ئێمە لە تۆرە کۆمەڵایەتیەکان

ئابوری

ڕێنمایی نوێ‌ بۆ پێدانی مۆڵەتێك بە فەرمانبەران دەردەچێت

خەڵك- بەشی هەواڵ

بەرپرسێكی حكومەتی هەرێمی كوردستان ڕایدەگەیەنێت، هەفتەی داهاتوو بە هەماهەنگی وەزارەتەكانی پلاندانان و دارایی و خوێندنی باڵا و ئەنجوومەنی وەزیران، ڕێنمایی تایبەت بە پێدانی مۆڵەتی خوێندن بە فەرمانبەرانی میری دەردەكرێت.

د. عەبدولڕەزاق محەمەد، بەڕێوەبەری گشتی پەرەپێدانی مرۆیی لە وەزارەتی پلاندانانی حكومەتی هەرێمی كوردستان بە ماڵپەری فەرمیی پارتی ڕاگەیاندووە، “چەند كۆبوونەوەیەك بۆ دەركردنی ڕێنماییەكانی خوێندنی باڵا بۆ فەرمانبەرانی حكومەت لە ناوەوە و دەرەوەی كوردستان كراون و هەفتەی داهاتووش ڕێنماییەكان پەسەند دەكرێن و بڵاودەكرێنەوە.

ڕاشیگەیاندووە، حكومەتی هەرێمی كوردستان پاڵپشتی كەرتی خوێندنە، بۆیە ڕێنماییەكان بە شێوەیەك دەبن، كە لە خزمەت چینی فەرمانبەران بن.

دەشڵێت: “ئەوەی تا ئێستاش هەموو لایەك لەسەری كۆكین ئەوەیە، كە دەبێت مۆڵەتی خوێندن بە تەواوی شایستەكانی مووچە و دەرماڵەوە بدرێت بە فەرمانبەر بۆ ئەوەی خوێندنەكەی تەواو بكات”.

ئابوری

یاسای خانەنشینی دەستكاری دەكرێتەوە

خەڵك- بەشی هەواڵ

دوای هەمواركردنەوەی یاسای خانەنشینی عیراق، بڕیارە لە هەرێمی كوردستانیش یاساكە دەستكاری بكرێتەوە و گۆڕانكاری تێدا بكرێت.

لوقمان وەردی، ئەندامی فراكسیۆنی یەكێتی لە پەرلەمانی كوردستان بە (خەڵك)ی ڕاگەیاند، بڕیارە لە چوارچێوەی پڕۆژەیاسای چاكسازییدا دەستكاری خانەنشینی بكرێتەوە.

دەشڵێت”ئەوەی بەلای ئێمەوە گرنگبووە دەستكاریكردنی خانەنشینی هێزەكانی ناوخۆ و ئاسایشە، چونكە مووچەكانیان زۆر كەمە و ستەمیان لێدەكرێت”.

دەستكاریكردنی مووچەی خانەنشینی لەكاتێكدایە لە عیراقدا دەستكاری یاساكە دەكرێت و تەمەنی خانەنشینی لە 63 ساڵەوە كەمدەكرێتەوە بۆ 60 ساڵ، بۆ ئەوەی ژمارەیەكی زۆر لە فەرمانبەران خانەنشین ببن و بتوانرێت كەسانی گەنج وەك فەرمانبەران دابمەزرێن.

مووچەی خانەنشینی هێزەكانی ناوخۆ و ئاسایش شەش ساڵ پێش ئێستا خوێندنەوەی یەكەمی بۆ كرا، بەڵام بەهۆی ڕازینەبوونی حكومەتەوە دواخرا.

بەپێی پڕۆژەیاساكە هەر كارمەندێكی پۆلیس و ئاسایش دوای 15 ساڵ خزمەت دەتوانێت داوای خانەنشینی بكات و ئەگەر خزمەتەكەشی گەیشتە 25 ساڵ دەتوانێت بە 80%ی تەواوی مووچەوە خانەنشین ببێت.

بەردەوام بە لە خوێندنەوە

ئابوری

یەك شەممەی داهاتوو مووچەی یەك وەزارەت دابەش دەكرێت

خەڵك- بەشی هەواڵ

وەزارەتی دارایی و ئابوری حكومەتی هەرێمی كوردستان، خشتەی دابەشكردنی مووچەی سەرەتای هەفتەی داهاتووی بڵاوكردەوە.

بەپێی خشتەیەك كە وێنەیەكی بۆ (خەڵك) نێردراوە، مووچەی مانگی ئابی وەزارەتی كار و كاروباری كۆمەڵایەتی و توێژی كەمئەندامان دابەش دەكرێت.

دابەشكردنی مووچەی مانگی ئابی ئەمساڵ لەكاتی خۆیدا دابەشنەكرا و چەند ڕۆژێك دواخرا و پێشبینی دەكرێت لەگەڵ هاتنی پارەكەی بەغدادا خێرایی بدرێت بە دابەشكردنی مووچە.

بەردەوام بە لە خوێندنەوە

ئابوری

ئەمڕۆ مووچەی دوو شوێن دابەش دەكرێت

خەڵك- بەشی هەواڵ

ئەمڕۆ بڕیارە مووچەی هەریەك لە كارمەندانی وەزارەتی شەهیدان و ئەنفالكراوەكان و كەسوكاری شەهیدان و ئەنفالكراوەكان و زیندانیانی سیاسی دابەش دەكرێت.

بەپێی خشتەیەك كە لە وەزارەتی دارایی و ئابوورییەوە بڵاوكراوەتەوە، ئەمڕۆ مووچەی مانگی ئابی ئەو شوێنانە دابەش دەكرێت.

دابەشكردنی مووچەی مانگی ئاب لەكاتێكدایە چارەنوسی سێ‌ مووچەی ئەمساڵ نادیارە و نازانرێت ساڵی داهاتووش مووچە دابەش دەكرێت یان نا.

بەردەوام بە لە خوێندنەوە

کوردستان