ئێمە لە تۆرە کۆمەڵایەتیەکان

ژینگە

لە سلێمانی51 تۆن خۆراك و ماددەی بەسەرچوو لەناوبران

خەڵك- بەشی هەواڵ

‌مانگی ڕابردوو لە بازاڕو شوێنە گشتییەكانی شاری سلێمانی دەست‌ بەسەر بڕێكی زۆر خۆراك و ماددەی ماوەبەسەرچوودا گیراوە و لەناوچەی دەرەوەی نیشتەجێبوون لەناوبران.

بەپێی ئاماری لیژنەی لەناوبردنی سەربەلیژنە هاوبەشەكانی قائیمقامیەتی سلێمانی لە مانگی 10ی 2019‌ زیاتر لە (51) تۆن كاڵاوشمەكی خراپ و ماوەبەسەرچوو لەلایەن لیژنەكانەوە دەستیان بەسەردا گیراوە و دواتر بەفەرمانی قائیمقامی سلێمانی لەلایەن لیژنەكەوە لەناوچەی دەرەوەی نیشتەجێ بوونی هاوڵاتیان لەناوبراون.

لەراپۆرتی لیژنەی لەناوبردندا هاتوە” بڕی ئەو خۆراك و مەوادانەی لەلایەن لیژنەكانەوە دەستی بەسەردا گیراوە بریتی بوون لە خۆراكی منداڵ، خواردنەوەی كهولی، گۆشتی ئاژەڵ، برنج، هەنگوین، جگەری توركی، شەربەت، شیری نیدۆ و كیكۆز، قاوە، ئاوی كانزایی، میوەی جۆراوجۆر، دۆشاوی تەماتە، ترشیات و خواردنە لە قوتونراوەكان، توتنی نێرگەله و قاعیدەكەی، پاقلەی وشك، ‌ لەگەڵ بڕێكی زۆر مەوادی جوانكاری ئافرەتان و مەوادی پاككەرەوە و دایبی و قاپی سەفەری بەهۆی نەشیاوییان بۆ بەكارهێنان و بەسەرچوونی ماوەی بەكارهێنانیان لەناو براون.”

ژینگە

كەشناسی هەرێم هۆشداری دەداتە هاووڵاتیان

خەڵك – بەشی هەواڵ
كەشناسی هەرێمی كوردستان هۆشداری دەداتە هاووڵاتیان و شۆفێران دەربارەی دروست بوونی تەم و كەمبوونەوەی ئاستی بینین و ڕایدەگەیەنێت، بەهۆی بەرزبوونەوەی ڕادەی شێ بە ڕێژەی 90% پێشبینی دەكرێت ماوەی بینین بۆ كەمتر لە كیلۆمەترێك بێت.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەهۆی بەرزبوونەوەی ڕادەی شێ لە هەوادا لە زۆربەی ناوچەكان بە ڕیژەی 90% پێشبینی دەكرێت ببێتە هۆی دروست بوونی تەم.

ڕاشیگەیاندووە، تەمەكەش ئەمشەو تا بەرەبەیان بەردەوامی دەبێت و بەهەمان هۆ ماوەی بینین بۆ كەمتر لە كلیۆمەترێك دەبێت.

وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.

 

بەردەوام بە لە خوێندنەوە

ژینگە

لە پارێزگای سلێمانی 2 كەس لەسەر ڕاوكردن دەستگیركران

خەڵك- بەشی هەواڵ
پۆلیسی دارستان و ژینگەی سلێمانی ڕایدەگەیەنێت، پاراستنی سروشت و ژینگە ئەركی سەرشانی هەمووانە، بەڵام هەندێك لە هاووڵاتیان بێ هەستكردن بە گیانی بەرپرسیارێتی و لە پێناو بەرژەوەندی تایبەتی خۆیان دەست دەخەنە سروشت و ژینگە بە لەناوبردنی ئاژەڵ و باڵندە و بڕینی داری دارستانەكان دەیشێوێنن.

عەمید هێمن كمرخان، بەڕێوەبەری ڕاگەیاندنی بەڕێوەبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، نیگەرانین لەوەی هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان، بەڵام خۆشبەختانە بەهۆی ئەرك و ماندووبوون و شەونخونی ئەفسە رو كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت و سەرپێچیكارانیش ڕووبەڕوی یاسا بكرێنەوە.

وتیشی، “بۆ ئەو مەبەستە لە ئەنجامی دەرچوونی مەفرەزەیەكی بنكەی پۆلیسی دارستانی پیرەمەگروون بۆ سنوری گوندی (پەسكەندی) توانیان ٢ هاووڵاتی بە تۆمەتی ڕاوكردنی باڵندەی كێوی دەستگیر بكەن، كە هەستابوون بە ڕاوكردنی ١٤ كۆتر و ٥ ڕیشۆڵە”.

ئاشكراشی كرد، كە دەستیان گرتووە بەسەر تاپڕێك و ١٢فیشەكی تاپڕ ٢ دوربین و سەرجەم كەل و پەلەكانیان، كە بۆ ڕاوكردن بەكاریانهێنابوو و پەڕاوی لێكۆڵینەوە ڕێكخراوە و ڕادەستی دادوەر كراوە بۆ وەرگرتنی ڕێكاری یاسایی.

هێمن كمرخان، داوا لە هاووڵاتیان دەكەین، كە لەپێناو پاراستنی سروشت و ژینگەی كوردستان دا پێویستە هەمووان پابەندبن بەڕێنمایەكانی پۆلیسی دارستان .

بەردەوام بە لە خوێندنەوە

ژینگە

كەشناسی: باران بارین بەردەوام دەبێت

خەڵك- بەشی هەواڵ

دەزگای كەشناسی و بومەلەرزەزانی هەرێمی كوردستان ڕایگەیاند، باران بارین بەردەوام دەبێت.

لە ڕاگەیەنراوێكدا دەزگاكە نوسیویەتی، كە ڕۆژی یەك شەممە باران بارین بەردەوام دەبێت و پێشبینی ئەوەش دەكرێت كە لە ناوچە شاخاوییەكاندا بەفر ببارێت.

ماوەی چەند ڕۆژێكە شەپۆلێكی باران و بەفر ڕووی لە زۆربەی ناوچەكانی هەرێمی كوردستان كردووە.

بەردەوام بە لە خوێندنەوە

کوردستان