ئێمە لە تۆرە کۆمەڵایەتیەکان

ئابوری

مووچەی پەرلەمانتاری عیراق كرا بە 4 ملیۆن و 500 هەزار دینار
مووچەی پەرلەمانتاری كوردستان 8 ملیۆن و 200 هەزار دینارە


خەڵك- بەشی هەواڵ

بەپێی نوێترین بڕیاری پەرلەمانی عیراق مووچەی پەرلەمانتار بۆ 4 ملیۆن و 500 هەزار دینار كەمكرایەوە و ئەوەش یەكێك بوو لە داواكاری خۆپیشاندەران، بەڵام تائێستا مووچەی پەرلەمانتارانی هەرێمی كوردستان وەكخۆی ماوەتەوە.

پێشتر ماڵپەڕی فەرمی پەرلەمانی عیراق بڵاوی كردەوە، مووچەی هەر پەرلەمانتارێكی عیراق 10 ملیۆن دینارە، بێجگە لە دەرماڵە و پاسەوان، بەڵام بەهۆی خۆپیشاندانەكانی عیراقەوە كەمكرایەوە بۆ 4 ملیۆن و 500 هەزار دینار.

هەرچەندە كەمكردنەوەی مووچەی پەرلەمانتاران بەلای خۆپیشاندەرانەوە بەو بڕەش هەر زۆرە و ڕەتیانكردەوە، بەڵام ئەوەی تێبینی دەكرێت مووچەی پەرلەمانتارانی هەرێمی كوردستان دەستكاری نەكراوە.

مووچەی هەر پەرلەمانتارێك لە هەرێمی كوردستان 8 ملیۆن و 200 هەزار دینارە و هەر پەرلەمانتارێكیش كارئاسانی بۆ كراوە بۆ وەرگرتنی ئۆتۆمبێلێكی لاندكرۆزەری 2019 “وەنەوشەی 2019”.

زۆری مووچە و دەرماڵەی پەرلەمانتارانی هەرێمی كوردستان نزیكەی 10 ساڵە زۆرترین قسەی لە نێو ناوەندە میدیایی و سیاسی و كۆمەڵایەتییەكانی هەرێمی كوردستاندا لەسەر دەكرێت، بەتایبەت لەگەڵ سەرهەڵدانی قەیرانی دارایی و پەككەوتنی ئابووری هەرێم و پاشەكەوتی مووچەی فەرمانبەران و راوەستانی زۆرینەی خزمەتگوزارییە گشتییەكان، بەڵام تائێستا دەستكاری مووچەكانیان نەكراوە.

كەمكردنەوەی مووچەی پەرلەمانتارانی عیراق لەكاتێكدایە بەپێی یاسا خانەنشین دەكرێن، بەشێوەیەك هەر پەرلەمانتارێك دەبێت تەمەنی بگاتە 50 ساڵ و 15 ساڵ خزمەتی كردبێت لە فەرمانگەیەكی حكومەتدا، بەپێچەوانەی هەرێمی كوردستانەوە بەبێ‌ لەبەرچاوگرتنی تەمەن و خزمەت پەرلەمانتاران خانەنشین دەكرێن.

ئابوری

جارێكی دیكە، نەوت نرخێكی پێوانەیی تۆمار كردەوە


خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 3ی‌ حوزەیرانی 2020 بەرز بووەوە، بەشێوەیەك نرخی‌ نەوتی برێنت بە 40 دۆلار و 40 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 37 دۆلارو 49 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

ئابوری

دابەشكردنی مووچەی فەرمانبەران كەی دەستپێدەكات؟


خەڵك- بەشی هەواڵ
سبەینێ‌ مانگێك تێدەپەڕێ‌ بەسەر دەستپێكردن بە دابەشكردنی مووچەی مانگی 1ی فەرمانبەران و تا ئێستا هیچ وادەیەكیش دیاری نەكراوە بۆ دەستكردن بە دابەشكردنی مووچەی مانگی شوبات، سەرەڕای هاتنی پارەی مووچە لە بەغداوە.

