكى گه‌یشته‌ 20 db/km.
8- له‌ ساڵى 1979 توانرا رێژه‌ى Attenuation كه‌م بكرێته‌وه‌ بۆ0.2 db/km

سەرچاوە:ئەندازە.

Image result for fiber optic

ریکلام

ئۆتۆمبێل و تەکنەلۆژیا

بەنیازبوون بیگوازنەوە بۆ هەرێم
340 تۆن ئۆتۆمبێلی هەڵوەشاوە دەستیبەسەرداگیرا

خەڵك-بەشی هەواڵ

 

ئاسایشی نیشتمانی عیراق ڕایدەگەیەنێت، دەستیان بەسەر 24 ئۆتۆمبێلی بارهەڵگردا گرتووە كە 24 ئۆتۆمبێلی هەڵوەشاوەیان هەڵگرتبوو، بەنیازبوون بە قاچاخ بۆ هەرێمی كوردستانی بگوازنەوە.

ئاسایشی نیشتمانی عیراق لە ڕاگەیەنراوێكدا كە ئەمڕۆ سێ شەممە بڵاویكردەوە، ئاماژە بۆ ئەوە دەكات، لە ڕۆژئاوای نەینەوا دەستیان بەسەر 340 تۆن ئۆتۆمبێلی هەڵوەشاوە (سكراب)دا گرتووە كە بەنیازبوون بە قاچاخ ڕەوانەی هەرێمی كوردستانی بكەن.

ئاشكراشیكرد، لە ڕۆژئاوای پارێزگای نەینەوا دەستیان بە چڕكردنەوەی هەوڵێكی مەیدانی كردووە، دوای بەدەستهێنانی فەرمانە دادوەرییەكان، دەستیان بەسەر 24 ئۆتۆمبێلی بارهەڵگردا گرتووە كە 24 ئۆتۆمبێلی هەڵوەشاوە (سكراب)یان هەڵگرتبوو، بەنیازبوون بە قاچاخ بۆ هەرێمی كوردستان بەپێچەوانەی ڕێنماییەكان و وەرگرتنی ڕەزامەندی بیگوازنەوە.

ئاشكراشیكرد، شۆفێری سەرجەم ئۆتۆمبێلە بارهەڵگرەكان دەستگیركراون و وتەیان لێوەرگیراوە، دانیشیان بەوەداناوە كاری قاچاخچێتی دەكەن و بەنیازبوون ئەو ئۆتۆمبێلە سكرابانە بە یەكێك لە بازرگانەكانی هەرێمی كوردستان بفرۆشن.

جەختی لەوەش كردەوە، لە ئێستادا سەرجەم تۆمەتبارەكان و ئۆتۆمبێلەكانیان ڕەوانەی لایەنی پەیوەندیدار كراون بۆئەوەی ڕێكاری یاساییان بەرامبەر بگیرێتەبەر.

بەردەوام بە لە خوێندنەوە

ئۆتۆمبێل و تەکنەلۆژیا

گەنجێكی كوردی ڕۆژهەڵات، بۆ یەكەمجار گێڕی ئۆتۆماتیكی دروست كرد

خەڵك-بەشی هەواڵ

 

سەرۆكی زانكۆی تەكنیكی و هونەری ئازەربایجانی ڕۆژاوا ڕایدەگەیەنێت، یەكەم گێڕی ئۆتۆماتیك لە ئێران لەلایەن داهێنەرێكی گەنجی خەڵكی ورمێیەوە دروست كرا.

میدیای ئێرانی بڵاویكرەوە، سیروس یوسفی سەرۆكی زانكۆی تەكنیكی و هونەری ئازەربایجانی ڕۆژاوا ڕایگەیاند، دانانی ئەو گێرە بەپێی زانستی تەكنیكی ناوخۆیە.
وتیشی”ئەو بەرهەمە لە ناوەندی گەشەی زانكۆی تەكنیكی لەلایەن لێكۆڵەرانی ناوچەكە بەرهەم هاتووە و ئیسماعیل عەتارۆد ناوی ئەو گەنجە داهێنەرەیە كە بە سوود وەرگرتن لە پێداویستییەكانی زانكۆی تەكنیكی و هونەری ئازەربایجانی ڕۆژاوا، ئەو گێڕەی دابین كردووە.

