ئێمە لە تۆرە کۆمەڵایەتیەکان

کوردستان

چەند پڕۆژەیەكی كارەبا لە ڕاپەڕین جێبەجێ‌ دەكرێن


خەڵك- بەشی هەواڵ

بەبڕی زیاتر لە142 ملیۆن دینار چەند پرۆژەیەكی كارەبا جێبەجێ دەكرێن.

بەڕێوەبەرایەتی كارەبای سلێمانی لە ڕاگەیەنراوێكدا نوسیویەتی”بەپێی گرێبەستێك كە لەگەڵ كۆمپانیایەك ئەنجامدراوە بەبڕی (142,497,700) دینار چەند پرۆژەیەكی كارەبا لەئیدارەی ڕاپەرین جێبەجێدەكرێن، پرۆژەكانیش بریتین لە
-چارەسەركردنی ئیختناق و تەوازن كردنی محاویلەی گوندی نۆرێ و جیاكردنەوەی گەرەكی فەرمانبەران لەمحاویلەی كۆمەڵگەی فەرمانگەكان و 132 و حاجیلە فیدەری 31
-دانانی محاویلەو گەیاندنی كارەبا بۆ چەند گەرەكێك لەشارەدێی بۆسكێن و 50ی ئازار فیدەری 12
-گواستنەوەی ستوون و هێڵی كارەبای پەستان بەرز تەنیشت پرۆژەی بتوێن ستی لەرانیەو حاجی لە 132 كەی ڤی فیدەری 40-39
-گۆرینی محاویلەی دووچاو لەقەڵادزێ و 132 كەی ڤی فیدەری (20-19-16-14) -دانانی محاویلە بۆ گوندی شێخە میرەو 132 كەی ڤی فیدەری 32 لەرانیە.
پرۆژەكانیش لەماوەی (40) رۆژدا تەواو دەبێت و لەلایەن كۆمپانیای (ئاكار)ەوە جێبەجێ دەكرێت.

کوردستان

تەندروستی هەرێم: تووشبوویەكی تری ڤایرۆسی كۆرۆنا لە سلێمانی گیانی لەدەستدا


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: تووشبوویەكی تری ڤایرۆسی كۆرۆنا لە شاری سلێمانی گیانی لەدەستدا.

تەندروستی هەرێم ڕوونیشیكردووەتەوە: تووشبوویەكی نەخۆشی ڤایرۆسی كۆرۆنای نوێ COVID19 پیاو تەمەن ٥٥ ساڵ دانیشتووی تاسڵوجە لە شاری سلێمانی دوای خەواندن و مانەوەی لە نەخۆشخانە گیانی لەدەستدا.

 

دەقی ڕاگەیەنراوەكە:

 

تووشبووێكی دیكەی ڤایرۆسی كۆڕۆنا گیانی لەدەستدا …

تووشبووێكی نەخۆشی ڤایرۆسی كۆڕۆنای نوی COVID19 پیاو تەمەن ٥٥ ساڵ دانیشتووی تاسلوجە لە شاری سلێمانی دوای خەواندن و مانەوەی لە نەخۆشخانە گیانی لەدەستدا.

وێڕای پرسە و سەرەخۆشی لە خانەوادە و كەسوكاری خوالێخۆشبوو هیوادارین هاوڵاتیان پابەندی ڕێنماییەكانی تەندروستی بن.

وەزارەتی تەندروستی
٦ حوزەیران ٢٠٢٠

بەردەوام بە لە خوێندنەوە

کوردستان

ژووری ئۆپراسیۆنی پارێزگای هەولێر: 284 شوێن كە پابەندی ڕێنماییەكان نەبوون داخران


خەڵك – بەشی هەواڵ

ژووری ئۆپراسیۆنی پارێزگای هەولێر لە ڕاگەیەنراوێكدا ئاشكرایكرد: لەلایەن لیژنەكانی چاودێری و تەندروستی لەسنووری هەر 10 قائیمقامیەتەكەی پارێزگای هەولێر، دوای بەدواداچوون و پشكنین بۆ شوێنەكانیان، بەهۆی پابەندنەبوون بەڕێنماییەكانی تەندروستی و خۆپارێزی لە ڤایرۆسی كۆرۆنا، (284) شوێن لە (خواردنگە، بەنزینخانە، ئاریشگەی ئافرەتان، ماركێت، مینی ماركێت، سەرتاشخانە، نانەوەخانە، دوكانی فرۆشتنی سەوزە و میوە، رونگۆڕ، فرۆشیاری مۆبایل، شیرنەمەنی، جوانكاری ئۆتۆمبێل، گۆشت فرۆش، زێڕینگر، ئوتوی هەڵمی، نووسینگەی خانووبەر، شوێنی گەشتیاری، كۆگا) داخران.

