سەرۆك وەزیرانی عێراق دوای “دیداری سلێمانی” چووە سەر مەزاری مام جەلال لە دەباشان و یاداشتێكی لە دەفتەری یادەوەریی میواناندا نووسی.
محەمەد شیاع سودانی، سەرۆک وەزیرانی عێراق نیوەڕۆی ئەمڕۆ چوار شەممە، سەردانی مەزاری مام جەلالی کرد و لە دەفتەری یادەوەریی میوانەکاندا نووسی: “ئێستا کە 20 ساڵ بەسەر ڕووخانی ڕژێمی بەعس تێدەپەڕێت، یادی هەوڵ و کۆششەکانی سەرۆک مام جەلال دەکەینەوە، لە ڕووبەڕووبوونەوەی دیکتاتۆریەت و بونیادنانەوەی دەوڵەتی عێراق لەدوای ساڵی 2003”.
هەروەها نووسیویەتی، “بەجۆرێک ڕوانگەی جێگیر و دانایی ئەو بووە بناغەی گەشەسەندن، ئارامی و ئاسایشی کوردستان و عێراق”.