لە چەند ڕۆژی ڕابردوودا حكومەتی عیراق بڕی 400 ملیار دیناری بۆ مووچەی مانگی (4)ی فەرمانبەرانی هەرێم ڕەوانە كردج، بەڵام تا ئێستا تەنها مووچەی مانگی 1ی ئەمساڵ خەرج كراوە و مووچەی 4 مانگ لای حكومەتی هەرێمە.

زیاد جەبار، سەرۆكی لیژنەی دارایی لە پەڕلەمانی كوردستان بۆ (خەڵك) ڕایگەیاند، كە لە چەند ڕۆژی ڕابردوودا پارەی مووچە لە بەغداوە هاتووە بۆ هەرێم و حكومەتی هەرێمیش لە كۆبوونەوەی خۆیدا بڕیاریدا، كە هەر پارەیەك بێتە دەستیان ئەولەویەت بۆ مووچە دەبێت.

ڕاشیگەیاند، كە بەدواداچوونمان بۆ پرسی مووچە كردووە و تا ئێستا وەزارەتی دارایی هیچ خشتەیەكی بۆ دابەشكردنی مووچە ڕانەگەیاندووە و هیچ كاتێكیشی دیاری نەكردووە بۆ دەستپێكردنی.

ئەمە لەكاتێكدایە، كە لە هەندێك لە میدیاكان دەنگۆی ئەوە بڵاوكراوەتەوە، كە ڕۆژی یەك شەممە بە وەزارەتی تەندروسستی دابەشكردنی مووچە دەستپێدەكات، بەڵام وەزارەتی دارایی بە فەرمی پشتڕاستی نەكردۆتەوە.

بەردەوام بە لە خوێندنەوە

ئابوری

فرۆشتنی بەرهەمە كشتوكاڵییەكان، 90% كەمی كردووە


خەڵك-ئارام سەردار

 

سەڕەڕای كردنەوەی بازاڕی عەلوەكان، بەڵام سەرۆكی ئەنجومەنی عەلوەی هەولێر ڕایدەگەیەنێت، بەڕێژەی لە ۱۰٪ ڕۆژان بەرهەمە كشتوكاڵیەكان نافرۆشن.

ڕەجەب عەزیز سەرۆكی ئەنجومەنی عەلوەی هەولێر بە(خەڵك)ی ڕاگەیاند، داخستنی بازاڕەكان كاریگەری زۆری لەسەر كردووین و هیچ كڕیارمان نیە و لە ۹۰٪ی كڕیار و فرۆشتنی بەرهەمەكانمان كەمی كردووە.

دەشڵێت”داوا لە پارێزگای هەولێر دەكەین ئاسانكاری بۆ كردنەوەی دوكانەكانی سەوزە و میوە بكەن، چونكە پێشتر تەنها بازاڕی شێخەڵا داخرابوو بازاڕمان تێكدەچوو ئێستاش هەموو بازاڕەكان داخراون تەنها ڕێگا بەدەستگێڕەكان دەدرێت سەوزە و میوەبفرۆشن ئەوانیش ژمارەیان زۆر نیە بتوانن ئەو هەموو بەرووبوومە ساغ بكەنەوە”.

ئاماژەی بۆ ئەوەشكرد، پێشتر ڕۆژانە تەنها ئەو بەرهەمانەی باردەكران بۆ شاروشارۆچكەكان نزیكەی ٤۰۰ تۆن دەبوو، ئێستا هیچی بارناكرێت هەمووی ماوەتەوە لەسەر جوتیاران و نافرۆشرێت لەكاتێكدا پێشتر بەناو شاریشەوە نزیكەی ٥۰۰ تۆن بەرهەمە كشتووكاڵیەكان باردەكران، بەڵام ئەمڕۆ بەڕێژەی لە ۱۰٪ ڕۆژان بارنەكراوە و نەفرۆشراوە، سەڕەڕای دابەزینی نرخەكەش جووتیاران بەرهەمەكانیان نافرۆشرێت.

بەردەوام بە لە خوێندنەوە

کوردستان