ئێمە لە تۆرە کۆمەڵایەتیەکان

ئابوری

خەڵك؛ نوێترین زانیاری لەسەر مووچەی فەرمانبەران بڵاودەكاتەوە

خەڵك- بەشی هەواڵ
لەگەڵ سەرهەڵدانی خۆپیشاندان و ناڕەزایەتییەكان لە شارەكانی ناوەڕاست و باشووری عیراق مەترسی بۆ سەر هاتنی مووچەی فەرمانبەران لە بەغداوە دروست بوو، بەڵام پەڕلەمانتارێكی ئۆپۆزسیۆنی هەرێم دەڵێت: “بۆ ئەمساڵ هیچ مەترسییەك نییە، بەڵكو مەترسییەكە بۆ ساڵی داهاتووە”.

د. شێركۆ جەودەت، سەرۆكی فراكسیۆنی یەكگرتوو لە پەڕلەمانی كوردستان، كە خۆیان وەك ئۆپۆزسیۆن ڕاگەیاندووە بۆ (خەڵك) وتی، “حكومەتی عیراق تا سەری ساڵ پابەندە بە یاسای بودجەی 2019 و پەیڕەوكردنی و بەشێوەیەكی ئاشكرا دیارە، كە ناوەستێت لە جێبەجێ‌ كردنی و كاریگەری خۆپیشاندانی لەسەر دروست نابێت”.

ڕاشیگەیاند، مەترسی لەسەر یاسی بودجەی ساڵی 2020 هەیە سەبارەت بە دیاریكردنی پشكی هەرێم و مووچەی فەرمانبەران.

وتیشی، “تا ئێستا هیچ كێشەیەك نییە لە ناردنی پارە لە بەغداوە بۆ مووچە و هیچ شتێكیش لە ئارادا نییە و بەردەوام پارەی مووچە هاتووە”.

لە كۆتاییەكانی ساڵی 2019 نزیك دەبینەوە و لەم مانگەدا حكومەتی عیراق مووچەی مانگی 11 بۆ فەرمانبەرانی هەرێم دەنێرێت، بەڵام لە هەرێم مووچەی مانگی 8 دەست بە دابەشكردنی دەكرێت و بەو هۆیەشەوە مانگی داهاتوو دوا مانگی جێبەجێ‌ كردنی یاسای بودجەی 2019-یە و تەنها یەك مووچەی دیكە بۆ فەرمانبەران دێت و وەك مووچەی مانگی 9 خەرج دەكرێت، بەڵام تا ئێستا حكومەتی هەرێم چارەنووسی 3 مووچەی مانگەكانی (10 و 11 و 12)ی دیاری نەكردووە.

ئابوری

نرخی دۆلار بەرانبەر بە دینار جێگیربوون بەخۆوەدەبینێت

خەڵك- بەشی هەواڵ
سەنتەری عیراقی بۆ ئابوری و سیاسی، ئاماژە بە جێگیربوونی نرخی دۆلار دەكات لەبەرانبەر دینار لە بۆرسە و بازاڕەكانی ناوخۆدا.

ئەمڕۆ هەینی، سەنتەری عیراقی بۆ ئابوری و سیاسی ڕایگەیاند”نرخی دۆلاری ئەمریكایی لەبەرانبەر دیناری عیراقی جێگیربوونی بەخۆوە بینیوە، لە بۆرسەی كیفاح لە بەغدا نرخی فرۆشتنی 100 دۆلار 123.500 دینارە و نرخی كڕینی 122.500 دینارە”.

ناوەندەكە دەڵێت”لە بۆسە و بازاڕەكانی دراو لە پارێزگەكان، نرخی فرۆشتنی 100 دۆلار 123.500 دینارە و نرخی كڕینی 122.500 دینارە، ئەمەش لەكاتێكدایە كە نرخی دۆلار لە بۆرسەی كیفاح و لە بۆرسە و بازاڕەكانی دراو لە پارێزگەكان، دوێنێ‌ پێنج شەممەش هەر بە هەمان نرخ مامەڵەی پێوەكراوە”.

بەردەوام بە لە خوێندنەوە

ئابوری

نرخی نەوت بەرزبۆوە

خەڵك- بەشی هەواڵ
نرخی نەوت بەهۆی بوژانەوەی داواكاریی لەسەر وزە و كەمبوونەوەی ئاستی عەمباركراوی نەوتی ئەمریكايى، ڕووی لە بەرزبوونەوە كرد.

گرێبەستە دواخراوەكانی برنت بەڕێژەی 0.55% ڕوویان لە بەرزبوونەوە كرد و نرخی بەرمیلێكی گەیشتە 42.17 دۆلار، بە هەمان شێوە گرێبەستە دواخراوەكانی نەوتی خاوی (خۆرئاوای تكساس مامناوەند) بەڕێژەی 0.6% بەرزبۆتەوە و نرخی بەرمیلێكی گەیشتە 40.55 دۆلار.

نرخی نەوت بەهۆی زیادبوونی داواكاریی و بوژانەوەی هیوای وەبەرهێنان ڕووی لە بەرزبوونەوە كردووە، وەبەرهێنەرانیش پێشبینی دەكەن هەندێك لە وڵاتان دەستبەرداریی ڕێوشوێنە توندەكانی كەرەنتینەببن، بەڵام مەترسی هاتنەبەری تەوژمی دووەمی كۆرۆنا لەئارادایە كە ڕەنگە بە هەمان شێوەی بەهاری پێشوو كاریگەریی لەسەر ئاستی داواكاریی لەسەر نەوت دروستبكات.

بەردەوام بە لە خوێندنەوە

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان