ئێمە لە تۆرە کۆمەڵایەتیەکان

عێراق

پەڕلەمانتارێكی عیراقی بۆ (خەڵك) باس لە داواكاری خۆپیشاندەران دەكات

خەڵك- بەشی هەواڵ
ئەندامێكی پەڕلەمانی عیراقی سەر بە هاوپەیمانی نەسر پێیوایە، داواكاری خۆپیشاندەران زۆر لە ڕووخاندنی حكومەت گەورەترە، تا ڕەوشەكەش بەمشێوەیەی ئێستا بمێنێتەوە، داواكارییەكانی خۆپیشاندەران بەرزتردەبنەوە.

نەدا شاكر جەودەت، پەڕلەمانتاری هاوپەیمانی نەسر لە پەڕلەمانی عیراق، بە (خەڵك)ی ڕاگەیاند، “هەر كێشەیەك لە سەرەتاوە چارەسەر نەكرا، ناتوانین دوایی چارەسەری ڕیشەیی بۆ بدۆزینەوە، هەر بەمشێوەیە بوو، كە خۆپیشاندەران داواكارییەكانیان زیاد كرد و گەیشتە ئەو ئاستەی داوای ڕووخانی تەواوەتی سیستمی سیاسی وڵات بكەن”.

نەدا شاكر جەودەت دەڵێت: “خەڵك مافی خۆیەتی خۆپیشاندان دەكات و ئێمەش لە هاوپەیمانی نەسر، پشتیوانی لە خۆپیشاندەران دەكەین، گەلی عیراق و لاوانی وڵات دەپرسن، چیمان لەم حكومەت و لایەنە سیاسییەكان دەستكەوتووە، بۆیە ڕووخاندنی بە پێویست دەزانن، كە ئەمەش پڕۆسەیەكی هەروا ئاسان نییە”.

سەبارەت بە چارەسەری گونجاویش بۆ ئەم ڕەوشەی ئێستای عیراق، پەڕلەمانتارەكەی هاوپەیمانی نەسر پێیوایە، “چارەسەری بنەڕەتی دروستكردنی دەستەیەكی نوێی كۆمسیۆنی هەڵبژاردنەكان و دانانی سیستمێكی نوێی هەڵبژاردن و ئەنجامدانی گۆڕانكارییەكی ڕیشەییە لە حكومەتدا، چونكە حكومەتی ئێستا هیچ متمانەیەكی نییە و پەسەندكراون نییە، پێویستە وەزارەتەكان لەلایەن كەسانی نیشتمانپەروەر و پیشەوەرەوە بەڕێوەببرێن، كە بتوانن وڵات لەم كەوتنەی ئێستای هەڵبستێننەوە”.

نەدا جەودەت دەڵێت: “گەر ئێمە لەسەر ئەم شێوازە پشكدارییەی ئێستا بمێنینەوە و كەسەكان لەلایەن حزبەكان و كۆمپانیاكانەوە دابنرێن، ناتوانین گۆڕانكاری لەم واقعە ڕەخساوەی ئێستادا بكەین، پێویستە ئامادەكاری بۆ هەڵبژاردنی بێخەوش بكرێت و نوێنەرانی ڕاستەقینەی گەلی عیراق بەشداری تێدا بكەن”.

عێراق

سائیرون: حەلبوسی دژی هەڵبژاردنی پێشوەختە

خەڵك – بەشی هەواڵ

هاوپەیمانی سائیرون، سەرۆكی ئەنجومەنی نوێنەرانی عیراق بە پەكخستنی هەڵبژاردنی پێشوەخت و یاریكردن بە كات تۆمەتبار دەكات.

هاوپەیمانی سائیرون بە سەرۆكایەتی موقتەدا سەدر ڕایگەیاند، محەمەد حەلبوسی سەرۆكی ئەنجومەنی نوێنەران ڕێگرە لە بەردەم تێپەڕاندنی یاسای هەڵبژاردن و ئەنجامدانی هەڵبژاردنی پێشوەخت، بە ئامانجی مانەوەی لە پۆستەكەیدا.

هاوپەیمانی سائیرون ئاماژەی بۆ ئەوەشكردووە، هیچ ئیرادەیەكی سیاسی ڕاستەقینە نابینن بۆ ئەنجامدانی هەڵبژاردنی پێشوەخت، جێگەی سەرسوڕمانیشە كە محەمەد حەلبوسی بە ئاشكرا پشتگیری لە ئەنجامدانی هەڵبژاردنی پێشوەخت دەكات، بەڵام بە نهێنی لە دژیەتی و نایەوێت بكرێت.

