ئێمە لە تۆرە کۆمەڵایەتیەکان

ماڵداری

٧ تاکتک بۆ پاراستنی منداڵەکەت لە مەترسی کە پێویستە ڕەچاوی بکەیت

خێزان

پاراستنی سەلامەتی منداڵەکانمان لە ئەستۆی ئێمەدایە، هەر بۆیە پێویستە هەندێک تاکتیک بزانین بۆ ئەوەی لە کاتی مەترسیدا منداڵەکانمانی پێ بپارێزین، ئەمەی خوارەوە بەشێکیانە:

 

-با منداڵەکەت ژمارەی مۆبایلەکەتی لەبەر بێت، بۆئەوەی لە کاتی مەترسی یان پێویستدا بزانیت کە پەیوەندیت پێوە بکات.

-با تۆش ژمارەی کەسە پەیوەندیدارەکان بە منداڵەکەت وەک مامۆستا و ماڵی هاوڕێکەی و شۆفێری پاسی هاتوچۆکە و هەر کەسێکی دیکەی پەیوەندیدارت لابێت.

 

-کاتێک دەچیتە شوێنیکی قەرەباڵغ لەگەڵ منداڵەکەت، وێنەیەکی تەواوی جەستەی بگرە بۆ ئەوەی لە کاتی ونبوندا نیشانی کەسانی دیکەی بدەیت بۆ دۆزینەوەی.

-ڕێگری لە مندالەکەت مەکە کە تۆڕە کۆمەڵایەتیەکان بەکار بهێنێت، بەڵام چاودێری بکە، ئەوە ڕێگەیەکی باشە بۆ ئەوەی بزانیت حەزی بە چییە و هاوڕێیەتی کێ دەکات.

-لە کاتی پێویستدا کارتێک کە ژمارەی تەلەفون و ناوی خۆتی لەسەر بێت بکەرە جلەکانی منداڵەکەتەوە.

 

-لە کاتی چون بۆ سەیران لە نێو دەشت و دەر، وێنەیەکی بنی پێڵاوەکانی منداڵەکەت بگرە، بۆئەوەی لە کاتی ونبوندا بە ئاسەواری شوێنی پێڵاوەکە بیدۆزیتەوە و دڵنیابت لەوەی کە ئەوە پێڵاوی منداڵەکەی تۆیە.

-کە منداڵەکەت ون بوو، کاتێک دۆزیتەوە لێی توڕە مەبە، چونکە ئەوە وادەکات گەر ونبووەوە نەوێرێت بگەڕێتەوە بۆ لات.

ماڵداری

تاقیكردنه‌وه‌یه‌كی زۆر ئاسان تا بزانیت قژت ته‌ندروسته‌ یاخود نا، ته‌نها ١٠ چركه‌

خێزان

ئه‌مه‌ی خواره‌وه‌ تاقیكردنه‌وه‌یه‌كی زۆر ئاسان و ساده‌یه‌ بۆ ئه‌وه‌ی بزانیت كه‌ ئایا قژت ته‌ندروسته‌ یاخود نا و بۆ ئه‌نجامدانی ئه‌و كاره‌ش ئه‌م رێوشوێنانه‌ ئه‌نجام بده‌.

په‌رداخێك ئاو بهێنه‌و پرچی قژتی بكه‌ره‌ ناو  و پاشان ١٠ چركه‌ چاوه‌ڕوان بكه‌، گه‌ر پرچه‌كه‌ هاته‌ سه‌ره‌وه‌ی ئاوه‌كه‌ ئه‌وا كێشه‌ی نیه‌، به‌ڵام گه‌ر پرچت چووه‌ ژێر ئاوه‌كه‌وه‌ ئه‌وا پێویستت به‌ گرنگیپێدانی زیاتر به‌ قژت هه‌یه‌.

هۆكاری ئه‌وه‌ی كه‌ پرچت ده‌چێته‌ ژێر ئاوه‌كه‌وه‌ به‌هۆی ئه‌وه‌وه‌یه‌ كه‌ ئاو ده‌چێته‌ نێو كونیله‌كانی قژت كه‌ به‌وه‌ش كاڵتر و لاوازتر ده‌ری ده‌خات و پێویستی به‌ گرنگیپێدانه‌.
بۆ چاره‌سه‌ری ئه‌و دۆخه‌ ده‌توانیت به‌ پێی جۆری قژت چاره‌سه‌ر بدۆزیته‌وه‌و زه‌یته‌ سروشتیه‌كان و كرێمه‌كان تایبه‌ت به‌ پارێزگاری له‌ قژ به‌كار بهێنیت.