ژووری ئۆپراسیۆنی پارێزگای هەولێر ئاماژەی بەوەشداوە: داواكارین لە هاوڵاتییانی سنووری پارێزگای هەولێر و كاسبكارانی پابەندی بڕیار و ڕێنماییە تەندروستییەكان بن و هەستیارانە مامەڵە بكەن و بەپێی ریَِكارەكانی خۆپارێزی لە ڤایرۆسی كۆرۆنا، دەستكێش و دەمامك ببەستن، تاوەكو لەپێناو پارێزگاری لە تەندروستی گشتی دووچاری سزادان و ڕێكاری یاسایی نەبنەوە.

 

دەقی ڕاگەیەنراوەكە:

 

ڕاگەیندراوێك لە ژووری ئۆپەراسیۆنی پارێزگای هەولێرەوە

ئەمرۆ شەممە 2020.6.6 لەلایەن لێژنەكانی چاودێری و تەندروستی لەسنووری هەر 10 قایمقامیەتەكەی پارێزگای هەولێر، دوای بەدواداچوون و پشكنین بۆ شوێنەكانیان، بەهۆی پابەند نەبوون بەرێنماییەكانی تەندروستی و خۆپارێزی لە ڤایرۆسی كۆرۆنا، (284) شوێن لە (خواردنگە، بەنزینخانە، ئاریشگەی ئافرەتان، ماركێت، مینی ماركێت، سەرتاشخانە، نانەوەخانە، دوكانی فرۆشتنی سەوزە و میوە، رونگۆڕ، فرۆشیاری مۆبایل، شیرنەمەنی، جوانكاری ئۆتۆمبێل، گۆشت فرۆش، زێڕینگر، ئوتوی هەڵمی، نووسینگەی خانووبەر، شوێنی گەشتیاری، كۆگا) داخران.

داواكارین لە هاوڵاتییانی سنووری پارێزگای هەولێر و كاسبكارانی پابەندی بڕیار و ڕێنماییە تەندروستییەكان بن و هەستیارانە مامەڵە بكەن و بەپێی رێكارەكانی خۆپارێزی لە ڤایرۆسی كۆرۆنا، دەستكێش و دەمامك ببەستن، تاوەكو لەپێناو پارێزگاری لە تەندروستی گشتی دووچاری سزادان و ڕێكاری یاسایی نەبنەوە.

ژووری ئۆپەراسیۆنی پارێزگای هەولێر
2020.6.6

بەردەوام بە لە خوێندنەوە

کوردستان

تەندروستی هەرێم: 66 تووشبووی تری ڤایرۆسی كۆرۆنا لە سلێمانی دەستنیشان كران


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: لە بەردەوامی پشكنینەكان و گەڕان بەدوای گومانلێكراوان و تووشبووان، 66 تووشبووی تری ڤایرۆسی كۆرۆنای نوێ COVID-19 لە پارێزگای سلێمانی دەستنیشانكران.

تەندروستی هەرێم ئەوەشیخستووەتەڕوو: تووشبووەكان 38 پیاو و 24 ئافرەت و 2 كوڕی گەنج و 2 منداڵن، 13 تووشبوو بەركەتووی تووشبووانی پێشوون و تووشبووانی تر نیشانەی نەخۆشییەكەیان هەیە.

تەندروستی هەرێم ڕوونیشیكردووەتەوە: سێ تووشبوو دانیشتووی شارۆچكەی چەمچەماڵ، دوو تووشبوو دانیشتووی شارۆچكەی پێنجوێن، یەك تووشبوو دانیشتووی شارۆچكەی دەربەندیخان و شەست تووشبووش دانیشتووی ناو شاری سلێمانین.

 

دەقی ڕاگەیەنراوەكە:

دەرەنجامی نوێ …

لە بەردەوامی پشكنینەكان و گەڕان بەدوای گومانلێكراوان و تووشبووان، شەست و شەش تووشبووی دیكەی ڤایرۆسی كۆڕۆنای نوێ COVID-19 لە پارێزگای سلێمانی دەستنیشانكران، سی و ھەشت پیاو و بیست و چوار ئافرەت و دوو كوڕی گەنج و دوو منداڵ، سێزدە تووشبوو بەركەتووی تووشبووانی پێشوون وە تووشبووانی تر نیشانەی نەخۆشیەكەیان هەیە.

سێ تووشبوو دانیشتووی قەزای چەمچەماڵ.
دوو تووشبوو دانیشتووی قەزای پێنچوێن.
یەك تووشبوو دانیشتووی قەزای دەربەندیخان.
شەست تووشبوو دانیشتووی ناو شاری سلێمانی.

وەزارەتی تەندروستی
٦ حوزەیران ٢٠٢٠

بەردەوام بە لە خوێندنەوە

کوردستان