بەردەوام بە لە خوێندنەوە

عێراق

بەرهەم ساڵح و فوئاد حسێن جەخت لە بەهێزكردنی پێگەی عیراق دەكەنەوە

خەڵك – بەشی هەواڵ

نووسینگەی ڕاگەیاندنی سەرۆكایەتی كۆمار بڵاویكردەوە، د.بەرهەم ساڵح سەرۆك كۆماری عیراق، ئەمڕۆ 8/8/2020، لە كۆشكی بەغدا، پێشوازیكرد لە فوئاد حسێن وەزیری دەرەوە و سەبارەت بە پەیوەندییە دەرەكییەكانی وڵات و چۆنیەتی بەرزكردنەوە و بەرەوپێشبردنی بۆ ئاستێكی بەرزتر لەگەڵ وڵاتان گفتوگۆی لەبارەوەكرا.

نووسینگەی ڕاگەیاندنی سەرۆكایەتی كۆمار ئەوەشی خستەڕوو، لە دیدارەكەدا سەرۆك كۆمار جەختی لەپێویستی بەهێزكردنی پێگەی عیراق لە ناوەندە نێودەوڵەتییەكان كردەوە، تا عیراق ببێتە بەشێك لە ڕەخساندنی كەشێكی لەبار بۆ لێكتێگەیشتن و دیالۆگی بونیادنەر بۆ چەسپاندنی ئاسایش و سەقامگیری لە نیوان وڵاتانی ناوچەكەدا، ھاوكات دوپاتیشیكردەوە لەگرنگی ڕۆڵی هاوسەنگ و ئەرێنی عیراق لە كاروانی پەیوەندییە دەرەكییەكان، بەجۆرێك ببێتە مایەی بەدیهێنانی ئاشتی و پێشكەوتن لە نێوان گەلان.

نووسینگەی ڕاگەیاندنی سەرۆكایەتی كۆمار ئاماژەی بەوەشداوە، هەر لەو دیدارەدا دواین پێشهاتەكان لەسەر ھەردوو ئاستی هەرێمایەتی و نێودەوڵەتی و كاریگەریان لەسەر گۆڕەپانی عیراق تاووتوێكرا.

بەردەوام بە لە خوێندنەوە

عێراق

عیراق؛ لە 24 كاتژمێری ڕابردوودا 3 هەزار و 325 حاڵەتی نوێ و 78 مردن تۆماركرا

خەڵك – بەشی هەواڵ
وەزارەتی تەندروستی و ژینگەی عیراق ڕایدەگەیەنێت ، بەردەوام ژمارەی تووشبووان كۆرۆنا ڕوو لە زیادبوونە و ئەمڕۆ شەممە 3 هەزار و 325 كەس تووشبوون و 2 هەزار و 307 كەسیش چاكبوونەوە 78 كەسیش گیانیان لە دەستداوە.

وەزارەتی تەندروستی و ژینگەی عیراق لە بەیاننامەیەكدا ئاماژەی بەوەكردووە، كە ئەمڕۆ شەممە 8ی ئابی 2020 پشكنین بۆ 17 هەزار و 125 ئەنجامدراوە و 3 هەزار و 325 كەس ئەنجامی پشكنینەكانیان پۆزەتیف دەرچوون، كە زۆرینەیان لە بەغدا بوون و 104 كەسیش لە سلێمانی و هەولێر 259 توشبوو تۆماركراوە.

ڕاشیگەیاندووە ، هەر ئەمڕۆ 2 هەزار و 325 تووشبووی ڤایرۆسی كۆرۆنا چاكبوونەوە، كە زۆرینەیان لە بەغدا بوون هاوكات 78 حاڵەتی مردنیش بەو ڤایرۆسە تۆماركرا.

ئاشكراشی كردووە، كۆی گشتی تووشبووان بە كۆرۆنا گەیشتۆتە 147 هەزار و 389 كەس و چاكبوونەوەش 105 هەزار و 504 كەس و مردنیش 5 هەزار و 310 كەس و دەشڵێت:” هێشتا 36 هەزار و 575 كەس لەژێر چاودێری پزیشكیدان و 577 توشبوون لە چاودێری چڕدان”

بەردەوام بە لە خوێندنەوە

کوردستان