بەردەوام بە لە خوێندنەوە

ماڵداری

مۆڵەتی دایکایەتی لە وڵاتانی جیهان چەندە؟ لە کوردستان دیاریکراو نییە!

خێزان

مۆڵەتی دایکایەتی لە کەرتی گشتی و تایبەت لە تەواوی جیهاندا بەپێی یاسا ڕێکخراوە، بەڵام لە کوردستان لە کەرتی گشتیدا بۆ ماوەی ساڵێکە و لەکەرتی تایبەت بەگوێرەی کۆمپانیاکان دەگۆرێت و بەیاسا ڕێک نەخراوە.

 

ئەمەی خوارەوە ماوەی  مۆڵەتی دایکایەتییە لە وڵاتە جیاوازەکانی جیهان:

 

کڕواتیا

مۆڵەتی دایکایەتی بۆماوەی زیاتر لە ٤١٠ ڕۆژە بە موچەیی ١٠٠٪ کە حکومەت بەشێکی دەدات وبەشێکیشی لەسەر کۆمپانیاکەیە.

 

بەڕیتانیا

لە بەڕیتانیا مۆڵەتەکە بۆ ساڵێکە، بەڵام دایک تەنها ١٤ ڕۆژی هەیە و دواتر ئەوەی دیکەی دایک و باوکەکە دەبێت پێکەوە تەواوی بکەن.

 

سوید

دایک ١٨٠ ڕۆژی هەیە و باوکیش دەتوانێت ٦٠ ڕۆژ وەربگرێت

 

کازاخستان

مۆڵەتی دایکایەتی بۆماوەی ١٢٦ ڕۆژە

 

فینلاند

مۆڵەتی دایکایەتی ١٢٦ ڕۆژە، بەڵام دایک دەتوانیت وەری نەگرێت و حکومەت دایەنی بۆ دابین دەکات

 

فەڕەنسا

مۆڵەتی دایکایەتی ١١٢ ڕۆژە، دایک دەتوانیت ٢ هەفتە پێش منداڵبوونەکەی وەری بگرێت.

 

چین

لە چین لەنێوان ٩٠ بۆ ١٢ ڕۆژدایە و تا تەمەنی ژنەکە گەورەتر بێت مۆڵەتەکەی زیاترە

 

ئایسلاند

لە ئاسیلاند سستمی ٣ + ٣ + ٣ پەیڕەو دەکرێت، ٣ مانگ دەدرێت بە دایکەکە، دواتر ٣ مانگ بۆ باوکەکە، پاشان ٣ مانگ بەهەردووکیان.

 

هیندستان

بۆ منداڵی یەکەم  و دووەم ١٨٤  ڕۆژت هەیە، بۆ منداڵی سێیەم و چوارەم ٨٤ ڕۆژ

 

ئیمارات

ئەو ژنانەی لە کەرتی تایبەتن ٤٥ ڕۆژیان هەیە، ئەوانەی لە حکومەتدان ٩٠ ڕۆژیان هەیە

 

بەردەوام بە لە خوێندنەوە

ماڵداری

چەند ئامۆژگاریەکەی گرنگ لەسەر ماکیاژ کە هەموو کچێک پێویستە بیزانێت

خێزان

ئەمەی خوارەوە چەند ئامۆژگاریەکەی گرنگە لەسەر ماکیاژ کە هەموو کچێک پێویستە بیزانێت:

 

– ئەو ئسفنجەی بۆ ماکیاژ بەکاری دەهێنیت هەمووکات بەر لەبەکارهێنانەوە بیشۆرە، بەو جۆرە هەم ماکیاژەکەت تێکناچێت و هەم دیمەنێکی سرووشتی ترت دەبێت.

 

– هیچکات ماکیاژەکانت لەگەرماودا جێمەهێڵە، چونە شێ کاریگەری زۆرە لەسەریان و خراپی دەکات

 

– زۆر بەوریایەوە ڕەنگی ماکیاژ لەگەڵ ڕەنگی پێستت هەڵبژێرە، چونکە نهێنی جوانی ماکیاژ لە گونجانیدایە لەگەڵ پێستت

 

– کاتێک ماکیاژی چاوت دەکەیت، بەشی خوارەوە ناوچاوت لەبیر مەکە، بەو پێییە چاوەکان بەشێکی زۆر دیارن لە ماکیاژدا

– کاتێک کۆنسیلەر دەدەیت لە ڕوخسارت، هەوڵبدە بەشێوەیەکی سێگۆشەیی لێیبدەیت، بۆئەوەی هەمووی بگرێتەوە و پەڵە جێنەهێڵێت.

بەردەوام بە لە خوێندنەوە

کوردستان