ئێمە لە تۆرە کۆمەڵایەتیەکان

عێراق

فەرماندەیی گشتی هێزە چەكدارەكانی عیراق بەیاننامەیەك بڵاودەكاتەوە

خەڵك-بەشی هەواڵ
وتەبێژی فەرماندەی گشتی هێزە چەكدارەكانی عیراق بەیاننامەیەك لەسەر پەرسەندنی ڕووداوەكانی ئەمڕۆی بەغادا پایتەخت بڵاودەكاتەوە.

لیوا عەبدولكەریم خەڵەف، وتەبێژی فەرماندەیی گشتی هێزە چەكدارەكانی عیراق لە بەیاننامەیەكی كورتدا ڕایگەیاند، “ڕێوشوێنی پێویست لەلایەن هێزەكانی پاراستنی یاساوە گیرانەبەر، بۆ دوورخستنەوەی ئەو گرووپانەی، كە چێشتخانەی بەعلەبەكیان لە ناوەڕاستی بەغدا سووتاند، هێزە ئەمنییەكان توانیان ئەوانە بڵاوە پێ بكەن”.

هەر لە بەیاننامەكەدا هاتووە، “ئەو گرووپانەی لە پردی ئەحرارەوە پەڕینەوە، ڕوویان لە وەزارەتی داد كرد، بەڵام هێزەكانی پاراستنی یاسا توانیان بڵاوەیان پێ بكەن”.

لە سەرەتای مانگی تشرینی یەكەمی ڕابردوو ، تەوژمی خۆپیشاندان بەغدا و شارەكانی ناوەڕاست و باشووری عیراقی گرتۆتەوە، خۆپیشاندەران داوای چاكسازی و باشتركردنی ئاستی خزمەتگوزاری و بەگژداچوونەوەی گەندەڵی و دابینكردنی هەلی كار دەكەن، بەهۆی دروستبوونی پێكداهەڵپژانیش لەنێوان خۆپیشاندەران و هێزە ئەمنییەكان، تا ئێستا زیاتر لە 250 كەس كوژران و هەزارانی تریش برینداربوون.

عێراق

گفتووگۆ بۆ دانانی جێگرەوەیەك بۆ عەبدولمەهدی دەكەن

خەڵك- بەشی هەواڵ

ماڵپەڕی “سبوتینك”ی ڕوسیا بڵاوی كردەوە، هێزە دەسەڵاتدارانی عیراق گفتووگۆ لەسەر سێ‌ كەس دەكەن بۆ ئەوەی لە كۆتاییدا كەسێكیان دەستنیشان بكەن وەك سەرۆك وەزیرانی نوێی عیراق.

ماڵپەڕەكە لە سەرچاوەیەكی ئاگادارەوە باسی لەوەكردووە، تەنانەت هێزەكانی نزیك لە ئێرانیش گەیشتوونەتە ئەو بڕواییەی كە سەرۆك وەزیرانێكی نوێ‌ دەستبەكاربێت.

سەرچاوەكە ڕەتیكردووەتەوە ناوی هیچ یەكێك لەو كەسانە ئاشكرابكات كە گفتووگۆیان لەسەر دەكرێت و تەنها وتویەتی”یەكێك لەو كەسانە كەسایەتییەكی سیاسی دیاری عیراقە”.

بەردەوام بە لە خوێندنەوە

عێراق

بە بەڵگە.. پارێزگاری نەینەوا داوای داخستنی دەرگای ئەنجومەنی پارێزگاكەیان دەكات

خەڵك- بەشی هەواڵ

لە نوسراوێكدا پارێزگای نەینەوا داوای لە هێزە ئەمنی و هەواڵگرییەكانی سنوری پارێزگای نەینەوا كردووە، لەسەر بنەمای بڕیاری ئەنجومەنی نوێنەرانی عیراق سەبارەت بە هەڵوەشانەوەی ئەنجومەنی پارێزگاكان ڕێگری بكەن و ڕێگەنەدەن ئەنجومەنی پارێزگای نەینەوا بەكاربهێنرێت.

ڕۆژی 28ی مانگی پێشوو، ئەنجومەنی نوێنەرانی عیراق بە زۆرینەی دەنگ تەواوی ئەنجومەنی پارێزگاكانی عیراقی هەڵوەشاندنەوە بێجگە لە هەرێمی كوردستان.

 

بەردەوام بە لە خوێندنەوە

عێراق

دوو كارمەندی پۆلیسی ئیتیحادی لە كەركوك كوژران

خەڵك- بەشی هەواڵ

شەوی ڕابردوو لە پەلامارێكی چەكدارانی داعشدا لە پارێزگای كەركوك دوو كارمەندی پۆلیسی ئیتیحادی كوژران.

بەپێی زانیارییە بڵاوكراوەكان درەنگانێكی شەوی ڕابردوو چەكدارانی داعش لە شارۆچكەی ڕەشاد پەلاماری بنكەیەكی هێزەكانی پۆلیسی ئیتیحادییانداوە و بەهۆیەوە دوو كارمەندی ئەو هێزانە كوژراون.

دوای ڕووداوەكە هێزێكی زۆری ئەمنی چوونەتە شوێنی ڕووداوەكە و چەكدارەكانیش بۆ شوێنێكی نادیار هەڵهاتوون.

بەردەوام بە لە خوێندنەوە

کوردستان