ئاشكراشیكرد، ئەو گێڕە زیاتر لەسەر ئۆتۆمبیلی چینی و ناوخۆیی دادەنرێت و زیاتر 90%ی بەشەكانی ئەو گێڕە بەرهەمی ناوخۆیە و داڕشتنی ئەو ئامیرەش هەر تەواو نێوخۆیی و و تایبەتە.

ڕوونیشیكردەوە، پێداویستی ناوخۆ لەلایەك و سەپاندنی گەمارۆكان لەسەر ئێران بووەتەهۆی ئەوەی ئەو گەنجە هەوڵ بدات بە بەرهەمێنانی ئەو ئامیرە بە سوودە.

بەردەوام بە لە خوێندنەوە

ئۆتۆمبێل و تەکنەلۆژیا

هۆشداریی دەدرێت لەبارەی ئەپدەیتە نوێیەكانی ئەپڵ

خەڵك- بەشی هەواڵ
دەسەڵاتدارانی ئاسایشی سیبریانى سعودی، هۆشداریی دەدەن لەبارەی “مەترسی زۆری” ئەپدەیتە نوێيەكانی ئەپڵ.

ناوەندی نیشتمانی و ڕێنماییەكانی ئاسایشی سیبریانی سعودی، هۆشدارییەكی لە ئەكاونتی خۆی لەسەر تۆڕی كۆمەڵایەتی (تویتەر)، بۆ هەموو كەرت و ناوەندەكانی سعودی لەبارەی ئەپیدەیتە نوێيەكانی ئەپلەوە بڵاوكردەوە و ڕایگەیاند”ئەپڵ ژمارەیەك ئەپیدەیتی گرنگی بۆ چارەسەركردنی هەندێك كەلێن لە بەرهەمەكانیدا، دەركردووە”.

ناوەندی ئاسایشی سیبریانی سعودی دەڵێت”پێویستییەكی زۆر هەیە بۆ ئەپدەیتكردنی ژمارەیەك لە بەرهەمەكان كە زۆربەیان بە سیستمی كارپێكردنی (ماك ئۆ ئێس) كاردەكەن، وەك ئامێرەكانی (ماك بوك پرۆ) لە ساڵی 2013 و بەرەو سەر و (ماك بوك ئایر) لە ساڵی 2013وە بەرەو سەر، و (ماك مینی) لە ساڵی 2014وە بەرەو سەر و (ئای ماك) لە 2014وە بەرەو سەر و (ماك بوك) لە 2015وە بەرەو سەر، و (ئای ماك پرۆ) هەموو ئامێرەكانی”.

بە وتەی ناوەندەكە”ئەپدەیتەكانی ئەو ئامێرانەی كە لەلایەن ئەپڵەوە دەركراون، دەكرێت چارەسەری چەندان كەلێن بكەن لە بەرهەمەكانیدا، بۆیە پێویستە بەشێوەیەكی خێرا ئەپدەیت بكرێتەوە”.

ناوەندەكە هۆشداری داوە لەوەی كەلێنەكان  لەلایەن هێرشبەرەكانەوە بقۆزرێنەوە و ئاستی بەكارهێنانەكان لە بەكارهێنەرێكی ئاساییەوە بۆ بەكارهێنەرێكی كارامە لە ئامێرێكدا بگوازنەوە و لێوەی پرۆگرامی خراپ و بە دەسەڵاتێكی باڵاتر جێبەجێ‌ بكەن.

لەبارەی ڕێكارەكانی خۆپارێزیش، ناوەندی ئاسایشی سیبریانی سعودی، بەكارهێنەران ڕادەسپێرێت، ئەو بەرهەمانە ئەپدەیت بكرێنەوە كە كاریگەر دەبن، كۆمپانیای ئەپڵیش لەو بارەیەوە ڕۆنكردنەوەی بڵاوكردۆتەوە.

بەردەوام بە لە خوێندنەوە

کوردستان